1 Piyer 2:8 - Hdi

⁸ Ka lu vindafta guli na: « Tsa pala ya ná, ta dza mndu ka tuthun. Tsa pala ya ta zlambanaptá mnduha, » kaʼa. Ta dzay ta həŋ ka tuthun, kabga kwalaghuta taŋ ta snanatá gwaɗa Lazglafta. Manda tsaya thanafta Lazglafta ta həŋ daga manda ghalya.

1 Piyer 2:8 ပူးပေါင်းရင်းမြစ်များ

Sabi 9:16

Ama zlagha zla yu nda hafu, ŋa maraghaŋtá mbrakwa ɗa, ŋa tiŋtá hga ɗa ta ghəŋa haɗik demdem.

Lukwa 2:34

Ka tfanaghatá Simeyuna ta wi ta həŋ. Kaʼa nda Mari mantsa: « Nana zwaŋ na ná, dzaʼa klak kla ta zləmbaku, nda sliʼafta ŋa ndəghata sanlaha ma mnduha ma la Israʼila. Dzaʼa nzakway ka ŋizla daga da Lazglafta, ŋa husaŋta ni ta sanlaha ma mnduha.

La Ruma 9:22

Ka manda tsaya kumaŋta Lazglafta ta maraŋtá ɓasata ŋuɗufa ni, nda maraŋta ni ta mbrakwa ni ma suʼay ni nda ksatá ŋuɗuf katakata ta ghəŋa gwal nda fa ŋa zwaɗuta ma ɓasata ŋuɗufa ni ya ní, nu ŋa gha mida tama na?

1Kwa 1:23

Aŋni, gwaɗa ta zləŋatá *Yesu Kristi ta udza zləŋay ŋa aŋni ta mnay. Ka zaɗiŋtá tsa gwaɗa ya ta la Yahuda. Tsaɓaku tsa gwaɗa ya ka hamata gwal kul nzakway ka la Yahuda guli ta mnay.

2Kwa 2:16

Ka ŋa gwal ta mutsa mbaku ná, zɗa tsa vərtikatani ya, ta vlaŋ vla Lazglafta ta hafu ta həŋ. Ka ŋa gwal ta zaɗiŋtá ghəŋa taŋ guli ná, zɗa a tsa vərtikatani ya wu, ta klanak kla ta mtaku ta həŋ. Wa ya prək ka magaftá tsa slna ya tama?

Galat 5:11

Zwana ma ɗa, iʼi, ka si tata gɗata ta mnay kazlay: ɗina tsatá fafaɗ kəʼa yu katsi ya ní, kabgawu ta kəl mnduha ka giri ŋa ɗa tama? Haɗ tsa mtuta mtu Kristi ta udza zləŋay ya dzaʼa nzakway ka tuthun wa.

1Tes 5:9

Pəgha a Lazglafta ta amu ŋa ghuzlamap ta iri wa. Hgaf hga ta amu ŋa mbamafta nda ma Mghama mu *Yesu *Kristi.

1 Piyer 2:6

Ka lu vindafta ma deftera Lazglafta na: « Wana zbap zba yu ta vərɗa palaka tughwa ba həga, ka fata ma luwa Tsiyuŋ. Mndu ya ta faftá ghəŋa ni tida ná, haɗ sana skwi dzaʼa pghanaghatá hula ɗekɗek wu, » kaʼa.

1 Piyer 2:7

Ka ŋa kaghuni gwal ta zlghafta ya ná, dagala sgita ni, ama mantsa ya a da gwal kul zlghafta wa. Ka lu vindafta ma deftera Lazglafta na: « Va tsa pala wuɗidiŋ gwal ba həga ya, ta nuta ka vərɗaka pala tughwa həga. »

2 Piyer 2:3

Ta taɗaku ira tsa ghwaɗaka mnduha ya ta skwa mndu, ŋa tsakalay taŋ ta wi ŋa gatugadughunustá skwa ghuni. Tsaw nda ghada tsatá guma ta ghəŋa taŋ daga manda ghalya, ta kzlaykzlay zaɗaku ta həŋ.

Yuda 1:4

Klə yu ka mna tsaya ná, nda ndəgha mnduha ta kɗikadamta da taba ghuni, ka ɓadza zɗakatahuɗa Lazglafta. « Lma a Lazglafta ta magay mndu ta ghwaɗaka skwi ta kum mndu wu, » ka həŋ ta mnay. Mantsa ya vziŋta həŋ ta *Yesu *Kristi ta nzakway ka Mgham ta ghəŋa amu. Mndərga tsa mnduha ya ná, nda ghada vinda ta tsatá guma ta ghəŋa taŋ daga ghalya.