1 Piyer 5:2 - Hdi

² Wyawa dzvu, ka ngha kuni ta bra ya faghunam Lazglafta ma dzvu. Nghawa ngha nda ŋuɗuf turtuk manda ya ta kum Lazglafta. Ma nza tsi ka mbla kaghuni nda mbla. Ma mag kuni kabga ŋa mutsa tsedi, ama magawa maga kabga ɗvu.

1 Piyer 5:2 ပူးပေါင်းရင်းမြစ်များ

2Mgh 12:6

ka zlgha gwal dra skwi ŋa Lazglafta ta tsa tsedi ya da mnda ni ta tskay, ka hla həŋ ŋa paya vliha ta ɓadzuta nda ra ka payay ta slanaghata lu ma həga Lazglafta, » kaʼa.

Mbsak 18:7

Kagha nda zivira gha dzaʼa maga slna dra skwi ŋa Lazglafta ta nghanatá inda slna gwir, nda ya ta hula zlala. Tsaya slna ghuni. Ta vlaghuna vla yu ta slna dra skwi, tsaya slna mbəhaghuna yu nda tsi. Ama dzibata mndu dzaʼa gavadaghata ná, dzaʼa dza dza lu, » kaʼa.

Lukwa 12:32

« Ma zləŋ kuni ta zləŋ kaghuni gwal ta nzakway ka ŋa ɗa manda zwaŋa bra. Zɗəgana zɗa ta Da ghuni Lazglafta na vlaghunata ni ta ga mghama ni.

Slna gwal ghunay 20:29

Tahula laghwa ɗa ná, nda sna yu kazlay: Dzaʼa sliʼadamsliʼa mnduha ta sidi manda ziŋaha da taba ghuni, haɗ həŋ dzaʼa zlaŋtá tsa bra ya wu kəʼa.

Slna gwal ghunay 21:13

Ka Pwal nda aŋni mantsa: « Ta ghəŋa wu ta tawa kuni ta taw. Ta kumay kuni ta giɗiftá zləŋ ra? Iʼi taɗa ná, ŋa habaftá iʼi yeya a wu, dər má ŋa dzatá iʼi ma Ursalima ta ghəŋa hga Mgham *Yesu tsi, nda fa vgha ɗa, » kaʼa.

La Ruma 1:15

Tsaya tama ta kəl yu ka kuma ɓhadaghata ɗa da kaghuni ta nzakway ma luwa Ruma guli ŋa mnaghunatá Lfiɗa Gwaɗa.

1Kwa 9:7

Ta kəɗ snaŋta kaghuni ta sludzi ta maga slna, tsatsi guli ta zuŋtá ghəŋa ni ra? Mamu mndu ta ŋəɓata fu ná, kul za yakwa ni ra? Ari mamu a mndu ta ngha rini ná, kul sa uʼa tsa rini ya na?

1Tim 3:3

ma nza tsi ka mndu ta sa ima inabi, ma nza tsi ka mndu ta sidi, ama leɓtekw ka nzakwa ni. Ma nza tsi ka mndu ta ghazeŋzeŋ, ma nza tsi ka mndu ɗvutá ta tsedi.

1Tim 3:8

Gwal ta ksa slna ma səla mnduha ya guli, ɗina ka nzakwa taŋ. Yaha həŋ pgha wirak his ma vu, yaha həŋ nzakway ka gwal ta sasaku, ka gwal ta zba tsedi nda ta ghwaɗaka tvi.

Titus 1:11

Ka hanafta lu ta wi ta həŋ, kabga ta ɓadza nzaku ma həga ga mndu həŋ nda tagha skwiha kul raku ŋa mndu, ŋa mutsa skwi ta tvi kul ɗinaku.

Titus 1:7

Mndu kul haɗ gwaɗa ta ghəŋa ni katsi, kabga slna Lazglafta ta mag tsi. Má ma nza tsi ka mndu tsuʼaslaŋslaŋa, ka mndu ta gufwaku ŋuɗufa ni, ka mndu ta ghuyaku, ka mnda ghazeŋzeŋ, ma nza tsi ka mndu ta nənɓaptá mndu ma tsedi.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Titus 3:1

Havanakhava ta gwal zlghay nda ŋuɗuf, ka hanaganata həŋ ta ghəŋ mista mghamha nda ya da la ŋumna ka maga həŋ ta skwi ta mnanata lu ta həŋ.

Filimuŋ 1:14

Tsaw tama ná, laviŋ a yu ta magay gaghəŋ gaghəŋa ɗa kul snanatá yu da kagha wu, ba má da kagha katsi sabi da nzaku tsa zɗakwa gha ya ka mbla kagha.

Hebru 12:15

Ɗasuwa ka kuni yaha mndu dər turtuk da mbəɗanatá hul ta zɗakatahuɗa Lazglafta. Yaha ya dər ka turtuk da nzakway manda slrəŋ ɗahɗaha da ɗyamta ka ɓadza ndəghata mnduha.

2 Piyer 2:3

Ta taɗaku ira tsa ghwaɗaka mnduha ya ta skwa mndu, ŋa tsakalay taŋ ta wi ŋa gatugadughunustá skwa ghuni. Tsaw nda ghada tsatá guma ta ghəŋa taŋ daga manda ghalya, ta kzlaykzlay zaɗaku ta həŋ.