1 Piyer 2:21 - Hdi

²¹ Ka ŋa tsaya hgafta lu ta kaghuni, kabga ghuy ghuya *Yesu *Kristi ta ɗaŋwa guli ta ghəŋa kaghuni. Tvi ya taghunap tsi ŋa ksay ghuni guli ta səla ni.

1 Piyer 2:21 ပူးပေါင်းရင်းမြစ်များ

Mata 10:38

Ka kla a mndu ta udza zləŋay ni ka dzaʼa mista ɗa wu ná, ta nza a tsa mndu ya ka ŋa ɗa wa.

Mata 11:29

Zba a yu ta nzaghunaghata wa. Klawa kla ta ndəgaku ya ta klə yu, ka tagha kuni ta skwi da iʼi, mantsa ya dzaʼa kəl kuni ka mutsaftá mbiʼa vgha.

Mata 16:24

Ka *Yesu nda duhwalha ni tama mantsa: « Ka ta kumay mndu ta dzaʼa mista ɗa ná, vziŋtani ta ghəŋa ni ka klay ni ta udza zləŋay ni, ka dzaʼa ni mista ɗa.

Lukwa 24:26

Nza a tkweʼ ka ghuyay *Kristi ta tsa ɗaŋwaha ya ma kɗaku tsi ka lami da glakwa ni ra? » kaʼa nda həŋ.

Yuhwana 13:15

Maraghunatá tsaya maraghuna yu, ŋa magay kaghuni guli manda tsa magaghuna yu ya.

Yuhwana 16:33

Managhuna mana yu ta inda tsaha ya, kabga ŋa mutsafta ghuni ta zɗaku ma nzakwa guyata vgha ghuni nda iʼi. Dzaʼa ghuyay mnduha ta ghəŋa haɗik ta ɗaŋwa ŋa ghuni. Ka nzata kuni drusa. Iʼi, ghuɓasap ghuɓasa yu ta mbrakwa na ghəŋa haɗik na, » kaʼa.

Slna gwal ghunay 14:22

Ka vlaŋtá həŋ ta mbraku ta tsa gwal zlghay nda ŋuɗuf ya, ŋa dihavata taŋ ma zlghay nda ŋuɗufa taŋ. « Nda ma ghuya ɗaŋwa kavghakavgha dzaʼa lama lu da ga mghama Lazglafta, » ka həŋ, nda həŋ.

Slna gwal ghunay 17:3

Ka paslay ŋa taŋ, ka mnay kazlay: Dzaʼa ghuy ghuya *Kristi ta ɗaŋwa, dzaʼa sliʼagap sliʼa nda hafu mataba gwal nda rwa kəʼa. « Tsəna *Yesu ta mnə yu ŋa ghuni na ná, tsaya tsa Kristi ya, » kaʼa.

Slna gwal ghunay 9:16

Dzaʼa maranaŋ mara iʼi ka ghəŋa ɗa, ta inda ghuya ɗaŋwa ya tkweʼ dzaʼa tsi ghuyay ta ghəŋa hga ɗa, » kaʼa.

La Ruma 8:29

Tsa gwal ghadu tsi ta zabuta daga taŋtaŋ ya, ghadu ghada ta nanaftá həŋ ŋa gara vgha nda zwaŋa ni, ŋa nzakwa tsa zwaŋa ni ya ka zumali mataba ndəghata zwana ma.

1Kwa 11:1

Ksawaksa ta saɗa ɗa, manda ya ta ksə iʼi ta saɗa *Kristi ya.

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

Filip 2:5

Magawa maga ta skwi ya nda ra, ma ndiʼatá vgha ghuni nda *Yesu *Kristi.

1Tes 3:3

kada kwala ŋuɗufa dər wa da tɗu ma na ghuya ɗaŋwa ndanana, kabga nda sna kaghuni kazlay: Favamafa Lazglafta ta tsaya kəʼa.

1Tes 4:2

Nda sna kuni ta nzaku ya taghaghunaf ŋni nda ma mbrakwa Mghama mu Yesu.

2Tim 3:12

Nziya nza tsi, inda gwal ta kuma nzaku manda ya ta kum Lazglafta ma ndiʼatá vgha nda *Yesu *Kristi ná, dzaʼa Ganap ga lu ta iri ta həŋ.

Hebru 2:10

Inda skwi ná, Lazglafta ta magafta. Ka ŋa ni nzakwa ni guli. Mantsa, ka ɗvaftá Lazglafta ta payaftá Yesu nda ma ghuya ɗaŋwa ya ghuy tsi, kada mutsafta ndəghata mnduha ta nzaku ka zwana ni, ŋa hlay ni ta həŋ da glakwa ni. Yesu tsa mndu dzaʼa hla həŋ da mbaku ya.

1 Piyer 1:20

Lazglafta ta thanafta mantsa ya daga ma kɗaku lu zlaganaptá ghəŋa haɗik, ka marigiŋtá tsi ma na kɗavakta fitik na, ŋa kata kaghuni.

1 Piyer 2:24

Tsatsi ka ghəŋa ni ta klaftá dmakwa mu ta vgha ni ma zləŋafta lu ta udza zləŋay. Ŋa nzakwa mu ka gwal nda rwa təv dmaku, ŋa nzay mu ta nzakwa tɗukwa. Nda ma tsa balanata ya mbaghunafta lu.

1 Piyer 3:18

Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.

1 Piyer 3:9

Ka maga maga mndu ta ghwaɗaka skwi, ma vranam ka nda ghwaɗaka skwi. Ka razaghaf raza mndu, ma vranam ka nda razu, « katək na tfanagha tfa ta wi, » kabga ŋa tsaya hgafta Lazglafta ta kaghuni, ŋa tfaghunaghatani ta wi ta kaghuni guli.

1 Piyer 4:1

Nda sna mu kazlay: Ghuy ghuya *Kristi ta ɗaŋwa ma sluʼuvgha kəʼa. Kaghuni guli, nzawa nza nda fata vgha ŋa ghuyay manda ŋa ni. Mndu ta ghuytá ɗaŋwa ma sluʼuvgha ná, haɗ ta gəgəltá dmaku wa.

1 Piyer 4:13

Rfawa rfa ta rfu katək, nda nzakwa ghuni kawadaga nda *Kristi ma ghuya ɗaŋwa, kada ndəghafta ŋuɗufa ghuni nda rfu baɗu dzaʼa maraŋta tsi ta glakwa ni ŋa inda mndu.

1 Yuhwana 2:6

Ka nda ndiʼa nzakwa ɗa kawadaga nda Lazglafta, ka mndu katsi ná, ka maga tsi ta skwi manda ŋa *Yesu *Kristi.

1 Yuhwana 3:16

Wya tvi kəl amu ka snaŋtá skwi ta hgə lu ka ɗva mndu: Ɗvu ɗva *Yesu *Kristi ta amu, ka saha tsi vlatá ghəŋa ni ma vla amu. Amu guli ná, vlama vla amu ta ghəŋa mu guli ma vla zwana ma mu.

Suna Yuhwana 12:11

Ŋrap ŋra həŋ, kabga vəl varata Zwaŋa Tuwak ta həŋ nda usa ni, nda ya kabga vəl mnay taŋ kazlay: Kahwathwata gwaɗa Lazglafta kəʼa. Zləŋaŋə a həŋ ta mtaku ka laghu da ɗvutá hafa taŋ wa.