2Kwa 1:19 - Hdi

¹⁹ kabga ma mnaghunata ŋni, i Silas nda Timute nda vərɗa iʼi ta gwaɗa ta Yesu *Kristi Zwaŋa Lazglafta ná, mnay kazlay: Aŋi, aʼ mantsa a kay guli wu kəʼa ta va tsa skwa turtuk ya a mnə aŋni wa. Aŋi, ŋa tsatsi ta mnay inda fitik.

2Kwa 1:19 ပူးပေါင်းရင်းမြစ်များ

Sabi 3:14

Ka Lazglafta nda Musa mantsa: « “Iʼi ná, Iʼi ya,” ka ka. Tsaya skwi dzaʼa ka mnanatá la Israʼila. “Iʼi ya ta ghunɗikta da kaghuni,” » ka ka dzaʼazlay.

Mata 17:5

Tata tsa gwaɗa ya Piyer, gi ka saha kusay ka ŋusliŋ tilil bukwamtá həŋ. Gi ka snaŋtá lu ta sana lwi ta gwaɗagapta ma tsa kusay ya: « Nana na Zwaŋa ɗa ya ɗvu yu katakata Tsatsi zbap yu, ta rfu yu ta ghəŋa ni. Snawa sna ta gwaɗa ni, » kaʼa.

Mata 24:35

Dzaʼa lula luwa nda haɗik, ama gwaɗa ɗa ná, walaŋta a ta luta wa. »

Mata 27:40

« Kagha dzaʼa tasiŋtá həga Lazglafta ka bəgladafta gha ma fitik hkən ná, mbanaf mba ta ghəŋa gha tama ɓa, ka si Zwaŋa Lazglafta ka. Sasa gha ta na udza zləŋay na tama ɓa, » ka həŋ.

Mata 27:54

Nghay mghama sludza la Ruma nda sanlaha ma sludzi kawadaga nda tsi ta ngha Yesu ta tsa gigɗavafta haɗik, nda tsa skwi ta magaku ya ná, ka ksutá zləŋ ta həŋ katakata. « Kahwathwata ná, Zwaŋa Lazglafta na mndu na, » ka həŋ.

Mata 3:17

« Nana na zwaŋa ɗa ya ɗvu yu, ya ta zɗəgihata katakata, » ka sana lwi snagata daga ta luwa.

Mata 4:3

Ka gavanavatá halaway, kaʼa nda tsi mantsa: « Ka si Zwaŋa Lazglafta ka katsi ná, mnana mna ta na palaha na ka mbəɗavafta həŋ ka skwa zay, » kaʼa nda tsi.

Markus 1:1

Zlrafta *Lfiɗa Gwaɗa ta ghəŋa *Yesu *Kristi Zwaŋa Lazglafta.

Lukwa 1:35

« Sulkum nda ghuɓa dzaʼa saha ta ghəŋa gha. Mbrakwa Lazglafta Dagala dzaʼa bukwaghamta. Tsaya dzaʼa kəl lu ka hga tsa zwaŋ nda ghuɓa dzaʼa yata ka ya ka Zwaŋa Lazglafta.

Yuhwana 1:34

Ka nghaŋtá yu manda va tsaya. Nana mndu na ná, Zwaŋa Lazglafta ya, ka yu ta ghəŋa ni. »

Yuhwana 1:49

« Maləma ɗa! Kagha ná, Zwaŋa Lazglafta ka, mghama la Israʼila ka, » ka Natanayel nda Yesu.

Yuhwana 19:7

« Mamu zlaha ŋni. Ka tsa zlahu ya ná, dzata! kaʼa, kabga Lazglafta yu kəʼa fatá ghəŋa ni, » ka la Yahuda zlghanaftá wi.

Yuhwana 20:28

« Kagha ta nzakway ka Mghama ɗa, kagha ta nzakway ka Lazglafta ɗa guli, » ka Tuma zlghanaftá wi.

Yuhwana 20:31

Nana vinda a lu na ná, vinda a vinda lu ŋa zlghafta ghuni kazlay: Yesu ná, *Kristi ya, Zwaŋa Lazglafta ya guli kəʼa. Ka zlghaf zlgha kuni ta tsatsi, dzaʼa mutsay kuni ta hafu nda ma tsatsi.

