1 Piyer 3:4 - Hdi

⁴ Ka nza rkata rka ghuni ka skwi nda ɗifa ma ŋuɗufa ghuni, ka nzakwa tsi ka rka ya kul haɗ ta ɓadzavata, manda: Nzaku leɓtekwa, tɓekwa. Tsaha ya skwi dagala sgita ni da Lazglafta.

1 Piyer 3:4 ပူးပေါင်းရင်းမြစ်များ

Mata 11:29

Zba a yu ta nzaghunaghata wa. Klawa kla ta ndəgaku ya ta klə yu, ka tagha kuni ta skwi da iʼi, mantsa ya dzaʼa kəl kuni ka mutsaftá mbiʼa vgha.

Mata 21:5

« Mnanawa mna ta gwal ma luwa *Tsiyuŋ, waʼa mghama gha ta sagha da kagha, leɓtekw nzakwa ni katakata, ta sagha ta kəɗih, ta vuvuʼukwa kəɗih, ta nzakway ka zwaŋa kəɗih, » kaʼa.

Mata 23:26

La Farisa ghulpata mnduha! Tiŋəl má ka kuni ghuɓiŋtá huɗa leghwa nda hliba, kada nzakwa hula ni nda ghuɓa.

Mata 5:5

Rfu da gwal leɓtekwa ghəŋa taŋ, kabga dzaʼa vlaŋ vla Lazglafta ta haɗik ya tanaf tsi ta imi ta sləməŋ ta həŋ.

Lukwa 11:40

Rghaha! Tsa mndu ta magaftá hula ni ya a ta magaftá huɗa ni guli ra?

Lukwa 16:15

Ka Yesu nda həŋ mantsa: « Ka tɗukwa mndu aŋni ka kaghuni ta mara ghəŋa ghuni ta kəma mnduha. Tsaw nda sna Lazglafta ta ŋuɗufa ghuni. Tsa skwi ta ghubu mnduha nda ghuba ya ná, ka manzakɗaway nzakwa ni ta wa ira Lazglafta.

La Ruma 1:23

Má ŋa tsəlɓay taŋ ta tsəlɓu ka vla glaku ŋa Lazglafta ya ta nzaku nda hafu ŋa kɗekedzeŋ ya ná, ka laghu həŋ da tsəlɓu ŋa skwa wuyay tsaf lu manda mndu kul haɗ hafu mida. Sanlaha ma tsa skwa wuyay ya ná, manda tsatá zarak həŋ, manda nimtak fwaɗ səla mista taŋ tsatá sanlaha, manda tsatá nahaɗik sanlaha.

La Ruma 2:29

Vərɗa mnda la Yahuda ná, ma ŋuɗuf nzakwa ni. Vərɗa tsatá fafaɗ guli ná, ma ŋuɗuf. Skwi ta vlata Sulkum ná, zlahu ya vindaf lu nda vinda a wa. Vərɗa mnda la Yahuda ná, da Lazglafta ta mutsa tsatsi ta ghubaku, da mndu a wa.

La Ruma 6:6

Ɗina ka snaŋta mu kazlay: Tsa nzaku si ta nzaku mu ghalya ya ná, zləŋaf zləŋa lu ta udza zləŋay kawadaga nda Kristi kəʼa, kabga ŋa zaɗanatá tsa mbrakwa dmaku ma vgha mu ya. Yaha mu kɗaŋtá nzaku ka vuʼa dmaku ka lu, kəl lu ka magata manda tsaya.

La Ruma 7:22

Ma hya hya ŋuɗufa ɗa ya ná, zɗəgiha zɗa zlaha Lazglafta.

2Kwa 10:1

Iʼi Pwal ka ghəŋa ɗa, ta ndəɓa dzvu yu da kaghuni, nda hanatá ghəŋ nda zɗaku manda ŋa *Kristi. Ka lu ta mnay ta iʼi ná, ka mataba ghuni yu ya ná, leɓtekwa yu, ka haɗ yu mataba ghuni ya guli ná, ta sidi yu, ka lu.

2Kwa 4:16

Tsaya ta kwal malandugwa ŋni rwavata. Dər má ta htaku nda hta vgha mu makiʼamakiʼa mndani ná, ta lfiɗaku nda lfiɗa vgha mu inda fitik ma Sulkum.

