1 Piyer 3:21 - Hdi

²¹ Tsa imi ya ná, gray nda batem ta mba kaghuni gitana ya. Rɗak ta vgha a ta ghuɓu na batem wa. Magaftá batem ná, vlaŋta mu ta ghəŋa mu ta Lazglafta nda vərɗa ŋuɗufa mu ya. Ndana guli, ta mbay batem ta kaghuni nda ma sliʼagapta Yesu Kristi ma mtaku.

1 Piyer 3:21 ပူးပေါင်းရင်းမြစ်များ

Mata 28:19

Lawa la ta ghəŋa haɗik demdem, ka nanafta kuni ta mnduha ka duhwalha ɗa, ka maganafta kuni ta batem ta həŋ ma hga Da, ma hga Zwaŋ, nda ya ma hga Sulkum nda ghuɓa.

Markus 16:16

Inda mndu dzaʼa zlghafta nda ŋuɗuf, ka maganaftá lu ta batem, dzaʼa mbaku. Ama mndu dzaʼa kwal kul zlghafta, dzaʼa tsanagha tsa Lazglafta ta guma.

Yuhwana 13:9

Kaʼa mantsa: « Mghama ɗa! Səlaha ɗa kweŋkweŋ a dzaʼa ka mbazihata tama wu, nda dzvuha ɗa nda ghəŋa ɗa tani, » ka Simuŋ Piyer nda tsi.

Slna gwal ghunay 16:33

Ka hlaghatá tsi ta həŋ ta va tsa rviɗik ya ka laghu ghuɓinistá lkuha taŋ. Ka gi maganaftá lu ta batem ta tsa mndu ya nda la ga taŋ tani demdem.

Slna gwal ghunay 2:38

Ka Piyer nda həŋ mantsa: « Mbəɗanafwa mbəɗa ta tva nzakwa ghuni, ka magafta inda kaghuni ta batem ma hga *Yesu *Kristi, ŋa plighunista Lazglafta ta dmakuha ghuni, ŋa vlaghunata ni ta Sulkum nda ghuɓa.

Slna gwal ghunay 22:16

Ndanana, haɗ sana skwi ŋa kzləgəlta gha wa. Sliʼaf sliʼa, sawi ka magaghafta lu ta batem, ka ghuɓata dmakwa gha nda ma hgaŋta gha ta Mgham Yesu,” » kaʼa.

Slna gwal ghunay 8:36

Tata mbaɗa həŋ ta tvi, ka lagha həŋ slafta ta imi ma ghwa. Ka tsa mnda la Itiyupi ya nda tsi mantsa: « Ya wana imi na ní, nu dzaʼa pyafta magaɗiftá batem na? » kaʼa. [

Slna gwal ghunay 8:37

« Ka zlghaf zlgha ka nda ŋuɗufa gha, ta magaku, » ka Filip. « Mantsa nzakwa ni, zlghaf zlgha yu nda ŋuɗufa ɗa kazlay: Yesu *Kristi ná, Zwaŋa Lazglafta ya kəʼa, » ka tsa mndu ya nda tsi.]

La Ruma 5:14

Kulam nda tsa, daga ta Adamu ka sagha ta Musa ná, ta ga mghama ni mtaku ta ghəŋa mndu, nduk ta ghəŋa gwal kul gatá dmaku manda ŋa Adamu. Adamu ná, ta grə nda tsa mndu dzaʼa sagha nda sa ya lu.

1Kwa 12:13

Amu demdem, dər la *Yahuda tsi, dər la *Grek a tsi, dər mndu ka vuʼa tsi, dər mndu kul haɗ ka vuʼa a tsi, magamafmaga lu ta batem ŋa nzaku ka sluʼuvgha turtuk ma Sulkum turtuk. Ka mutsaftá mu demdem ta va tsa Sulkum turtuk ya, manda skwi sava mu nda sa.