Yuhwana 3:16

« Ɗvu ɗva Lazglafta ta ghəŋa haɗik, kəl tsi ka vlatá Zwaŋa ni turtuktuk, dər wa ta zlghafta, zwaɗuta a wu, mutsaf mutsa ta hafu ŋa kɗekedzeŋ.

Yuhwana 6:69

Zlghaf zlgha ŋni, nda sna ŋni guli kazlay: *Kristi mndu nda ghuɓa ta saha daga da Lazglafta kagha kəʼa, » kaʼa nda tsi.

Yuhwana 8:58

Ka Yesu mantsa: « “Kahwathwata ka yu ta mnaghunata, makəɗ lu ka Yatá Abraham ná, mamu iʼi,” » kaʼa nda həŋ.

Slna gwal ghunay 15:22

Mantsa tama, ka ndanatá gwal ghunay nda la galata mndu, nda gwal zlghay nda ŋuɗuf, ta pasaptá mnduha mataba taŋ ŋa ghunay da Aŋtakiya kawadaga nda i Pwal nda Barnabas. Ka psaptá həŋ ta i Yuda ta hgu lu ka Barsaba ya, nda Silas. Nda sgit ta həŋ his his mataba zwana ma.

Slna gwal ghunay 16:1

Ka ɓhadaghatá Pwal da luwa Derba, nda ya da luwa Listra guli. Mamu sana mnda Zlghay nda ŋuɗuf hada, Timute hga ni. Makwa la *Yahuda ta nuta ka mnda zlghay nda ŋuɗuf ta yata. Mndəra la *Grek da ni.

Slna gwal ghunay 18:5

Manda zlaŋta i Silas nda Timute ta haɗika Mekaduniya, ka lagha slanaghatá Pwal, ka vzatá Pwal ta ghəŋa ni ka mna gwaɗa. Ka paslə tsi ŋa la Yahuda kazlay: *Yesu ná, *Kristi ya kəʼa.

Slna gwal ghunay 8:36

Tata mbaɗa həŋ ta tvi, ka lagha həŋ slafta ta imi ma ghwa. Ka tsa mnda la Itiyupi ya nda tsi mantsa: « Ya wana imi na ní, nu dzaʼa pyafta magaɗiftá batem na? » kaʼa. [

Slna gwal ghunay 9:20

Ka gi sliʼaftá tsi ka mnay ma həga tagha skwa la *Yahuda, kaʼa mantsa: « Yesu ná, Zwaŋa Lazglafta ya, » kaʼa.

2Kwa 1:1

Iʼi Pwal zbap Lazglafta ŋa nzaku ka mnda ghunay *Yesu *Kristi ta vindaghunaftá na ɗelewer na. Kawadaga ŋni nda zwaŋama Timute. Ta ga zgu ŋni ŋa kaghuni Igliza Lazglafta ma luwa Kwareŋt, nda ya ŋa inda gwal zlghay nda ŋuɗuf ta kuraghuta kwakwara haɗika Akaya tani.

1Tes 1:1

Iʼi Pwal ta vindaghunafta, kawadaga ŋni nda i Silas nda Timute, ŋa kaghuni *Igliz, mnduha Lazglafta Da nda Mgham *Yesu *Kristi ma luwa Tesalunik. Ka vlaghuna vla Lazglafta ta zɗakatahuɗi, nda zɗakwa ni.

2Tes 1:1

Iʼi Pwal, kawadaga nda i Silas nda Timute, ta vinda na ɗelewer na ŋa kaghuni Igliza Lazglafta ma luwa Tesalunik, kaghuni ta nzakway ka ŋa Da mu Lazglafta, nda Mghama mu *Yesu *Kristi ya.

1Tim 3:16

Manda va tsaya ná, dagala nzakwa skwi ya nda ɗifa payaf Lazglafta, ta nzakway ka Kristi ya zlghaf mu. Marigiŋ mara Lazglafta ka mnda səla. Tɗukwa nzakwa ni, ka Sulkum nda ghuɓa maraŋta. Nda ngha duhwalha Lazglafta, ka mnə lu ta gwaɗa tida, ŋa inda gwal kul nzakway ka la Yahuda. Ka zlghaftá mnduha ma inda vli ta ghəŋa haɗik. Ka klaghatá Lazglafta ta luwa da vla glakwa ni.