Galat 5:23

nzaku leɓtekwa, wara ghəŋ. Haɗ zlahu nda gwaɗa ta ghəŋa tsaha ya wa.

Afisus 4:2

Ma inda skwi ta mag kuni, nda hana ka ghəŋa ghuni, leɓtekwa ka nzakwa ghuni, ta ksay ka kuni ta ŋuɗuf. Suʼuwawa ta skwi ta magaghunata sanlaha, ka ɗvuta kuni ta həŋ.

Kwalus 3:12

Mantsa ya tama, Lazglafta ta psapta kaghuni ŋa nzakwa ghuni ka mnduha ni, ta ɗvay ta kaghuni. Kaghuni guli, nzawa nza nda tawa hiɗahiɗa ta mndu, nda zɗaku, nda hanata ghəŋ, nda nzaku leɓtekwa, nda ksanata ŋuɗuf.

Kwalus 3:3

kabga mtu mta kuni, nda nzula hafa ghuni kawadaga nda Kristi da Lazglafta.

1Tes 4:11

Ŋavawa ŋa ka nzata kuni nda zɗaku, ma tsatsafaku kuni ta tsatsafaku, magawa maga ta slna nda dzva ghuni ŋa kata ghəŋa ghuni, manda ya ghada ŋni ta mnaghunata ya.

2Tes 3:12

Skwi ta mnə ŋni ŋa tsa mnduha ya, nda hga Mgham Yesu Kristi na: Magawa maga ta slna nda tva ni, ka mutsa kaghuni ka ghəŋa ghuni ta skwi ŋa zay ghuni, ka ŋni.

1Tim 2:2

Ɗina ka maga duʼa ta ghəŋa mghamha nda inda gwal ta ŋanatá ga mgham, kada mutsafta mu ta nzaku leɓtekw, ma zɗaku, ma zləŋa Lazglafta nda tva ni, ŋa nzay mu ta nzaku manda ya ta raku dər ta wati ma tvi tsi.

2Tim 2:25

Nda hanatá ghəŋ katsi gwaɗa nda gwal ta mbaɗanaftá gwaɗa ni. Kawayaka skwi dzaʼa vlaŋ vla Lazglafta ta tvi ta həŋ ŋa mbəɗanafta taŋ ta nzakwa taŋ, ŋa snaŋta taŋ ta kahwathwata.

Titus 3:2

Mnana mna ta həŋ, yaha həŋ da mna ghwaɗaka skwi ta mndu, nda zɗaku ka həŋ nzaku nda mndu. Ka gwal dzra nzaku ka həŋ, leɓtekwa ka həŋ nzata nda inda mndu,

Yakubu 1:21

Tsaya tama, pghiŋwapgha ta inda skwiha ya ta ŋəriŋtá mndu, nda inda ghwaɗaka skwiha. Tsuʼawatsuʼa nda hanata ghəŋ ta gwaɗa ya ŋəɓam Lazglafta ma kaghuni ta laviŋtá mbanafta hafa ghuni.

1 Piyer 1:23

Mantsa ya tama ná, nda sna kuni kazlay: Nda ya yakwa mahisa ghuni nda mbrakwa gwaɗa Lazglafta ya ta vla hafu ta nzaku ŋa kɗekedzeŋ kəʼa. Lazglafta ya kul haɗ ta mtavata ta vlaghunatá tsa hafu ya, ya ta mtaku a wa.

1 Piyer 3:15

Fafwa fa ta ghəŋa ghuni ta *Yesu *Kristi turtukwa ni, ka ga tsi ta mgham ma ŋuɗufa ghuni. Fata kaghuni ta ghəŋa ghuni ŋa ghuni ŋa zlgha wi da inda gwal ta ɗawaghunata ka kabgawu kəl kaghuni ka faftá ghəŋa ghuni ta Yesu Kristi.

1Sam 16:7

Ama ka Yawe nda Samuyel mantsa: « Ma nghə ka ta tsata ni, dər slrakwa ni, kabga wuɗiŋ wuɗa yu. Manda ŋa mndu a ta ngha Yawe ta vli wa. Skwi ya ta wa iri ŋa mnduha ta nghay, ama Yawe ná, ŋuɗuf ŋa ni ta nghay, » kaʼa.