1 Piyer 4:11 - Hdi

¹¹ Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!

1 Piyer 4:11 ပူးပေါင်းရင်းမြစ်များ

Danyel 4:3

Mantsa tama, “hagigiɗaghawa haga ta inda gwal nda ɗifil ma ghəŋa taŋ ma Babila, ŋa mnihata taŋ ta klatá ghəŋa tsa suna ɗa ya,” ka yu mnata.

Danyel 4:34

Ndana tama, iʼi Nevuhadnetsar ná, ta fa laha yu ka zləzləva mgham dagala ta luwa. Inda skwi ta mag tsi ná, kahwathwata ni nzakwa ni. Tɗukwa tɗukwa inda slna ta mag tsi guli. Mamu nda mbrakwa vraganatá gwal ta gla ghəŋ, » kaʼa.

Danyel 7:14

Ka vlaŋtá lu ta mbraku, nda sgit, nda ga mgham. Ka lagha inda mnduha ma mndəra mnduha, ta inda haɗikha ta gwaɗa inda gwaɗaha kavghakavgha, da tsəlɓanatá tsəlɓu. Tsa ga mghama ni ya ná, ga mgham ya ta gɗavata ŋa ɗekɗek ya, haɗ ta a kɗavakta ni guli wa, haɗ lu dzaʼa walaŋta zaɗanatá ga mghama ni wa. »

Mata 6:13

Ma zlaŋna ka tawa skwi dzaʼa dzəghaŋnata. Klap kla ta aŋni ma dzva halaway, [kabga ŋa gha ga mgham, nda mbraku, nda glaku, ŋa kɗekedzeŋ. Amin!]

Yuhwana 13:31

Tahula saghwa Zudas dzibil, ka *Yesu mantsa: « Ndanana ŋlanafta lu ta *Zwaŋa mndu. Ka ŋlanaftá lu ta Lazglafta guli nda ma tsatsi.

Slna gwal ghunay 7:38

Ma fitika tskavata zwana la Israʼila ma zivak, tsa Musa ya ta nzakway ma takataka dzidzíha mu, nda duhwala Lazglafta ta gwaɗa nda tsi, ta ghwá Sinay ya. Hada tsuʼamafta tsi ta gwaɗa hafu ka klamakta.

La Ruma 11:36

Sagha da tsatsi inda skwi, nda ma tsatsi nzata inda skwi, ka ŋa ni inda skwi. Ŋa Lazglafta glaku ŋa kɗekedzeŋ. *Amin!

La Ruma 12:3

Nda ma tsa zɗakatahuɗi zɗəɗiŋ Lazglafta ka fimta ma slna ni ya, ka yu ta mnay ŋa inda kaghuni ná, ma klaf dər wa ta ghəŋa ni ka sana skwi. Manda ya ta raku, ka dər wa ka klaf kla tsi ta ghəŋa ni, ka gray nda slna zlghay nda ŋuɗuf ya vlaŋ Lazglafta.

La Ruma 16:27

Ŋa Lazglafta glaku! Da tsatsi turtukwa ni ɗifil nda ma Yesu Kristi, ŋa kɗekedzeŋ! *Amin.

La Ruma 3:2

Ndaɗaʼa nzakwa ni ta nghadaptá lu ta nghay nghay wu, kabga tiŋəl ŋa taŋ vlagata Lazglafta ta gwaɗa ni.

1Kwa 10:31

Dər nu ta zə kuni, dər nu ta sə kuni, dər nu sana skwi ta mag kuni, magawa inda ni ŋa vlaŋtá glaku ta Lazglafta.

1Kwa 12:4

Ta traku mbaku kavghakavgha ta dgə Sulkum, ama va tsa Sulkum turtuk ya ta dgay.

1Kwa 3:10

Zɗəɗiŋ zɗa Lazglafta ta huɗi ka thatá yu ta tughwa ni manda vərɗa mnda ba həga, ka lagha sani bay ta ghəŋa ni. Ɗaswa ka mndu dzaʼa bay ta ghəŋa ni tama.

