2Kwa 1:23 - Hdi

²³ Ta kəma Lazglafta ta mnaghunata yu. Yaha yu da gurɗaghunaftá ŋuɗufa ghuni ka yu kwal yu kul vrəgladapta da luwa Kwareŋt.

2Kwa 1:23 ပူးပေါင်းရင်းမြစ်များ

Slna gwal ghunay 18:1

Tahula tsa, ka sliʼaftá Pwal ma luwa Atina, ka laghu da luwa Kwareŋt.

Slna gwal ghunay 18:8

Ka zlghaftá Krispus ta nzakway ka mgham ta ghəŋa həga tagha skwa la Yahuda ta Mgham Yesu, mantsa ya la ga taŋ guli. Nda ndəgha gwal ma Kwareŋt guli ta snaŋtá gwaɗa Pwal, ka zlghaftá həŋ, ka maganaftá lu ta batem ta həŋ.

La Ruma 1:9

Nda sna Lazglafta ya ta maganata yu ta slna nda ŋuɗufa ɗa turtuk ma mnay ɗa ta *Lfiɗa Gwaɗa ta ghəŋa Zwaŋa ni, ta skwi dzaʼa yu mnay. Nda sna kazlay: Ma inda fitika ndəɓay ɗa ta dzvu ná, ta kulay yu ta kaghuni kəʼa.

La Ruma 9:1

Kahwathwata na gwaɗa dzaʼa yu mnay na, ma hga *Yesu *Kristi, tsakalawa ɗa a wa. Manda tsaya ka nzakwa ni ka ndana ɗa guli ta mnihata Sulkum nda ghuɓa.

1Kwa 4:21

Ka lagha yu slaghunaghata nda sarak re, ari ka lagha yu slaghunaghata nda zɗakwa ghəŋa ɗa, nda ya nda ɗva kaghuni a na? Zba a wa zba ta ya ta kum kuni mida.

1Kwa 5:5

Ka vlaŋta kuni ta tsa mndu ya ta halaway, ŋa ɓadziŋtá sluʼuvgha ni, kada mbanafta Lazglafta ta hafa ni baɗu vragata Mghama mu Yesu.

2Kwa 1:1

Iʼi Pwal zbap Lazglafta ŋa nzaku ka mnda ghunay *Yesu *Kristi ta vindaghunaftá na ɗelewer na. Kawadaga ŋni nda zwaŋama Timute. Ta ga zgu ŋni ŋa kaghuni Igliza Lazglafta ma luwa Kwareŋt, nda ya ŋa inda gwal zlghay nda ŋuɗuf ta kuraghuta kwakwara haɗika Akaya tani.

2Kwa 1:18

Manda va tsa nzakwa Lazglafta ka mndu tɗukwa ya ná, manda va tsaya tsa gwaɗa mnaghuna aŋni ya. Nza a tsa gwaɗa mnaghuna aŋni ya ka « aŋi, » aʼ « mantsa a kay guli wu » kəʼa ta va tsa skwa turtuk ya wu,

2Kwa 10:2

Ta ndəɓaghunandəɓa yu ta dzvu, yaha kuni giɗiftá sidi ɓhadaghar yu da kaghuni, kabga dzaʼa gay yu kahwathwata ta sidi nda tsa gwal ta ngha aŋni kazlay: Slna sluʼuvgha ta mag həŋ kəʼa ya.

2Kwa 11:10

Ta ghubakwa ɗa yu nda tsaya, haɗ mndu ta inda haɗika Akaya dzaʼa pyaftá iʼi wa. Na skwi ta mnə yu na ná, kahwathwata ɗa ta mna yu ma hga Kristi ta nzakway ma iʼi.

2Kwa 11:11

Kabgawu kəl yu ka mnay mantsa na? Kwala ɗa kul ɗvutá kaghuni ra? Nda sna Lazglafta kazlay: Ɗvu ɗva yu ta kaghuni kəʼa.

2Kwa 11:31

Nda sna Lazglafta Da ni ma Mghama mu Yesu ta zləzlvu lu ŋa kɗekedzeŋ ya kazlay: Tsakala a yu ta wi wu kəʼa.

2Kwa 12:20

Skwi ta zləŋ yu ma tsa lab dzaʼa lab yu da kaghuni ná, duŋwa yu da kwal kul slafta ta kaghuni mantsa ta kum yu ya, ta slaftá kaghuni ta iʼi mantsa kul kum kaghuni ya ná, ka yu. Ta zləŋay yu ta slanaghata ɗa mataba ghuni ta zlərɗa wi, nda draku, nda gufwatá ŋuɗuf, nda ɗvutá ghəŋ, nda tsanavatá gwaɗa ta mndu, nda tsa mndəra mndu, nda gla ghəŋ, nda hwazlaɓaku.

2Kwa 13:10

Skwi kəl yu ka vindaghunaftá na ɗelewer na, ta diʼiŋ yu nda kaghuni na na, kabga va a yu ta dava kaghuni ɓhadaghar yu da kaghuni wa. Vliha vla Mgham ta mbraku ŋa ŋla kaghuni ta kəma ta kəma, ŋa ɓadzighunista a wa.

2Kwa 13:2

Ma mahisa səla ɗa ta lab da kaghuni, zlahanaghazlaha yu ta gwal ta magatá dmaku nda pɗakwa inda sanlaha. Ndanana, dər má diʼiŋ yu nda kaghuni ná, ta vraf vra yu ta va tsa gwaɗa ɗa mnə yu ma tsa fitik ya kazlay: Ka vradap vra yu da kaghuni, haɗ ya dzaʼa zlaŋta yu dər turtuk wa.

2Kwa 6:6

Ta maray ŋni ta nzakwa ŋni ka gwal kul haɗ sana skwi ŋa tsanavata, ka gwal nda sna ta skwa Lazglafta, ka gwal ksa ŋuɗuf, ka gwal maga zɗaku, ka gwal nda Sulkum nda ghuɓa ma həŋ, ka gwal ta ɗvutá mndu nda ŋuɗuf turtuk.

Galat 1:20

Nana skwi ta vindi yu ŋa ghuni ná, tsakalawi a wu, kahwathwata ya, ta kəma Lazglafta ta gwaɗa yu.

Filip 1:8

Nda sna Lazglafta kazlay: Ta ɗvu ɗva yu ta kaghuni katakata kəʼa. Ɗvu ɗva yu ta kaghuni ma kɗavakta hya hya ŋuɗufa ɗa ma Yesu *Kristi.

1Tes 2:5

Nda sna kaghuni kazlay: Ta walaŋ a aŋni ta hihiŋaŋtá hihiŋaku da mndu wu kəʼa. Haɗ gwaɗa ŋa hahatá mndu gwaɗa ŋni wa. Nda sna Lazglafta kazlay: Mantsa ya nzakwa ni kəʼa.

1Tim 1:20

Mataba tsa mnduha ya na i Himene nda Alegzandra. Vlaŋ vla yu ta həŋ ta halaway, kada kwala həŋ razəgəltá Lazglafta.