2Kwa 1:20 - Hdi

²⁰ Nda ma tsatsi ta mna Lazglafta ta « aŋi » nda inda skwi tamaf tsi ta imi ta sləməŋ. Tsaya ta kəl amu ka mnay nda ma Yesu Kristi kazlay: Mantsa ya nzakwa ni kəʼa, ŋa vlaŋtá glaku ta Lazglafta.

2Kwa 1:20 ပူးပေါင်းရင်းမြစ်များ

Zlrafta 22:18

Nda ma hahəŋ, dzaʼa tfanagha tfa yu ta wi ta inda mndəra mnduha ta ghəŋa haɗik, kabga sna sna ka ta lwa ɗa, » kaʼa.

Zlrafta 3:15

Dzaʼa naghunaf na yu ka ghuma nda na marakw na. Mantsa dzaʼa nzakwa tsi mataba zivira gha nda zivira ni. Zivira ni dzaʼa dzaɓaghaptá ghəŋa gha, dzaʼa balay kagha ta durama guli, » kaʼa nda tsi.

Zlrafta 49:10

Ma həga ga Yahuda dzaʼa gɗavata dafa ga mgham. Ma dzva gwal dzaʼa yata lu ma zivira taŋ dzaʼa nzata mbrakwa ga mgham, ha fitika sagha vərɗa mndani, ya dzaʼa snu ndəghata mndəra mnduha ta gwaɗa da tsi.

Mata 6:13

Ma zlaŋna ka tawa skwi dzaʼa dzəghaŋnata. Klap kla ta aŋni ma dzva halaway, [kabga ŋa gha ga mgham, nda mbraku, nda glaku, ŋa kɗekedzeŋ. Amin!]

Lukwa 2:14

« Glaku ŋa Lazglafta ta luwa, zɗaku ta ghəŋa haɗik mataba mnduha ɗvu tsi. »

Yuhwana 1:17

Nda ma dzva Musa vlata Lazglafta ta zlahu, ka sagha zɗakatahuɗi nda kahwathwata nda da *Yesu *Kristi.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 3:5

Ka Yesu mantsa: « Kahwathwata ka yu ta mnaghata, ka ya a lu ta mndu nda imi nda Sulkum wu katsi, laviŋ a ta walaŋtá lami da ga mghama Lazglafta wa.

La Ruma 11:36

Sagha da tsatsi inda skwi, nda ma tsatsi nzata inda skwi, ka ŋa ni inda skwi. Ŋa Lazglafta glaku ŋa kɗekedzeŋ. *Amin!

La Ruma 6:23

Manda va tsaya ná, ka ta ga dmaku mndu, nisəla ni ná mtaku ya. Ama skwi ka mbalay ta mutsu lu da Lazglafta ná, hafu ŋa kɗekedzeŋ ya ma ndiʼatá vgha mu nda *Yesu *Kristi Mghama mu.

1Kwa 14:16

Ka mantsa a tsi wu, ka ta rfay ka ta Lazglafta ma sulkuma gha kweŋkweŋ, waká hamata mndu ta snay kul snaŋtá tsa gwaɗa ya, dzaʼa mna « amin » ta ghəŋa tsa rfu rfa ka ya, ka sna a tsi ta tsa skwi mna ka ya na?

2Kwa 4:15

Inda tsa skwiha ta magaku ya ná, ŋa kata kaghuni nzakwa ni, ŋa sga sliʼadamta mnduha mutsaftá zɗakatahuɗa Lazglafta. Mantsa tama, dzaʼa nda ndəgha mnduha ŋa rfa Lazglafta nda ya ŋa zləzlvay guli.

2Kwa 4:6

Ka Lazglafta mnata ma fitika zlaganapta ni ta ghəŋa haɗik na: « Ka tsuwaɗaka tsuwaɗak ta vli ma grusl, » kaʼa. Va tsa Lazglafta ya ta tsuwaɗakanaftá vli ma ŋuɗufa ŋni ŋa tsuwaɗaka mnduha, ŋa snaŋta taŋ ta glakwa Lazglafta nda ma kuma Yesu Kristi.

Galat 3:22

Má ŋa nzakwa ni mantsa ya na: « ksamksa dmaku ta inda mnduha ma dzva ni, » ka lu vindafta ma gwaɗa Lazglafta. Nda nza mantsa ya, kada vlata Lazglafta ta tsa tata imi ta sləməŋ taf tsi ta sləməŋ ya ŋa gwal ta zlghaftá *Yesu *Kristi. Ta ghəŋa vəl zlghafta taŋ kweŋkweŋ dzaʼa kəl tsi ka vlaŋtá həŋ.

