1 Piyer 5:5 - Hdi

⁵ Kaghuni guli duhwalha, hanaganawa ghəŋ mista la galata mndu ta ngha Igliz. Kaghuni demdem nzawa nza nda hanatá ghəŋ ma gwaya vgha ghuni, kabga « zɗəgana a gwal ta gla ghəŋ ta Lazglafta wu, ama ta zɗanaŋ zɗa ta huɗi ta gwal ta hanaganatá ghəŋ. »

1 Piyer 5:5 ပူးပေါင်းရင်းမြစ်များ

2Rus 6:41

Ndanana, Yawe, Lazglafta, sliʼaf sliʼa, sawi da vla mbiʼa vgha gha, kagha nda akwata glakwa gha! Má ka mutsaf mutsa gwal dra skwi ŋa gha Yawe, Lazglafta ta mbaku. Má ka rfa ŋərma mnduha gha ta rfu dabga zɗakwa gha!

Danyel 11:12

Manda zuta lu ta tsa ghuɓa gwal vulu nda ga mazlay ya, dzaʼa ghərɓay mgham nda ga maghura ta ghərɓaku. Dzaʼa rwana rwa ta dəmbuʼata mnduha, kulam nda tsa, haɗ tsa mbrakwa ni ya dzaʼa nzəɗavata wa.

La Levi 19:32

Sliʼafwa sliʼa nda sliʼa vlaŋtá glaku ta mndu nda kwalala ma ghəŋa ni, nghawa ngha nda sgit ta halata mndu, kabga ta zləŋay kuni ta Lazglafta ghuni. Iʼi ná, Yawe yu.

Lukwa 22:26

Yaha ŋa ghuni da nzakway manda tsaya. Katək ná, ka nza nza tsa mndu ka mali mataba ghuni ya manda zwaŋ kwitikw. Tsa mndu ta kla kəma ya guli, ka nza nza tsi manda mndu ta dga skwi ŋa mndu.

La Ruma 12:10

Manda zwana ma ka kuni ɗvuvustá vgha ghuni mataba ghuni. Ŋavawa ŋa ta tiŋlaghuta vlaŋtá glaku ta sani ta ghəŋa ghuni.

La Ruma 13:14

Suɗavawa suɗa ta Mgham *Yesu *Kristi. Ma laghu kuni hamta ghəŋ ka maga skwi ta zɗəganata sluʼuvgha.

Afisus 5:21

Hanaganawa hana ta ghəŋa ghuni mista sani nda sani, kabga ta zləŋay kaghuni ta *Kristi.

Filip 2:3

Ma dagə kuni ta vgha ka gla ghəŋ, leɓtekwa ka kuni nzata. Ka mali ta ghəŋa kaghuni ka kuni ngha mnduha.

Kwalus 3:12

Mantsa ya tama, Lazglafta ta psapta kaghuni ŋa nzakwa ghuni ka mnduha ni, ta ɗvay ta kaghuni. Kaghuni guli, nzawa nza nda tawa hiɗahiɗa ta mndu, nda zɗaku, nda hanata ghəŋ, nda nzaku leɓtekwa, nda ksanata ŋuɗuf.

1Tim 5:1

Ma davə ka ta glata mndu. Nda ɗasuwa ká ka gwaɗa nda tsi, manda skwi nda da gha. Manda mna gwaɗa ŋa zwaŋama gha ka ka gwaɗa nda zwana duhwalha.

Hebru 13:17

Snawa sna ta gwaɗa da maliha ghuni, ka sna kuni ta skwi ta mnaghunata həŋ. Hahəŋ ta nghapta ka hafa ghuni, kabga dzaʼa zlghay həŋ ta wa ni da Lazglafta. Snawa sna ta gwaɗa da həŋ, ya dzaʼa kəl həŋ ka maga slna taŋ nda rfu, nda ŋa ɗa ghəŋ a wa. Ka nda ŋa ɗa ghəŋ tsi ná, kataghunaftá a tsa wa.

Yakubu 4:6

Ta vlay katək ta zɗakatahuɗi ya ta fərtuta kəl defteri ka mnay kazlay: Ta pgha ghəŋ Lazglafta nda gwal ta gla ghəŋ, ama ta vlay ta zɗakatahuɗa ni ŋa gwal ta hanaganatá ghəŋa taŋ kəʼa ya.

1 Piyer 3:8

Ŋa kɗiŋta ná, guyawa guyatá ndana ghuni ka skwa turtuk, tawavuswa hiɗahiɗa, ɗvuvuswa vgha ghuni ka zwana ma nda kwaghama, magawa zɗaku nzawa nza nda hanatá ghəŋ.

1 Piyer 4:1

Nda sna mu kazlay: Ghuy ghuya *Kristi ta ɗaŋwa ma sluʼuvgha kəʼa. Kaghuni guli, nzawa nza nda fata vgha ŋa ghuyay manda ŋa ni. Mndu ta ghuytá ɗaŋwa ma sluʼuvgha ná, haɗ ta gəgəltá dmaku wa.

1 Piyer 4:5

Ama hahəŋ nda wa taŋ dzaʼa mnaŋtá slna taŋ ta kəma Lazglafta ya nda fa vgha ni ŋa tsanaghatá guma ta gwal nda hafu nda gwal nda rwa tani.