1Kwa 6:20

Vara vara Lazglafta ta kaghuni nda skwi nda bla. Tsaya tama, vlaŋwa glaku ta Lazglafta ma skwi ta mag kuni nda sluʼuvgha ghuni.

2Kwa 2:17

Aŋni ná, nza a aŋni manda hamata sanlaha ta za huɗa taŋ ta gwaɗa Lazglafta wa. Lazglafta ta ghunaftá aŋni, kahwathwata ta mnə aŋni ma Kristi ta kəma Lazglafta.

2Kwa 9:13

Tsa slna dzaʼa kuni magata ya dzaʼa maraŋtá nzakwa ghuni, ŋa zləzlvay taŋ ta Lazglafta ta ghəŋa snata ghuni ta *Lfiɗa Gwaɗa *Kristi. Dzaʼa zləzlvay həŋ guli kabga vəl dgay ghuni ta skwa ghuni nda həŋ, ta vlay kuni guli ŋa sanlaha.

Afisus 1:19

Ta kumay yu ta snaŋta ghuni kazlay: Malaghu mala mbrakwa ni ta inda skwi, nda ya kəʼa ta kata amu gwal ta zlghafta kəʼa. Katakata tsa mbrakwa ni ya.

Afisus 4:29

Yaha ŋaslu da sabi ma wa ghuni. Gwaɗa vla mbraku ma zlghay nda ŋuɗuf ŋa sanlaha katsi sabi ma wa ghuni. Gwaɗa ksay sləməŋ ka kuni gwaɗay, ŋa kataŋtá sanlaha.

Afisus 5:20

Rfawa rfa ta Lazglafta ta nzakway ka Da inda fitik ta ghəŋa inda skwi ta magaghunata tsi nda ma Yesu Kristi.

Afisus 6:10

Wya kɗavakta gwaɗa ɗa ta mnaghunata yu: Mbrawa vgha ma guyatá vgha ghuni nda *Kristi, nda tsa mbrakwa ni dagala ya.

Filip 1:11

Ŋa nzakwa ghuni ka gwal maga skwi tɗukwa nda mbrakwa Yesu Kristi. Na nghaŋta mnduha ta tsa ŋərma skwi ta mag kuni ya, ŋa zləzlvay taŋ ta Lazglafta, ŋa vlay taŋ ta glaku ŋa ni guli.

Filip 2:11

Inda mndu dzaʼa mnay nda wa ni kazlay: Yesu Kristi Mgham kəʼa, ŋa zləzlvay taŋ ta Lazglafta ta nzakway ka Da.

Kwalus 4:6

Ma gwaɗa ta gwaɗ kuni, gwaɗa tɗukwa katsi sabi ma wubisima ghuni, hmətət katsi nzata. Nda tva ni ka kuni zlgha wi ŋa mndu.

1Tes 2:4

Katək ná, manda va ya klaf Lazglafta ta aŋni kazlay: Nda ra kuni ka mna Lfiɗa Gwaɗa kəʼa ka vlaŋnata ya, manda va tsaya ta mna aŋni. Mna a aŋni ŋa zɗanaftá ŋuɗuf ta mnduha wu, ŋa zɗanaftá ŋuɗuf ta Lazglafta ta mna aŋni. Nda sna tsatsi ta skwi ma ŋuɗufa mu.

1Tim 1:17

Ka nza sgit nda glaku ŋa ɗekɗek ŋa Mgham kul haɗ ta mtavata, kul haɗ ta nghavata, tsatsi turtuktuk Lazglafta ŋa kɗekedzeŋ. *Amin!

1Tim 6:16

Tsatsi turtukwa ni kul haɗ ta mtavata, ta nzaku ma tsuwaɗak kul laviŋtá mndu ta ɓhanavata. Haɗ mndu ta kəɗ nghaŋta wa. Haɗ mndu dzaʼa laviŋtá nghaŋta guli wa. Ŋa ni glaku, nda mbraku, ŋa kɗekedzeŋ. Amin!

