1 Piyer 5:12 - Hdi

¹² Silveŋ ta katihata kəl yu ka vindaghunaftá na zwaŋa ɗelewer na. Nda sna yu kazlay: Ŋərma mndu ya kəʼa ta tva Lazglafta. Ŋa vlaghunatá mbraku kəl yu ka vindaghunafta. Nda ya ŋa graghunaftá kahwathwata zɗakatahuɗa Lazglafta. Dihavawa diha nda mbraku ta tsa zɗakatahuɗa Lazglafta ya.

1 Piyer 5:12 ပူးပေါင်းရင်းမြစ်များ

Yuhwana 21:21

« A ki na duhwal na tama Mghama ɗa, nahgani dzaʼa slanaghatá tsatsi? » ka Simuŋ Piyer nda Yesu, nghər tsi ta sagha tsa duhwal ya.

Slna gwal ghunay 11:23

Manda ɓhadaghata ni, ka nghaŋtá tsi ta zɗakatahuɗa Lazglafta, ka rfu tsi ta rfu. Ka vlaŋtá tsi ta mbraku ta həŋ ŋa gɗavata taŋ nda fatá ŋuɗufa taŋ ta Mgham Yesu.

Slna gwal ghunay 15:22

Mantsa tama, ka ndanatá gwal ghunay nda la galata mndu, nda gwal zlghay nda ŋuɗuf, ta pasaptá mnduha mataba taŋ ŋa ghunay da Aŋtakiya kawadaga nda i Pwal nda Barnabas. Ka psaptá həŋ ta i Yuda ta hgu lu ka Barsaba ya, nda Silas. Nda sgit ta həŋ his his mataba zwana ma.

Slna gwal ghunay 20:24

Iʼi ná, ndana a yu ta gwaɗa ta hafa ɗa, dər má kinawu ɗinutani ka ŋa ɗa wa. Dzaʼa kɗanaktá tsa ŋərma slna vliha Mgham Yesu ŋa magay, ta nzakway ka mna *Lfiɗa Gwaɗa ta ghəŋa zɗakatahuɗa Lazglafta ya skwi ta zɗəgihata.

La Ruma 5:2

Nda ma tsa Yesu Kristi ya mutsafta mu ta zɗakatahuɗa Lazglafta nda ma zlghafta mu nda ŋuɗuf. Ta tsa zɗakatahuɗi ya sladafta amu ka rfu, kabga nda fa ghəŋa mu ta gwata Lazglafta nda amu ma glakwa ni.

1Kwa 15:1

Zwana ma ɗa, ka havaghunak hava yu ta tsa *Lfiɗa Gwaɗa mnaghuna yu, ka tsuʼaftá kuni, ka ŋavatá kuni mida ya.

2Kwa 1:19

kabga ma mnaghunata ŋni, i Silas nda Timute nda vərɗa iʼi ta gwaɗa ta Yesu *Kristi Zwaŋa Lazglafta ná, mnay kazlay: Aŋi, aʼ mantsa a kay guli wu kəʼa ta va tsa skwa turtuk ya a mnə aŋni wa. Aŋi, ŋa tsatsi ta mnay inda fitik.

2Kwa 1:24

Kumay ŋni ta faghunaghatá zlambak ta ghəŋa zlghay nda ŋuɗufa ghuni a wu, ta maga slna mu ka skwa turtuk, ŋa zɗavafta ŋuɗufa ghuni, kabga nda diha kuni ma zlghay nda ŋuɗuf.

Afisus 3:3

Tsatsi ta guniɗiŋtá ghunislaka ɗa, kəl yu ka snaŋtá ɗifatá skwa ni manda ya vindaghunaf yu neɗ ya kay.

Afisus 6:21

Ta kumay yu guli ta snaŋta kaghuni ta nzakwa ɗa nda skwi ta mag yu tani. Dzaʼa mnaghuna mna Tisik ta inda skwi ta ghəŋa ɗa. Tsatsi ná, zwaŋama mu ma zlghay nda ŋuɗuf ya ta ɗvu mu ta maganata ni ta slna ta Mghama mu ya.

