1 Piyer 3:11 - Hdi

¹¹ Zlaŋta ni ta maga ghwaɗaka skwi, ka maga skwi ɗina. Zbay ni ta zɗaku ka ŋavata mista ni.

1 Piyer 3:11 ပူးပေါင်းရင်းမြစ်များ

Mata 5:45

Tsaya dzaʼa kəl kuni ka nzakway ka vərɗa zwana Da ghuni ya ta luwa, kabga tsatsi ta sliʼaganaptá fitik ta ghəŋa gwal kul zɗaku ghəŋa taŋ, nda ya ta ghəŋa gwal zɗa ghəŋa taŋ. Ta nzagazna ta imi ta ghəŋa tɗukwa mnduha, nda ya ta ghəŋa ghwaɗaka mnduha.

Mata 5:9

Rfu da gwal ta slga zɗaku mataba mnduha, kabga zwana ɗa kuni ka Lazglafta dzaʼazlay nda həŋ.

Mata 6:13

Ma zlaŋna ka tawa skwi dzaʼa dzəghaŋnata. Klap kla ta aŋni ma dzva halaway, [kabga ŋa gha ga mgham, nda mbraku, nda glaku, ŋa kɗekedzeŋ. Amin!]

Markus 14:7

Gwal ka pɗuha ná, kawadaga həŋ nda kaghuni inda fitik, laviŋ lava kuni ta vla skwi ŋa taŋ dər yawu tsi manda ya ta kum kuni. Iʼi ná, gɗavata a yu ta vata kaghuni wa.

Lukwa 1:79

ŋa tsuwaɗakaku ta ghəŋa gwal ta nzakw ma grusl, nda gwal ta nzakw ta wa hɗak ma sulkuma mtaku, nda ya ŋa pgha səla mu ta tva zɗaku, » kaʼa.

Lukwa 6:35

Kaghuni ya ná, ɗvuwa ɗva ta ghumaha ghuni, magawa maga ta zɗaku ŋa taŋ. Ɓlawa nzawa ŋa mnduha, ma faf kuni ta ghəŋ ta vraghunamta, dzaʼa mamu nisəla ghuni dagala, dzaʼa nzakway kuni ka zwana Lazglafta Dagala, kabga tsatsi ná, zɗa ghəŋa ni nda mnduha kul haɗ ta rfa mndu, nda gwal ta sidi tani. »

Lukwa 6:9

Ka Yesu nda həŋ mantsa: « Nu skwi mna zlaha mu ŋa magay baɗu Sabat na? Maga skwi ɗina ta raku re, ari maga skwi kul ɗinaku a na? Mbanaftá hafu skwi nda ra re, ari klaptá hafu mida a guli? » ka Yesu ɗawaŋta da tsa gwal tagha zlahu ŋa mnduha ya, nda tsa la *Farisa ya.

Yuhwana 17:15

Ndəɓa a yu ta dzvu da kagha ŋa hlaptá həŋ ma ghəŋa haɗik wa. Ama nghay yeya dzaʼa ka ngha həŋ da katkata tsa ghwaɗak ya.

La Ruma 12:18

Ka ta magaku tsi ŋa nzata nda zɗaku nda inda mndu ná, magawa maga ta kɗavakta mbrakwa ghuni.

La Ruma 14:17

Tsaya ná, nza a ga mghama Lazglafta ka gwaɗa ta skwi ŋa zay nda za, nda gwaɗa ta skwi ŋa say nda sa wa. Nda nza ŋa gwaɗa ta nzaku tɗukwa, nda zɗaku, nda ya nda nzaku nda rfu nda ma Sulkum nda ghuɓa.

La Ruma 14:19

Mantsa ya tama ná, ŋavama ŋa ka zba skwi ya dzaʼa klaktá zɗaku nda ya ŋa ŋla guyatá ghəŋa mu.

La Ruma 5:1

Ndana tama, nda nza mu ka gwal tɗukwa ta wa ira Lazglafta ma zlghafta mu nda ŋuɗuf. Mamu zɗaku mataba mu nda tsi nda ma Mghama mu *Yesu *Kristi.

La Ruma 7:19

Haɗ yu ta maga skwi ɗina má ta kum yu wu, skwi kul ɗinaku kul kum yu, ta mag yu.

La Ruma 7:21

Wya skwi ta tapafta yu tazlay ma vgha ɗa: Ka maga yu ta skwi ɗina ka yu ya ná, gi ka ghwaɗaka skwi kəʼa ta nuta.

La Ruma 8:6

Ka laghu la lu da snanatá ta ŋa skwi ta zɗəganatá sluʼuvgha katsi ná, kla ghəŋ da mtaku tsa. Ka laghu la lu da sna skwi ta zɗəganatá Sulkum nda ghuɓa katsi guli ná, kla ghəŋ da hafu nda ya da zɗaku tsa guli.

Galat 5:22

Ama, wya skwiha ta yaganapta Sulkum nda ghuɓa: Ɗvutá mndu, nzata nda rfu, nzata nda zɗaku, nzata nda ksa ŋuɗuf, nzaku ka ŋərma mndu, maga skwi ɗina, nzaku tɗukwa,

Galat 6:10

Mantsa tama, ta tsekeʼ luwa ná, magama maga ta skwi ɗina ɗina ŋa inda mndu. Katkatatani ŋa zwana ma mu ma zlghay nda ŋuɗuf.

Kwalus 3:15

Ka pgha zɗakwa Kristi ta ŋuɗufa ghuni. Guyaghuna guya Lazglafta ka vgha turtuk ŋa nzakwa ghuni ma tsa zɗaku ya. Rfawa rfa.

1Tim 6:18

Mnana mna ta həŋ ka maga həŋ ta zɗaku. Ka sganaghata həŋ ta maga skwiha ɗina ɗina. Mnana mna ta həŋ ka muvla həŋ ta muvla, ka vla həŋ ta skwi ŋa kataŋtá sanlaha nda tsi.

Hebru 12:14

Zbawa zba ta nzata nda zɗaku nda inda mndu. Ka nzata kuni nda ghuɓa ta wa ira Lazglafta. Ka haɗ tsi mantsa wu ná, haɗ ya dər turtuk ma kaghuni dzaʼa nghaŋtá kuma Lazglafta wa.

Hebru 13:16

Yaha kuni zlanatá maga zɗaku, nda kataŋtá mndu, kabga mndərga tsa skwiha ta vlata həŋ ya ta zɗəganatá Lazglafta.

Yakubu 4:17

Mantsa tama, mndu ya nda sna ta maga skwi ɗina má ŋa magay ni, ka kwalaghutá tsi ta magay ná, gaga ta dmaku.

1 Piyer 3:12

Nda fa ira Lazglafta ta gwal ta maga skwi tɗukwa. Nda fa sləməŋa ni ka sna duʼa taŋ. Ama gwal ta maga ghwaɗaka skwi ná, ta mbəɗana mbəɗa Lazglafta ta hul ta həŋ, » kaʼa.

3 Yuhwana 1:11

Gra ɗa ya ta ɗvu yu, ma ksə ka ta saɗa mnduha ta maga ghwaɗaka skwi, ksata saɗa gwal ta maga skwi ɗina. Mndu ta maga skwi ɗina ná, nda na tsatsi ka Zwaŋa Lazglafta. Mndu ta maga ghwaɗaka skwi ya guli ná, ta sna a tsatsi ta Lazglafta wa.

Gwal tsa guma 11:14

Ka ghunəgladaptá Yifta ta gwal ghunay da mghama la Ghamuŋ,