Titus 2:1

Wya skwi dzaʼa kagha magay: Ŋava ŋa ka tagha ka ŋa mnduha ta hya hya skwi ta ghəŋa dina.

Titus 2:15

Mantsa ya ká ka da taghanaftá həŋ. Ka vlaŋta ka ta mbraku ta həŋ. Ka dvanaghata ka ta gwal kul sna gwaɗa nda inda mbraku ya vlagha Lazglafta. Yaha mnduha da hərtətata kagha.

Hebru 13:7

Havakwa maliha ghuni, gwal ta mnaghunatá gwaɗa Lazglafta. Havakwahava ká həŋ nzakwagapta, nda ya ká həŋ mtaku. Ka kla kuni ta saɗa zlghay nda ŋuɗufa taŋ.

Hebru 5:12

Nda kɗa fitik má prək ka nzakwa ghuni ka gwal taghanatá skwi ta sanlaha, kabga nda kɗa fitika ghuni ta tagha skwi, ama ta sna a kuni wa. Ŋa sləglavapta nda sla vgha ka taghəgəlta ŋa ghuni ta va tsa skwiha ma gwaɗa Lazglafta taghu kuni daga taŋtaŋ ya. Ta sna a kuni karaku ta za skwa zay ta zə la galata mndu wu, manda zwaŋ ta ghuva tata sa uʼa ya kuni.

Yakubu 1:19

Zwana ma ɗa gwal ya ɗvu yu, wya skwi ŋa snaŋta ghuni: Ɗina nzakwa inda mndu ka mndu ta gi slru gwaɗa da sləməŋa ni. Ka mndu kul haɗ gwaɗa ta nzuŋta ta wi a wu, ka mndu ta gi ɓasa ŋuɗuf a wu,

Yakubu 1:26

Ka mnda dina yu ka mndu ta gray, tsaw sna a ta ksanaghutá ghanika ni wu katsi, nana ghəŋa ni ta nanə tsi, bətbət tsa dinani ya.

1 Piyer 2:12

Ɗina ka kuni nzaku mataba gwal kul snaŋtá Lazglafta. Ŋa nzakwa ni dər má ta vaza rutsak həŋ ta kaghuni, ŋa nghay taŋ ta ŋərma slna ya ta mag kuni, ŋa zləzlvay taŋ ta Lazglafta baɗu dzaʼa sagha tsi da guyaku nda həŋ.

1 Piyer 2:5

Kaghuni guli, nzawa nza ka pala nda hafu mida, ya ta kəl lu ka ba həga mndərga ŋa Sulkum, ŋa nzakwa ghuni ka guyata ghəŋa gwal nda ghuɓa ta vla skwi manda ya ta kum Sulkum. Tsaya skwi ta zɗəganatá Lazglafta nda ma Yesu Kristi.

1 Piyer 4:10

Inda kaghuni, magawa maga ta slna nda tva ni ŋa sanlaha nda skwi ya vlaghuna Lazglafta. Mantsa ya dzaʼa kəl kuni ka nzakway ka vərɗa gwal ta ksa slna nda zɗakatahuɗi kavghakavgha ya ta vlə Lazglafta.

1 Piyer 4:16

Ala, ka lagha mndu ka ghuya ɗaŋwa, kabga vəl nzakwa ni ka krista katsi, yaha tsaya da ksay ka skwa hula. Katək na, ka rfa tsi ta Lazglafta ta ghəŋa vəl favatani ta tsa hgu ya.

1 Piyer 5:11

Ŋa ni mbraku ŋa kɗekedzeŋ. *Amin!

Yuda 1:25

Ŋa Lazglafta turtukwa ni ya ta mbamafta nda ma *Yesu *Kristi Mghama mu ga mgham, nda mbraku, nda glaku, daga manda ghalya nda ya ndanana ha ŋa kɗekedzeŋ. *Amin.