1 Piyer 4:4 - Hdi

⁴ Ndanana tama, ta ndərmim nda ndərmima gwal kul snaŋtá Lazglafta ta kwalaghuta ghuni ta gugəltá ghəŋ nda həŋ ma tsa nzakwa sliʼiŋsliʼiŋ ya, ka razu həŋ ta kaghuni.

1 Piyer 4:4 ပူးပေါင်းရင်းမြစ်များ

Mata 23:25

« Ɗaŋwa ŋa ghuni gwal tagha zlahu ŋa mnduha, nda la Farisa. Tsa maɗgwirmaɗgwira ghuni ya! Hula leghwa ta sa imi nda hliba ŋa ghuni ta laghu da mbaziŋta, ama ma huɗa ni, nda ndəgha nda skwa ghala ghuni nda ya nda skwiha zlaʼuwa kuni.

Lukwa 15:13

Tsəɓakw fitik tahula tsa, ka dzawiŋtá tsa sagəŋ ya ta ŋa ni demdem, ka sliʼaftá tsi ka laghwi ta sana haɗik diʼiŋ. Hada, ka ɓadziŋtá tsi ta skwa ni ma maga sliʼiŋsliʼiŋ.

Slna gwal ghunay 13:45

Nghay la Yahuda ta tsa tskata mnduha ya, ka lam həŋ nda draku, ka dzadzə həŋ ta wa i Pwal, ka raraza həŋ.

Slna gwal ghunay 18:6

Ka gruŋtá la Yahuda ka rarazay. Mbaɗa Pwal ka tukwanatá rgitika lguta ni ta həŋ. Kaʼa nda həŋ mantsa: « Ta ghəŋa ghuni ka skwa ghuni, daga ndana nda sliʼa yu təv gwal kul nzakway ka la Yahuda, » kaʼa.

La Ruma 13:13

Nzama nza ta nzaku ya ta raku manda skwi gifitik. Zluŋmazla ta mblitá skwi nda ghuyaku. Zluŋmazla ta sliʼiŋsliʼiŋ nda hliri. Zluŋmazla ta zlərɗa wi nda draku.

Afisus 5:18

Ma ghuyaf kuni nda ima inabi, ya ta ɓadzay ta nzakwa mndu, Sulkum nda ghuɓa katsi mbutá kaghuni.

1 Piyer 2:12

Ɗina ka kuni nzaku mataba gwal kul snaŋtá Lazglafta. Ŋa nzakwa ni dər má ta vaza rutsak həŋ ta kaghuni, ŋa nghay taŋ ta ŋərma slna ya ta mag kuni, ŋa zləzlvay taŋ ta Lazglafta baɗu dzaʼa sagha tsi da guyaku nda həŋ.

1 Piyer 3:16

Ta zlghə kuni ta tsa wi ya, zlghawazlgha nda hanatá ghəŋ, nda ya nda vla glaku ŋa taŋ guli. Gɗata kaghuni ta maga tsa skwi ɗina ya ŋa ghuni, kada ksuta tsi ka hula ta həŋ, dər klaf kla həŋ ta kaghuni ka ghwaɗaka mnduha, ka raraza ŋərmata nzakwa ghuni ta tva Kristi.

2 Piyer 2:12

Tsa mnduha ya ná, haɗ ghəŋ da həŋ wa. Manda nimtak ta yaku ŋa kasuta, ka psliŋtá həŋ ya, ka həŋ ta magaku. Dər skwi kul snaŋtá həŋ tsi ná, razay taŋ ŋa taŋ. Manda va tsaya ná, dzaʼa zaɗana zaɗa lu ta həŋ manda nimtakha.

2 Piyer 2:22

Tsa skwi ta slanaghatá həŋ ya, maraŋ mara kazlay: Kahwathwata tsa gwaɗa mahdihdi ta mnata ya kəʼa. Kaʼa na: « Ta vradagha vra kri da niʼiglaftá vnihatá vnihani. » « Tahula mbazanatá mbaza ta ghuvazu ná, ŋa vrəglamtani da dzazlak guli, » kaʼa ya.

Yuda 1:10

Hahəŋ ta taŋ, raraza skwi kul snaŋtá həŋ yeya ŋa taŋ. Manda nimtak magakwa taŋ, ghəŋa zaɗaku ta kala həŋ.