1 Piyer 4:13 - Hdi

¹³ Rfawa rfa ta rfu katək, nda nzakwa ghuni kawadaga nda *Kristi ma ghuya ɗaŋwa, kada ndəghafta ŋuɗufa ghuni nda rfu baɗu dzaʼa maraŋta tsi ta glakwa ni ŋa inda mndu.

1 Piyer 4:13 ပူးပေါင်းရင်းမြစ်များ

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Mata 25:21

Ka daŋahəga ni həga ni nda tsi mantsa: “Ɗina tsa, ŋərma kwalva ka! Manda va tsa nzakwa gha ka ŋərma mndu ma skwi kwitikw ya, ta vlagha vla yu ta skwi dagala. Saghu sa gha da rfu kawadaga nda iʼi,” kaʼa.

Mata 25:23

Ka daŋahəga ni həga ni nda tsi mantsa: “Ɗina tsa, ŋərma kwalva ka. Manda va tsa nzakwa gha ka ŋərma ni ma skwi kwitikw ya, ta vlagha vla yu ta skwi dagala guli. Saghu sa gha da rfu kawadaga nda iʼi,” kaʼa.

Mata 25:31

« Baɗu sagha dzaʼa sagha *Zwaŋa mndu ma glakwa ni kawadaga nda inda duhwalha Lazglafta ná, dzaʼa nzaf nza ta dughurukwa glakwa ni.

Mata 25:34

Ka mgham dzaʼazlay nda tsaha nda ga zeghwa ni ya mantsa: “Saghawa sa, kaghuni gwal tfanagha Da ɗa ta wi ya. Tsuʼawa tsuʼa, ta za mgham ya payaghunaf Lazglafta daga ma zlrafta ghəŋa haɗik ya.

Mata 5:12

Rfawa rfa ta rfu, ka nzata kuni waɗah, kabga mamu nisəla ghuni dagala ta kəzla kaghuni ta luwa. Manda va tsaya ganapta lu ta iri ta anabiha ta tiŋlaghutá kaghuni. »

Markus 8:38

Ya wana ka dmaku mnduha ta na zamana na, ka sliʼiŋ ka sliʼiŋ həŋ da Lazglafta. Ka kwalaghu kwala mndu ta mnaŋtá hga ɗa nda gwaɗa ɗa guli ta kəma tsa mnduha ya katsi, iʼi *Zwaŋa mndu guli ná, dzaʼa kwalaghu kwala yu ta mnaŋtá tsa mndu ya baɗu vragata ɗa kawadaga nda duhwalha nda ghuɓa ta luwa ma glakwa Lazglafta. »

Lukwa 17:30

Manda va tsaya dzaʼa nzakwa tsi baɗu tsa fitik dzaʼa zlagapta Zwaŋa mndu ya.

Slna gwal ghunay 16:25

Ma takala tama, ka mag i Pwal nda Silas ta duʼa, ka fa laha nda zləzlva Lazglafta. Ta snay snay hamata la vuʼa.

Slna gwal ghunay 5:41

Ka sliʼaftá tsaha ya ka laghu nda rfu, nda mnay kazlay: Nda ra kuni ka ghuya ɗaŋwa ta ghəŋa Yesu, ka Lazglafta nda aŋni, ka həŋ.

La Ruma 5:3

Ta ghəŋa tsaya guli ná, ta rfu mu nda ghuya ɗaŋwa ta ghuy mu, kabga nda sna amu kazlay: Ta taghay ghuya ɗaŋwa ta ksa ŋuɗuf kəʼa.

La Ruma 8:17

Ka si nda nza mu ka zwana ni, dzaʼa mutsay mu ta skwi ya payamaf tsi. Nda amu tani, nda Yesu Kristi tani, kawadaga mu dzaʼa mutsa tsa skwi payamaf tsi ya, kabga kawadaga mu ta ghuya ɗaŋwa, kawadaga mu guli nda tsi dzaʼa mutsa tsa glaku ya.

La Ruma 8:18

Graf gra yu kazlay: Nana ghuya ɗaŋwa ta ghuy mu na ná, haɗ lu dzaʼa walaŋta gray nda tsa glaku dzaʼa maramaŋta Lazglafta ya wu kəʼa.

2Kwa 1:5

Manda va tsa ghuyta Kristi ta ɗaŋwa katakata ya ta ghuya aŋni guli. Lazglafta guli ná, ta lɓaŋna lɓa ta ŋuɗuf katakata nda ma Kristi.

