1 Piyer 3:1 - Hdi

¹ Kaghuni guli miʼaha, haniŋwahana ta ghəŋ mista zəʼalha ghuni. Ka ta magay kuni mantsa, dər má sna a sanlaha ta gwaɗa wu, ŋa nghay taŋ ta ŋərma nzakwa miʼa taŋ, ŋa mbəɗanafta taŋ ta nzakwa taŋ, dər má pslaf a kuni ta wi.

1 Piyer 3:1 ပူးပေါင်းရင်းမြစ်များ

Zlrafta 3:16

Kaʼa nda tsa marakw ya mantsa: « Dzaʼa sgaghagha sga yu ta ghuya ɗaŋwa ta ghəŋa zlghatá huɗa gha. Nda ɗaŋwa dzaʼa ya ka ta zwaŋ. Dzaʼa mamay ka ta nzuvusta nda zəʼala ghuni, ama tsatsi dzaʼa ga mgham ta ghəŋa kagha guli, » kaʼa

Mata 18:15

« Ka gagha ga zwaŋama gha ta dmaku ná, la slanaghata ka dzraŋta kaghuni histaghuni. Ka snagha sna tsi katsi, kataf katá ka ta zwaŋama gha.

La Ruma 10:16

Tsaw inda taŋ a ta snatá tsa *Lfiɗa Gwaɗa ya wa. Ka Isaya mnata guli na: Mghama ɗa! Wa ta zlghaftá tsa gwaɗa mna ŋni ya? kaʼa.

La Ruma 6:17

Rfama ta Lazglafta! Ghalya si nda nza kuni ka vuʼa dmaku. Ndanana, sna sna kuni nda inda ŋuɗufa ghuni ta dughwaŋa skwi ya ta taghu lu ŋa inda mnduha demdem, ka taghaftá kuni.

La Ruma 7:2

Ka graghunaf gra yu ɓa! Marakw ga mndu ná, hbaf hba zlahu ta zəʼala taŋ ka ta ndiri zəʼala taŋ. Ala, ka mtu mta zəʼala taŋ katsi, flaʼu vgha ni ma tsa zlahu ta hbafta ta zəʼala taŋ ya.

1Kwa 11:3

Ndana tama, ta kumay yu ta snaŋta ghuni kazlay: Ghəŋ ta ghəŋa inda zgun ná, *Kristi ya. Ghəŋ ta ghəŋa inda marakw ná, zgun ya. Ghəŋ ta ghəŋa Kristi guli ná, Lazglafta ya kəʼa.

1Kwa 14:34

Seftekw ka miʼa ghuni nzata ma tskatá vgha, kabga vlaŋ a lu ta tvi ta həŋ ŋa gwaɗa wa. Nda hanatá ghəŋ ka həŋ nzata manda ya ta mnə deftera Lazglafta guli.

1Kwa 7:16

Kagha marakw ta zlghaftá Yesu, nda sna kagha kazlay: Dzaʼa mbanaf mba yu ta zəʼala ini kəʼa ra? Kagha zəʼal ta zlghaftá Yesu, nda sna kagha kazlay: Dzaʼa mbanaf mba yu ta markwa ini kəʼa guli ra?

Afisus 5:33

Tsaw nghaghunagha ngha tsa gwaɗa ya ta kaghuni guli. Inda mndu ka ɗvuta tsi ta markwa taŋ manda ya ta ɗvuta tsi ta ghəŋa ni. Inda marakw guli, ka sna tsi ta gwaɗa da zəʼala taŋ.

Kwalus 3:18

Miʼaha, hanaganawa hana ta ghəŋa ghuni mista zəʼalha ghuni manda ya ta raku ka magay ta kəma Mgham *Yesu.

Kwalus 4:5

Nzawa nza nda ɗifil ta vata gwal kul zlghafta Kristi. Dər yawu mutsafta kuni ta katsaftá maga ŋərma skwi ya, ma zlidiŋ kuni ta tsa fitik ya.

2Tes 1:8

Ma takataka vu ta zlghaku dzaʼa saha həŋ ŋa ghuzlanaptá iri ta gwal kul snaŋtá Lazglafta, ta kwalaghutá snatá Lfiɗa Gwaɗa Mghama mu Yesu Kristi ya.

Hebru 11:8

Nda ma zlghay nda ŋuɗuf snata Abraham ta hgu hgaf Lazglafta, ka sliʼaftá tsi ka laghwi ta haɗik ya dzaʼa vlaŋta Lazglafta ŋa ni. Ta sliʼaftá tsi, sna a ta vli ta dzaʼa tsi wa.

Hebru 5:9

Manda kɗiŋta Lazglafta ta dzanaghatá ghəŋa skwi ya kumaŋ tsi nda ma tsatsi, ka nzaku tsi ka mndu ya ta mba inda gwal ta snanatá gwaɗa ni, ŋa nzakwa taŋ nda hafu ŋa kɗekedzeŋ.

1 Piyer 1:22

Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.

1 Piyer 3:2

Dzaʼa nghaŋ ngha həŋ ta ŋərmata nzakwa ghuni, nda ya ká kuni ta sna gwaɗa da həŋ.

1 Piyer 3:7

Kaghuni zəʼalha guli, ɗina ka kuni nzaku nda miʼa ghuni, ka famta kuni ta ɗifil ma ghəŋ, ya gwal nda hta mbrakwa taŋ hahəŋ. Ka vla kuni ta sgit ŋa taŋ, kabga tsa hafu ya ta vlə Lazglafta ka zɗakatahuɗa ni ya ná, nda hahəŋ tani, nda kaghuni tani mida. Ka mantsa ya ka kuni magay na: Ta snay Lazglafta ta duʼa ghuni.

1 Piyer 4:17

Sagha sa fitik ŋa zlraftá Lazglafta ta tsa guma. Tiŋəl ta ghəŋa həga ni dzaʼa zlrafta tsi ta tsay. Ala, ka si nda amu ka lu zlrafta katsi, kinawu dzaʼa kɗavakta tsi ta ghəŋa gwal kul snatá *Lfiɗa Gwaɗa Lazglafta na?