1 Piyer 5:3 - Hdi

³ Ma zbə kuni ta ga má mgham mgham ta ghəŋa gwal pghaghunam Lazglafta ma dzvu. Nzawa nza ka gwal ŋa ksay taŋ ta saɗa ghuni.

1 Piyer 5:3 ပူးပေါင်းရင်းမြစ်များ

Mbsak 18:7

Kagha nda zivira gha dzaʼa maga slna dra skwi ŋa Lazglafta ta nghanatá inda slna gwir, nda ya ta hula zlala. Tsaya slna ghuni. Ta vlaghuna vla yu ta slna dra skwi, tsaya slna mbəhaghuna yu nda tsi. Ama dzibata mndu dzaʼa gavadaghata ná, dzaʼa dza dza lu, » kaʼa.

Yuhwana 13:15

Maraghunatá tsaya maraghuna yu, ŋa magay kaghuni guli manda tsa magaghuna yu ya.

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

1Kwa 11:11

Dər má mantsa nzakwa ni ma guyatá vgha nda Mgham *Yesu ná, lava a ma marakw ka haɗ zgun wu, lava a ma zgun guli ka haɗ marakw wa.

1Kwa 3:5

Wa Apwalus, wa Pwal na? gwal ksanatá slna ta Lazglafta ŋni his his, ghunaf tsi ŋa mnaghunatá gwaɗa ŋa zlghafta ghuni ta Kristi. Ta magay dər wati ma aŋni ta slna Mgham *Yesu manda ya vlaŋna tsi.

1Kwa 3:9

Nda gwa aŋni ma slna Lazglafta. Nda nza kaghuni manda vwaha Lazglafta. Manda həga Lazglafta nzakwa ghuni guli.

2Kwa 1:24

Kumay ŋni ta faghunaghatá zlambak ta ghəŋa zlghay nda ŋuɗufa ghuni a wu, ta maga slna mu ka skwa turtuk, ŋa zɗavafta ŋuɗufa ghuni, kabga nda diha kuni ma zlghay nda ŋuɗuf.

2Kwa 4:5

Ta mnə aŋni ta tsa Lfiɗa Gwaɗa ya ná, gwaɗa ta ghəŋa aŋni a ta mnə ŋni wa. Gwaɗa ta Kristi ta nzakway ka Mgham ŋa aŋni ta mnay. Aŋni, gwal ksaghunatá slna aŋni, kabga nzakwa ŋni mista Yesu.

Vrafta ta zlahu 32:9

Mayaka Yawe ná, mnduha ni ya. Yakubu tsa mayaka skwa za həga ni ya.

Filip 3:17

Kaghuni demdem zwana ma ɗa, ksawaksa ta saɗa ɗa, fafwa ira ghuni ta gwal ɗina mbaɗa taŋ manda ya ta nghə kuni ta mbaɗa aŋni ya.

Filip 4:9

Magawa maga ta skwiha taghaghunaf yu, nda skwiha mutsaf kuni ta snaŋta da iʼi, nda skwiha ya nghaŋ kuni ta iʼi ta magay guli. Tsaha ya skwi ŋa magay ghuni, dzaʼa nza nza Lazglafta ta vla zɗaku kawadaga nda kaghuni.

1Tes 1:7

Mantsa ya maranaŋta kuni ta ŋərmata nzakwa ghuni ta mnduha Lazglafta ta haɗika Mekaduniya nda ya ta haɗika Akaya.

2Tes 3:9

Nza a vəl magay ŋni mantsa ya kazlay, ra a ka mutsay ŋni ta skwi da kaghuni wu kəʼa wa. Nda nza tsa slna mag ŋni ya ŋa tagha skwi ŋa ghuni.

1Tim 4:12

Yaha mndu da hərtətatá nzakwa gha ta ka zwaŋ. Katək ná, nza nza ka ŋa gwal zlghay nda ŋuɗuf, ka mndu ŋa kla saɗa ni ma tva gwaɗa, ma tva nzaku, nda ya ma tva nzaku nda ghuɓa.

Titus 2:7

ma inda skwi. Kagha guli, ka maga ka ta skwi ɗina ŋa nghay taŋ ta kagha, ŋa ksay taŋ ta saɗa gha. Nda ŋuɗuf turtuk ká ka tagha skwi ta tagh ka ŋa taŋ. Yaha ka da tsaɓaku.

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.