1 Piyer 4:18 - Hdi

¹⁸ Ka lu vindafta ma deftera Lazglafta na: « Ka nda ɗaŋwa mbafta mndu tɗukwa katsi, kinawu dzaʼa kɗavakta ŋa ghwaɗaka mnduha, nda gwal ta ga dmaku na? » kaʼa.

1 Piyer 4:18 ပူးပေါင်းရင်းမြစ်များ

Zlrafta 13:13

Ama tsa gwal ma luwa Sədum ya ná, ta sidi həŋ, dagala dmaku ta gə həŋ ta wa ira Yawe.

Lukwa 15:1

Ma sana fitik, ka gavadaghata gwal ta tska dzumna da sna gwaɗa da *Yesu.

Lukwa 23:31

Ka si manda nana maganata lu ta udza mkwenek ya ní, kighkigh dzaʼa slanaghata tsi ta ghwalatá udzu? » kaʼa.

Slna gwal ghunay 14:22

Ka vlaŋtá həŋ ta mbraku ta tsa gwal zlghay nda ŋuɗuf ya, ŋa dihavata taŋ ma zlghay nda ŋuɗufa taŋ. « Nda ma ghuya ɗaŋwa kavghakavgha dzaʼa lama lu da ga mghama Lazglafta, » ka həŋ, nda həŋ.

Slna gwal ghunay 27:24

Kaʼa nda iʼi ná, “ma zləŋ ka ta zləŋ Pwal, dzaʼa lagha la ka sladata ta kəma mgham Sezar. Wya guli zɗaghaŋ zɗa Lazglafta ta huɗi, dzaʼa zlaŋ zla ta na gwal kawadaga nda kagha na nda hafu,” kaʼa.

Slna gwal ghunay 27:31

Ka Pwal nda tsa mali ta ghəŋa la sludzi, nda tsa la sludzi ya tani mantsa: « Ka nzamə a na mnduha na ma na kwambalu na wu katsi ná, katafta a kuni ta vgha wu, » kaʼa.

La Ruma 1:18

Daga ta luwa ta margamata Lazglafta kazlay: Nda ɓasa ŋuɗufa ni ta ghəŋa inda dmakuha ta mag mnduha, nda kwala taŋ kul haɗ ta vla glaku ŋa ni kəʼa. Dzaʼa tsanagha tsa ta guma ta həŋ, kabga ghwaɗaka skwi ya ta mag həŋ ná, ta hawuha ta kahwathwata.

La Ruma 5:6

Mantsa nzakwa ni, ta ma fitika nzakwa mu kul haɗ mbrakwa mu ná, ka saha Yesu Kristi mtuta ta ghəŋa gwal dmaku ma fitik ya kumaŋ Lazglafta.

La Ruma 5:8

Ka Lazglafta maramaŋtá ɗvuta ni ta amu na: Ta ma fitika nzakwa mu ta ma dmaku ta saha Yesu Kristi mtuta ta ghəŋa amu.

1Kwa 10:12

Tsaya tama, ka nda slada slada ɗa, ka mndu ná, ɗaswa katsi tama da zləmbutá tsi.

1Tim 1:9

Nda sna amu guli kazlay: Fa a lu ta zlahu ka ŋa gwal tɗukwa wu kəʼa, ama fa fa lu ta zlahu ŋa gwal kul sna gwaɗa da mndu, nda gwal ta maga mbrəs, nda gwal ta sidi, nda gwal dmaku, nda gwal kul zləŋa Lazglafta, nda gwal kul snaŋtá dzahayʼ, nda gwal ta pslatá dadaha taŋ, nda gwal ta pslatá mndu,

Hebru 4:1

Tshala tamafta Lazglafta ta imi ta sləməŋ kazlay: Dzaʼa laviŋ lava kuni ta lami da vla mbiʼa vgha ya payaghunaf yu kəʼa ya, ɗasuwa ka kuni tama, da pɗaghutá sani dər turtuk mataba ghuni ka kwal lami.

Yakubu 5:6

Tsanagha tsa kuni ta guma ta gwal kul haɗ dmakwa taŋ, psla psla kuni ta tɗukwa mnduha kul pghaŋtá ghəŋ nda kaghuni.

1 Piyer 5:8

Nzawa nza hzleŋa nda ɗifil, kabga ta pgha buɗukwa ghuma ghuni halaway manda rveri ta hurgu ta zba skwi ŋa dughwaɗuta ni.

2 Piyer 3:7

Na luwa nda ghəŋa haɗik ta nghə mu ndanana ná, va tsa gwaɗa Lazglafta ya ta ŋanata, ŋa zaɗanata nda vu. Ŋana ŋa ta həŋ ha sagha fitika guma, ŋa zaɗanatá ghwaɗaka mnduha.

Yuda 1:15

ŋa tsa guma ta ghəŋa inda mndu ta ghəŋa haɗik, ŋa tsanaghatani ta guma ta inda gwal kul sna gwaɗa da tsi. Ta ghəŋa vəl maganata taŋ ta ghwaɗaka skwi, nda ya ta ghəŋa ŋaslu bədzakana həŋ guli, » kaʼa.

1Sam 15:18

Ka ghunaftá Yawe ta kagha. Kaʼa mantsa: “La da rwanatá tsa la Ghamalek gwal ta ga dmaku ya, nda vulu ha ka zaɗanata gha ta həŋ tuzluzl,” kaʼa.