Hebru 1:11

Inda tsa skwi ya ná, dzaʼa hərɗu hərɗa həŋ. Ama kagha ná, nda nza kagha ŋa kɗekedzeŋ. Tsa haɗik ya nda luwa tani ná, dzaʼa haluhala həŋ manda halakwa lgut.

Hebru 13:8

Va tsa *Yesu *Kristi ya ta nzakway ɗahawu, tsa tsatsi ya ta nzakway gita, tsatsi dzaʼa nzakway ŋa kɗekedzeŋ guli.

1 Piyer 5:12

Silveŋ ta katihata kəl yu ka vindaghunaftá na zwaŋa ɗelewer na. Nda sna yu kazlay: Ŋərma mndu ya kəʼa ta tva Lazglafta. Ŋa vlaghunatá mbraku kəl yu ka vindaghunafta. Nda ya ŋa graghunaftá kahwathwata zɗakatahuɗa Lazglafta. Dihavawa diha nda mbraku ta tsa zɗakatahuɗa Lazglafta ya.

2 Piyer 1:17

Ma fitika mutsafta ni ta sgit, nda glaku da Lazglafta ta nzakway ka Da ná, hada aŋni. Nda sna aŋni nda sləməŋa ŋni ta mnə Lazglafta ya ta hemanatá inda skwi kazlay: Nana na zwaŋa ɗa ya ɗvu yu ta zɗəgihata katakata kəʼa.

1 Yuhwana 1:3

Tsa skwi nghaŋ ŋni nda ya snaŋ ŋni ya, tsaya ta mnaghunata aŋni kada nzakwa kuni nda guya nda aŋni. Ka nda guya ghəŋa mu katsi, nda guya ghəŋa mu kawadaga nda Lazglafta Da, nda ya nda zwaŋa ni *Yesu *Kristi.

1 Yuhwana 5:20

Nda sna amu guli kazlay: Sasa Zwaŋa Lazglafta ta ghəŋa haɗik ka vlamatá tsi ta ɗifil ŋa snaŋtá vərɗa Lazglafta kəʼa. Ka ndiʼaftá mu ta vgha nda vərɗa Lazglafta nda ya nda zwaŋa ni *Yesu *Kristi. Tsatsi ná, vərɗa Lazglafta ta vlamatá hafu ŋa kɗekedzeŋ ya.

2 Yuhwana 1:9

Dər wati ma mndu ta kwal kul ŋanatá tagha skwa Kristi, ka tsanaghatá ŋa ni nda tsa, ta ndiʼa a nzakwa ni nda Lazglafta wa. Ala ka gɗava gɗa mndu ma tagha skwi taghanaf Kristi katsi ná, nda ndiʼa nzakwa tsa mndu ya nda Da mu Lazglafta nda ya nda Yesu Kristi Zwaŋa ni.

Suna Yuhwana 1:11

Kaʼa mantsa: « Klaf kla ta ɗelewer ka vindamta ka mida ta skwi nghaŋ ka. Ka tsaghanafta ka ta ghuɓa Iglizha ndəfáŋ, ta nzakway ka luwa: Afisus, Samirna, Pergam, Tiyatir, Sardis, Filadelfi nda Lawdikiya, » kaʼa. Na snaŋta ɗa ta tsa lwi ya,

Suna Yuhwana 1:17

Manda nghaŋta ɗa, ka zləmbatá yu ta kəma ni manda mndu nda mta. Ka faftá tsi ta dzva zeghwa ni ta iʼi, kaʼa mantsa: « Ma zləŋ ka ta zləŋ! Iʼi taŋtaŋa ni, iʼi kɗavakta ni,

Suna Yuhwana 1:8

« Iʼi zlrafta ni, iʼi kɗavakta ni, » ka Mgham Lazglafta mnata. Tsatsi Lazglafta ta mbruta, tsatsi ya manda ghalya, tsatsi ya ndanana guli, tsatsi ya guli ta kəma.

Suna Yuhwana 2:18

« Vinda ŋa duhwala Lazglafta ya ta nzakway ka ŋa *Igliz ma luwa Tiyatir. « Wya gwaɗa ya mna Zwaŋa Lazglafta ya ta zlghaku iri ma ghəŋa ni manda zlghakwa vu, ta wuɗaku səlaha ni manda kfur sluwap lu ma vu ya.