2Kwa 1:7

Graf gra aŋni kazlay: Nda diha kuni ta tva Lazglafta kəʼa. Nda gwa mu ma ghuya ɗaŋwaha. Ka lɓaghuna lɓa Lazglafta ta ŋuɗuf manda ya ta lɓaŋnata tsi ta ŋa aŋni ya guli.

2Kwa 4:10

Ta wa hɗak ŋni inda fitik manda va tsa maganatá Yesu ya, kada maravata nzakwa Yesu guli ma vgha ŋni.

2Kwa 4:17

Skwi ta kum yu ta mnay ná, kiʼa yeya na ghuya ɗaŋwa ta ghuy mu ndanana ka tsa glaku dagala ŋa kɗekedzeŋ ta payamata tsa ghuya ɗaŋwa ya ta tvi ŋa mutsay ya.

Filip 3:10

Skwi turtuk ta kum iʼi ná, snaŋta ɗa ta Kristi nda mbrakwa ni ya kəl tsi ka sliʼagapta ma mtaku. Ta kumay iʼi guli ta ghuzlaŋta ɗa ta iri manda ŋa ni, ŋa nuta ɗa manda tsatsi ma fitika mtakwa ni ya,

Kwalus 1:24

Ndanana, ta rfu yu nda ghuya ɗaŋwa ta ghuy yu ta ghəŋa kaghuni. Ghuya ɗaŋwa *Kristi ma sluʼuvgha ni ta nzakway ta ghəŋa *Igliz ya ta kɗaŋta yu ta ghuyay ma sluʼuvgha ɗa.

2Tim 2:12

Ka ta suʼay mu ta ghuya ɗaŋwa kawadaga nda tsi, dzaʼa gay mu ta Mgham kawadaga nda tsi guli. Ka sna a ŋni ta kagha wu ka mu nda tsi, sna a yu ta kaghuni guli wu, kaʼa dzaʼazlay nda amu.

1 Piyer 1:13

Tsaya tama, payavawa paya ŋa ksa slna, nzawa nza nda fata ghəŋ hzleŋa. Fafwa fa ta ndana ghuni ta zɗakatahuɗi ya dzaʼa vlaghunata lu baɗu zlagapta *Yesu *Kristi.

1 Piyer 2:21

Ka ŋa tsaya hgafta lu ta kaghuni, kabga ghuy ghuya *Yesu *Kristi ta ɗaŋwa guli ta ghəŋa kaghuni. Tvi ya taghunap tsi ŋa ksay ghuni guli ta səla ni.

1 Piyer 5:1

Ndanana tama, wya ka yu ta mnanatá la galata mndu ta ngha *Igliz mataba ghuni. Iʼi guli ná, glata mndu yu manda va hahəŋ. Masləmtsəka ghuya ta ɗaŋwa ghuy Kristi yu, dzaʼa mutsay iʼi guli ta mayaka ɗa ma glakwa Kristi ya dzaʼa maraŋta Lazglafta.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

Yuda 1:24

Ka nza glaku ŋa Lazglafta ya ta laviŋtá ngha kaghuni, yaha kuni zlumbutá, tsatsi dzaʼa ghuɓighunista tsezleʼ ŋa rfay ghuni ta rfu ta hladaghunaghatá tsi ta kəma glakwa ni.

Suna Yuhwana 1:7

Wya tsi dzaʼa sagha ma ghwayak. Dzaʼa nda ngha inda mnduha nda ira taŋ, nduk nda tsa gwal ta dzata ya tani. Dzaʼa taway inda mndəra mndu ta taw ta ghəŋa ni. Manda va tsaya dzaʼa nzakwa tsi. Amin!

Suna Yuhwana 1:9

Iʼi Yuhwana zwaŋama ghuni ya ta vindaghunafta. Nda iʼi tani, nda kaghuni tani, nda guya vgha mu ma *Yesu. Ta kuwa turtuk mu ma ghuya ɗaŋwa. Suʼuway ta suʼu mu demdem. Ma ga mghama ni mu. Ksaf ksa lu ta iʼi, ka klaghata vziŋta ta tsatá haɗik ma takataka drəf ta hgu lu ka Patmus, ta ghəŋa vəl mnay ɗa nda tva ni ta gwaɗa Lazglafta nda kahwathwata ni ya marigiŋ tsi ma Yesu.