1Kwa 4:6

Zwana ma ɗa, tsa skwiha garaghunaf yu ta ghəŋa aŋni nda Apwalus ya ná, ka tagha kuni ta skwi mida nzakwa ni: « Da zwaɗutá kuni ma tvi ka zluŋtá skwi nda vinda. » Da laghu kuni da ghərɓaku kazlay: Mal tsa ŋa ɗa mndu ya ka ŋa sani kəʼa.

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

2Kwa 7:1

Zwana ma ɗa, ya mantsa ya ka lu tamaftá imi ta sləməŋ ya ná, suɗapma ghəŋa mu ma skwi dzaʼa ŋəriŋtá vgha mu nda ŋuɗufa mu. Ka kɗanakta mu ta nzakwa mu hezleʼ ma zləŋa Lazglafta.

Galat 3:27

Kaghuni demdem, magaghunaf maga lu ta batem ma ndiʼatá vgha ghuni nda Kristi, kada klaftá kuni ta saɗa ni.

Afisus 5:26

Mtu mta ta ghəŋa ni, ka ghuɓiŋtá tsi nda imi nda ma gwaɗa ni kada nzakwa tsi hezleʼ.

Kwalus 2:12

Ma magaghunaftá batem fadata lu ta kaghuni kawadaga nda Kristi da kulu, ka sliʼagaptá kuni kawadaga nda tsi guli nda ma zlghafta ghuni ta mbrakwa Lazglafta ta sliʼaganaptá Kristi ma mtakuya.

1Tim 1:5

Klatá ghəŋa tsa gwaɗa ta mnaghata yu ya ná, tsaya sliʼanaftá ɗvu ya ta sabi ma ŋuɗuf ya nda ghuɓa, nda vərɗa ndanu kul haɗ sana dga ghəŋ, nda vərɗa zlghay nda ŋuɗuf.

1Tim 6:12

Lma ta vərɗa lma zlghay nda ŋuɗuf. Zak za ta hafu ŋa kɗekedzeŋ, kabga hgaf hga Lazglafta ta kagha ta ghəŋa ni ma mnaŋta gha ta ŋərmata zlghay nda ŋuɗufa gha ta kəma ndəghata masləmtsəkha.

Hebru 10:22

Ma tsa nzakwa ni mantsa ya tama, gavanamavagava ta Lazglafta nda ŋuɗuf turtuk, nda fata ghəŋ dar, nda ghuɓata ŋuɗuf kul haɗ dmaku mida, nda mbazatá mbaza nda imi tsələŋa.

Hebru 11:19

Ka fata Abraham ta ndana ni kazlay: Laviŋ lava Lazglafta ta vraganaptá mndu ma mtaku nda hafu kəʼa. Tsaya tama ná, ka nzaku Izak manda mndu vraganap lu ma mtaku kahwathwata.

Hebru 13:18

Magawa duʼa ta ghəŋa aŋni. Graf gra ŋni kazlay: Haɗ sana ɓədzaku ya maga ŋni wu kəʼa ma ndana ŋni. Ta kumay ŋni ta gɗata ŋni ta maga skwi ɗina ɗina inda fitik.

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.

Hebru 9:24

Lam a *Kristi da tsa vli nda ghuɓa katakata ma həga tumpul magaf mnda səla ya wa. Fwata tsa vərɗa ni ta nzakway ta luwa ya tsaya. Tsatsi ná, ta luwa laghwa tsatsi. Ndanana, ta nzaku ta kəma Lazglafta ta gwaɗa ma vla mu.

1 Piyer 1:3

Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,

1 Piyer 3:16

Ta zlghə kuni ta tsa wi ya, zlghawazlgha nda hanatá ghəŋ, nda ya nda vla glaku ŋa taŋ guli. Gɗata kaghuni ta maga tsa skwi ɗina ya ŋa ghuni, kada ksuta tsi ka hula ta həŋ, dər klaf kla həŋ ta kaghuni ka ghwaɗaka mnduha, ka raraza ŋərmata nzakwa ghuni ta tva Kristi.