Afisus 1:6

Manda tsaya magata tsi ŋa zləzlvay mu ta glakwa zɗakatahuɗa ni. Katakata vlamata tsi ta zɗakatahuɗa ni ya nda ma slna Zwaŋa ni ɗvu tsi.

Afisus 2:7

Mantsa ya maramaŋta tsi ta zɗakatahuɗa ni nda ma Yesu Kristi, ŋa nghaŋta mnduha dzaʼa yay lu ta kəma ta nzakwa glakwa tsa zɗakatahuɗa ni ta malaghutá inda skwi ya.

Kwalus 1:27

Ta kumay ta snaŋta taŋ ta glakwa tsa gadghəla ni nda ɗifa ta wuɗaku, ya payana tsi ŋa inda gwal kul nzakway ka la *Yahuda ya. Tsa ɗifatá skwi ya ná, Kristi ya ma ŋuɗufa ghuni. Nda ma tsatsi fafta kuni ta ghəŋa nzata kawadaga nda tsi ma glakwa Lazglafta.

2Tes 1:10

Ma saha ni dzaʼa magakwa tsaya, ŋa zləzlvay inda gwal ta zlghafta, ŋa ndərmimay inda taŋ nda ndərmima. Tekw kaghuni mataba taŋ, kabga zlghaf zlgha kaghuni guli ta gwaɗa ya mnaghuna ŋni.

Hebru 11:13

Ma zlghay nda ŋuɗuf rwuta həŋ demdem, ta kul mutsaftá həŋ ta magatá tsa skwi tanaf Lazglafta ta imi ta sləməŋ ta həŋ ya. Ama graf gra həŋ kazlay: Dzaʼa magaku tsa skwi ya kəʼa, harharhar ghəŋa taŋ ta ghəŋa ni. Ka graftá həŋ kahwathwata kazlay: Mayəm ŋni ta wawutá wawaku ta na ghəŋa haɗik na kəʼa.

Hebru 13:8

Va tsa *Yesu *Kristi ya ta nzakway ɗahawu, tsa tsatsi ya ta nzakway gita, tsatsi dzaʼa nzakway ŋa kɗekedzeŋ guli.

Hebru 7:6

Melkisedek ná, tekw a tsatsi mataba mndəra la Levi wu, ama ka klaftá Abraham ta zaka ma skwi zagagha tsi, ka vlaŋta. Ta ghəŋa tsa guli ná, ka tfanaghatá Melkisedek ta wi ta mndu ya tanaf Lazglafta ta imi ta sləməŋ.

1 Piyer 1:12

Ka snanamtá Lazglafta ta tsa la anabi ya kazlay: Ka ŋa taŋ a tsa gwaɗa ya wu, ka ŋa ghuni nzakwa ni kəʼa. Ndanana, mnaghuna mna gwal ta mna *Lfiɗa Gwaɗa ta tsa skwiha ya. Nda mbrakwa Sulkum nda ghuɓa ghunagata Lazglafta snaghunamtá həŋ ta tsa gwaɗa ya. Tsa gwaɗa ya guli ná, kumaŋ kuma duhwalha Lazglafta ta snaŋta.

1 Yuhwana 5:11

Vlama vla Lazglafta ta hafu ŋa kɗekedzeŋ. Tsa hafu ya guli ná, nda ma zwaŋa ni Yesu ta mutsakwa tsi. Mantsa ya ka Lazglafta mnamata.

Suna Yuhwana 3:14

« Vinda ŋa duhwala Lazglafta ta nzakway ka ŋa *Igliz ma luwa Lawdikiya. « Wya gwaɗa ta mnə mndu ta hgə lu ka Amin. Mndu ya ta nzakway ka vərɗa tughwa ni nda kahwathwata ni. Nda ma tsatsi magafta Lazglafta ta inda skwi demdem.

Suna Yuhwana 7:12

Ka həŋ mantsa: « Mantsa nzakwa ni! Nda ra Lazglafta mu ka zləzlvay, ka ghubay, nda ɗifil ma ghəŋa ni, nda ra ka rfay, ka vla glaku ŋa ni, da tsatsi mbraku, mbru mbra, ŋa kɗekedzeŋ tsatsi. *Amin! »