1 Piyer 5:10 - Hdi

¹⁰ Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

1 Piyer 5:10 ပူးပေါင်းရင်းမြစ်များ

Lukwa 22:32

Tsaw maga maga yu ta duʼa ta ghəŋa gha, kada kwala zlghay nda ŋuɗufa gha htuta ɗekɗek. Baɗu vragaghuta gha da iʼi ya, ka mba ka ta zwana ma gha, » ka *Yesu.

La Ruma 15:13

Lazglafta ná, Lazglafta ta vla faftá ghəŋ ya. Ka vlaghuna vla tsi ta rfu nda zɗaku ma zlghay ghuni nda ŋuɗuf, kada nzata kuni nda fata ghəŋ nda ma mbrakwa Sulkum nda ghuɓa.

La Ruma 15:5

Ka vlaghuna vla Lazglafta lɓa ŋuɗuf ŋa mndu nda ksa ŋuɗuf ŋa mndu ta nzaku nda dzratá wi mataba ghuni nda ma ksay ghuni ta saɗa *Yesu Kristi.

La Ruma 16:25

Ŋa Lazglafta glaku! Laviŋ lava ta dihaghunata manda va ya ta mnə *Lfiɗa Gwaɗa, ya ta mnə yu ta ghəŋa *Yesu *Kristi ya. Tsa Lfiɗa Gwaɗa ya ná, skwi si nda ɗifa ya daga ghalya, zlagigiŋ lu.

La Ruma 9:11

Makəɗ lu ka yatá tsa zwani ya, ka Lazglafta nda Rebeka mantsa: « Mali dzaʼa ndəɓa dzvu da sagəŋ, » kaʼa. Ta la a tsa zwani ya saha ta haɗik, ka snaŋta taŋ ta skwi ɗina nda ya kul ɗinaku nda tsa ta luta tsa gwaɗa ya wa. Nza nza tsa skwi ya mantsa kada nzakwa skwi ta kum Lazglafta manda ya tha tsi. Tsa zbaf lu ya ná, ŋa nzakwa ni manda ya ta kum Lazglafta hgafta lu, ta vəl magata ni ta slna a wa.

La Ruma 9:24

Ama tsa gwal hagaf tsi ya, mataba la *Yahuda yeya a wu, kulam mataba gwal kul nzakway ka la Yahuda tani.

1Kwa 1:10

Zwana ma ɗa! Kdəkwa kdək, ta ndəɓay yu ta dzvu ŋa ghuni nda hga Mghama mu *Yesu *Kristi. Dzra wa dzra ta wi, ma dagə kuni ta vgha ghuni, ka skwa turtuk ka kuni nzaku.

1Kwa 1:9

Tsa Lazglafta ta hagaftá kaghuni ka guyaghunafta nda Yesu Kristi ta nzakway ka Mghama mu ya ná, haɗ ta tsakalawi wa.

2Kwa 13:11

Zwana ma ɗa, ɗughwana ka kuni nzata, ka nzata kuni nda rfu, zbawa zba ta nzata tsiɗiɗ, brusuvuswa vgha ghuni, nda dzratá wi ka kuni nzata, nzawa nza nda zɗaku mataba ghuni. Mantsa ya ná, dzaʼa nza nza Lazglafta ya ta ɗvutá mnduha, ta vla zɗaku ŋa mnduha nda kaghuni.

2Kwa 4:17

Skwi ta kum yu ta mnay ná, kiʼa yeya na ghuya ɗaŋwa ta ghuy mu ndanana ka tsa glaku dagala ŋa kɗekedzeŋ ta payamata tsa ghuya ɗaŋwa ya ta tvi ŋa mutsay ya.

Filip 4:13

Laviŋ lava yu ta ŋaftá tsa skwiha ya nda mbrakwa Yesu *Kristi ta vlihata.

Kwalus 2:7

Dihavawa diha tida manda dihatá fu ta haɗik nda slrəŋha ni ya. Mbranafwa zlghay nda ŋuɗuf manda va ya taghaghunaf lu. Ka rfa kuni ta Lazglafta kahwathwata.

