2Kwa 1:5 - Hdi

⁵ Manda va tsa ghuyta Kristi ta ɗaŋwa katakata ya ta ghuya aŋni guli. Lazglafta guli ná, ta lɓaŋna lɓa ta ŋuɗuf katakata nda ma Kristi.

2Kwa 1:5 ပူးပေါင်းရင်းမြစ်များ

Lukwa 2:25

Ma tsa fitik ya, mamu sana mndu ma Ursalima Simeyuna hga ni. Tsa mndu ya ná, tɗukwa mndu ya, ta snay ta gwaɗa da Lazglafta. Ta kzlaykzlay ta mnda mba la Israʼila. Kawadaga Sulkuma Lazglafta nda tsi guli.

Slna gwal ghunay 9:4

Ka zləmbagatá tsi ta haɗik, ka snə tsi ta sana lwi ta hgay, kaʼa mantsa: « Sawul! Sawul! Kabgawu ta kəl ka ka giri ŋa ɗa na? » kaʼa.

La Ruma 8:17

Ka si nda nza mu ka zwana ni, dzaʼa mutsay mu ta skwi ya payamaf tsi. Nda amu tani, nda Yesu Kristi tani, kawadaga mu dzaʼa mutsa tsa skwi payamaf tsi ya, kabga kawadaga mu ta ghuya ɗaŋwa, kawadaga mu guli nda tsi dzaʼa mutsa tsa glaku ya.

Filip 1:20

Skwi ya ma ŋuɗufa ɗa faf iʼi ta ghəŋa ɗa tida ná, haɗ yu dzaʼa walaŋta magatá skwi dzaʼa pghiɗaghatá hula wa. Má vlihata skwi ta mbrakwa suʼay yeya katsi. Skwi kumaf maya ɗa ndanana, dər má yawu tsi, ka dər ta ndiri yu, ka dər mtaku a ta slaɗighata, ka zləzlva mnduha ta Yesu Kristi nda ma nzakwa ɗa, ŋa ɗa.

Filip 2:1

Tsa ndiʼatá vgha ghuni nda *Kristi ya a ta vlaghunatá dra ŋuɗuf ra? Tsa ɗvu ɗvaf tsi ta kaghuni ya a ta mbra kaghuni ra? Nda sulkum nda ghuɓa a guyatá vgha ghuni ra? Ta ɗvuvustá vgha a kuni sani nda sani mataba ghuni ra? Ta tawa hiɗahiɗa a kuni sani nda sani mataba ghuni guli ra?

Filip 3:10

Skwi turtuk ta kum iʼi ná, snaŋta ɗa ta Kristi nda mbrakwa ni ya kəl tsi ka sliʼagapta ma mtaku. Ta kumay iʼi guli ta ghuzlaŋta ɗa ta iri manda ŋa ni, ŋa nuta ɗa manda tsatsi ma fitika mtakwa ni ya,

Kwalus 1:24

Ndanana, ta rfu yu nda ghuya ɗaŋwa ta ghuy yu ta ghəŋa kaghuni. Ghuya ɗaŋwa *Kristi ma sluʼuvgha ni ta nzakway ta ghəŋa *Igliz ya ta kɗaŋta yu ta ghuyay ma sluʼuvgha ɗa.

2Tim 3:11

ta tsa giri ya giɗip lu, nda ghuya ɗaŋwa ya ghuyɗip lu ma luwa Aŋtakiya, nda ya ma luwa Ikwaniya, nda ya ma luwa Listra ya. Wati ma giri ya kul giɗiptá lu na? Nduk nda tsaya ná, Lazglafta ta katagiɗipta ma inda ni.

1 Piyer 4:13

Rfawa rfa ta rfu katək, nda nzakwa ghuni kawadaga nda *Kristi ma ghuya ɗaŋwa, kada ndəghafta ŋuɗufa ghuni nda rfu baɗu dzaʼa maraŋta tsi ta glakwa ni ŋa inda mndu.