Kwalus 1:7

Ipafras ta nzakway ka ŋərma gra ta ksa slna ŋni, ta taghaghunaftá tsaya. Tsatsi ná, ŋərma mnda ksanatá slna ta Kristi ya ta vata kaghuni.

Kwalus 4:7

Tisik ta nzakway ka zwaŋama, ham ha ta ghəŋa ni ma slna Kristi. Kawadaga ŋni nda tsi ta ksa slna Mgham Yesu. Dzaʼa mnaghuna mna ta gwaɗa ta ghəŋa ɗa.

Kwalus 4:9

Kawadaga həŋ ta lab da kaghuni nda Unesima, ta nzakway ka zwaŋama mu. Tsatsi guli, ŋərma mndu ya, zwaŋa ghuni ya guli. Dzaʼa mnaghuna mna həŋ ta skwi ta magaku hadna.

1Tes 1:1

Iʼi Pwal ta vindaghunafta, kawadaga ŋni nda i Silas nda Timute, ŋa kaghuni *Igliz, mnduha Lazglafta Da nda Mgham *Yesu *Kristi ma luwa Tesalunik. Ka vlaghuna vla Lazglafta ta zɗakatahuɗi, nda zɗakwa ni.

2Tes 1:1

Iʼi Pwal, kawadaga nda i Silas nda Timute, ta vinda na ɗelewer na ŋa kaghuni Igliza Lazglafta ma luwa Tesalunik, kaghuni ta nzakway ka ŋa Da mu Lazglafta, nda Mghama mu *Yesu *Kristi ya.

Hebru 13:22

Zwana ma ɗa, vindaghunaf vinda yu ta na ɗelewer na ŋa vlaghunatá mbraku. Kiʼa nda kiʼa yeya vindaghunafta yu. Kdəkwa kdək ka ŋanata kuni ta tsəna gwaɗaha na ma ŋuɗufa ghuni.

1 Piyer 1:13

Tsaya tama, payavawa paya ŋa ksa slna, nzawa nza nda fata ghəŋ hzleŋa. Fafwa fa ta ndana ghuni ta zɗakatahuɗi ya dzaʼa vlaghunata lu baɗu zlagapta *Yesu *Kristi.

1 Piyer 4:10

Inda kaghuni, magawa maga ta slna nda tva ni ŋa sanlaha nda skwi ya vlaghuna Lazglafta. Mantsa ya dzaʼa kəl kuni ka nzakway ka vərɗa gwal ta ksa slna nda zɗakatahuɗi kavghakavgha ya ta vlə Lazglafta.

2 Piyer 1:12

Tsaya ta kəl yu ka gɗavata ta hava tsa skwiha ya ŋa ghuni, dər má nda ghada snaŋta ghuni, ta ŋava ŋa kuni ma tsa kahwathwata taghaghunaf lu ya.

2 Piyer 2:15

Zluŋ zla həŋ ta vərɗaka tvi, ka zwaɗuta, ka ksaghatá tvi manda ŋa Balama zwaŋa Baswara zɗuguduŋ tsedi ka magatá tsi ta ghwaɗaka skwi ya.

3 Yuhwana 1:12

Ya wya Dematriyus ya ní, ndaɗaʼa ta ghuba mnduha wa. Ma nzakwa ni ná, ta nghaku ŋərma slna ta mag tsi. Aŋni guli ná, ŋərma mndu ya ta mna aŋni. Nda sna kagha guli kazlay: Kahwathwata ta mnə ŋni kəʼa.

Yuda 1:3

Graha ɗa ya ta ɗvu yu ma ŋuɗufa ɗa, gitagita a ta ɗvuta yu ta vindaghunaftá skwi ta ghəŋa gwaɗa ta mbaku ya ka skwa turtuk mu mida wu, kabga tsa, nda nza tkweʼ ka vindaghunafta ɗa, ŋa vlaghunatá mbraku, ŋa ŋavata ghuni ma zlghay nda ŋuɗuf ya zlghaf kuni, ya vlaŋ Lazglafta ta mnduha ni. Tsa gwaɗa ta mbaku ya ná, haɗ dzaʼa walaŋta mbəɗavafta wa.