1Tes 2:12

ka vla hiɗaku nda mbraku ŋa ghuni. Vlaghuna vla ŋni ta hiɗaku, ŋa nzay ghuni ta nzaku manda ya ta kum Lazglafta ya ta hgaftá kaghuni ŋa lama ghuni da ga Mghama ni nda glakwa ni ya.

2Tes 2:14

Ŋa tsaya kəl tsi ka hgaftá kaghuni nda ma *Lfiɗa Gwaɗa ya mnaghuna ŋni, ŋa mutsafta ghuni guli ta glakwa hga Mghama mu Yesu *Kristi.

2Tes 2:17

Ka lɓaghunatá tsi ta ŋuɗuf, ka vlaghunatá tsi ta mbrakwa gɗata ta maga skwi ɗina ɗina ma slna nda ya ma gwaɗa.

2Tes 3:3

Mgham Yesu ná, vərɗa mndu ya, dzaʼa mbraghunafmbra, ŋa nghay ni ta kaghuni da halaway.

1Tim 6:12

Lma ta vərɗa lma zlghay nda ŋuɗuf. Zak za ta hafu ŋa kɗekedzeŋ, kabga hgaf hga Lazglafta ta kagha ta ghəŋa ni ma mnaŋta gha ta ŋərmata zlghay nda ŋuɗufa gha ta kəma ndəghata masləmtsəkha.

2Tim 1:9

Tsatsi ta mbamafta. Ka hgaftá tsi ta amu ŋa nzakwa mu ka mnduha ni. Nza a kabga vəl magata mu ta skwi ɗina wu, ama mantsa ya kurata tsi nda zɗakatahuɗa ni. Tsa zɗakatahuɗa ni ya, vlama vla lu nda ma Yesu Kristi ma kɗaku lu ka fatá ghəŋa haɗik.

2Tim 2:10

Tsaya ta kəl yu ka suʼa inda skwi, ŋa mutsafta gwal zabap Lazglafta ta ɗakwa taŋ, kada mutsafta hahəŋ guli ta mbaku ta nzakway ma Yesu Kristi, ŋa nzakwa taŋ ma glaku kul haɗ kɗavakta ni ya.

Hebru 9:15

Tsaya kəl Kristi ka sladamta ma takataka i Lazglafta nda mnduha, ŋa dzrəglaftá wi ka lfiɗ nda həŋ, ŋa zlghay gwal hagaf Lazglafta ta tsa ŋərma skwi tanaf tsi ta imi ta sləməŋ ta həŋ ŋa vlaŋtá həŋ, ŋa nzakwa ni ka ŋa taŋ ŋa ɗekɗek ya. Əŋkaʼ a ka mtakwa Kristi ta varagaptá mnduha ma ghwaɗaka skwiha ya ta mag həŋ ma dzratá wi ya ŋa ghalya.

1 Piyer 1:15

Tsa Lazglafta ta hgaftá kaghuni ya, nda ghuɓa tsatsi. Nzawa nza kaghuni guli nda ghuɓa manda va tsatsi.

1 Piyer 4:10

Inda kaghuni, magawa maga ta slna nda tva ni ŋa sanlaha nda skwi ya vlaghuna Lazglafta. Mantsa ya dzaʼa kəl kuni ka nzakway ka vərɗa gwal ta ksa slna nda zɗakatahuɗi kavghakavgha ya ta vlə Lazglafta.

1 Piyer 4:11

Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!

2 Piyer 1:3

*Yesu *Kristi ta snamamtá Lazglafta ya ta hgaftá amu ŋa dguvusta mu ta glakwa ni nda zɗakwa ni. Mantsa tama, ka vlamatá tsi nda ma mbrakwa ni ta inda skwi ya ta ramata, ŋa nzay mu ta nzaku manda ya ta zɗəganatá Lazglafta.

1 Yuhwana 2:25

Ka Kristi tamaftá imi ta sləməŋ ná, dzaʼa vlaghuna vla yu ta hafu ŋa kɗekedzeŋ, kaʼa.

Yuda 1:24

Ka nza glaku ŋa Lazglafta ya ta laviŋtá ngha kaghuni, yaha kuni zlumbutá, tsatsi dzaʼa ghuɓighunista tsezleʼ ŋa rfay ghuni ta rfu ta hladaghunaghatá tsi ta kəma glakwa ni.