1 Piyer 3:9 - Hdi

⁹ Ka maga maga mndu ta ghwaɗaka skwi, ma vranam ka nda ghwaɗaka skwi. Ka razaghaf raza mndu, ma vranam ka nda razu, « katək na tfanagha tfa ta wi, » kabga ŋa tsaya hgafta Lazglafta ta kaghuni, ŋa tfaghunaghatani ta wi ta kaghuni guli.

1 Piyer 3:9 ပူးပေါင်းရင်းမြစ်များ

Zlrafta 42:25

Tahula tsa, ka mnaftá Yusufu ta ndaghanamtá alkama ta həŋ ma buhwa taŋ, ka varanamtá tseda taŋ da buhwa taŋ. « Hlanafwa skwa zay ta həŋ, ŋa zay taŋ ta tvi, » kaʼa guli. Tsaya skwi magana lu ta həŋ.

Mata 19:29

Dər wati ma mndu ta zlanavatá həga ni, ka zwana ma ni a tsi, ka kwaghama ni a tsi, ka da ni a tsi, ka ma ni a tsi, ka zwana ni a tsi, ka vwaha ni a tsi, ta ghəŋa gwaɗa ta iʼi ná, dzaʼa mutsay həŋ ta dərməkata ni, ka malaghuta a tsi, ŋa mutsay taŋ ta hafu ŋa kɗekedzeŋ guli ta ghəŋa ni.

Mata 25:34

Ka mgham dzaʼazlay nda tsaha nda ga zeghwa ni ya mantsa: “Saghawa sa, kaghuni gwal tfanagha Da ɗa ta wi ya. Tsuʼawa tsuʼa, ta za mgham ya payaghunaf Lazglafta daga ma zlrafta ghəŋa haɗik ya.

Mata 5:39

Ama ka iʼi ta mnaghunata ná, ka maga maga mndu ta ghwaɗaka skwi, yaha kuni da vranamta. Katək ná, ka dzughus dza mndu ma lagəŋa gha nda ga zeghwi, mbəɗana mbəɗa guli ta lagəŋa gha nda ga zlaɓa.

Mata 5:44

Ama ka iʼi ta mnaghunata: Ɗvuwa ɗva ta ghuma ghuni, magawa duʼa ta ghəŋa gwal ta giri ŋa ghuni.

Markus 10:17

Manda sliʼafta *Yesu ka mbaɗa ta tvi, ka sliʼaftá sana mndu ka hwayakta tsəlɓata ma ghuva ni, ka ɗaway da tsi: « Ari ŋərma mgham, nu dzaʼa mag yu ŋa mutsafta ɗa ta hafu ŋa kɗekedzeŋ na? » kaʼa nda tsi.

Lukwa 10:25

Lagha sana mnda tagha zlahu ŋa mnduha ka sliʼafta kabga ŋa dzəghaŋtá *Yesu, kaʼa mantsa: « Maləma ɗa, nu dzaʼa yu magata ŋa mutsafta ɗa ta hafu ŋa kɗekedzeŋ na? » kaʼa nda Yesu.

Lukwa 18:18

Ka ɗawaŋtá sana mghama la *Yahuda da *Yesu kaʼa mantsa: « Ŋərma mgham, nu da a yu magay ka da mutsafta yu ta hafu ŋa kɗekedzeŋ na? » kaʼa.

La Ruma 12:14

Ɗawawa tfa wi ta ghəŋa gwal ta giri ŋa ghuni. Ɗawawa tfa wi ta ghəŋa taŋ, ma ksiʼi kuni ta həŋ.

La Ruma 12:17

Ma vranam kuni ta ŋaslu nda ŋaslu ta mndu. Zbawa maga skwi ɗina ta wa ira inda mnduha.

La Ruma 8:28

Nda sna amu guli kazlay: Ŋa ɗinakwa taŋ mida ta maga Lazglafta ta inda skwi ŋa gwal ta ɗvuta, tsa gwal ghadu tsi ta zabuta daga taŋtaŋ ya.

La Ruma 8:30

Tsa gwal ghadu tsi ta zabuta ya, tsa hahəŋ ya hagaf tsi guli. Tsa gwal hagaf tsi ya guli, hahəŋ nanaf tsi ka gwal tɗukwa ta wa ira ni. Tsa hahəŋ nanaf tsi ka gwal tɗukwa ta wa ira ni ya, tsa hahəŋ ya vlaŋ tsi ta glaku ta həŋ.

Galat 3:14

Mantsa ya maguta tsi, kada mutsafta gwal kul nzakway ka la Yahuda ta tsa tfa wi tfanava lu ta Abraham ya nda ma *Yesu Kristi. Tsaya tama dzaʼa kəl amu ka mutsafta nda ma zlghay nda ŋuɗuf ta Sulkum tanaf Lazglafta ta imi ta sləməŋ ya.

Afisus 4:32

Ŋərma skwi ká kuni magay mataba ghuni, nzawa nza nda tawa hiɗahiɗa, pluvuswa dmakuha ghuni, manda va ya plaghuna Lazglafta ta dmakuha ghuni nda ma Kristi ya.

1Tes 5:15

Ɗaswa ka kuni, da vranamtá mndu ta ŋaslu ta mndu nda ŋaslu. Ŋavawa ŋa katək, ka maga skwi ya ɗina mataba ghuni, nda ya ŋa hamata sanlaha tani.

Hebru 12:17

Tahula tsa, manda ya snaŋ kuni, ka lagha tsi da zlgha tfa wa ni da da ni, ka kwalaghutá da ni. Trap tra ta ksanaktá ghəŋa da ni, kulam nda psay ni ta tsa tfa wi ya nda ima taw ta iri.

Hebru 6:14

Kaʼa nda Abraham mantsa: « Dzaʼa tfaghagha tfa yu ta wi. Kahwathwata dzaʼa yanaf ya yu ta zivira gha tusak, » kaʼa.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

1Sam 26:11

Nziya nza tsi, nda hga Yawe, haɗ yu ta walaŋtá faftá dzva ɗa ta mndu ya zbaf Yawe nda ma pghanaghatá rɗi wa! Hlaghu hla ta tsa gupa, nda beŋwbeŋwa imi ndusa nda ghəŋa ni ya, ka laghwa u, » kaʼa.