1 Piyer 2:12 - Hdi

¹² Ɗina ka kuni nzaku mataba gwal kul snaŋtá Lazglafta. Ŋa nzakwa ni dər má ta vaza rutsak həŋ ta kaghuni, ŋa nghay taŋ ta ŋərma slna ya ta mag kuni, ŋa zləzlvay taŋ ta Lazglafta baɗu dzaʼa sagha tsi da guyaku nda həŋ.

1 Piyer 2:12 ပူးပေါင်းရင်းမြစ်များ

Danyel 6:4

Tsa Danyel ya ná, malaghu mala ta tsa sanlaha ma maliha ya, nda tsa guvnaha ya tani, kabga mamu sulkum ta malapta ma tsatsi. Ka ndanaptá mgham ta fanaghata ta ghəŋa inda tsa ga mgham ya.

Mata 10:25

Laviŋ lava mndu ta taghanata lu ta skwi ta nzakway ka guram nda mndu ta taghanatá skwi. Laviŋ lava kwalva ta nzakway ka guram nda daŋahəga ni həga ni guli. Ka si halaway, ka lu ta hga daŋahəga ni həga ya ní, kighkigh ká lu dzaʼa hga gwal ma tsa həga ya tama? »

Mata 5:11

Rfu da kaghuni, ka ta rarazay lu ta kaghuni, ka ta gay lu ta iri ŋa ghuni, ka ta vazay lu ta rutsak ta kaghuni ta ghəŋa gwaɗa ta iʼi.

Mata 5:16

Manda tsaya dzaʼa tsuwaɗakakwa tsuwaɗaka ghuni ta kəma mnduha, kada nghaŋta həŋ ta ŋərma slna ta mag kuni, ŋa zləzlvay taŋ ta da ghuni ta luwa. »

Mata 9:8

Nghanata dəmga ta tsaya, ka ksutá tsi ta həŋ ka zləŋ. Ka zləzlvu həŋ ta Lazglafta ta vlaŋtá mndərga tsa mbraku ya ta mnduha.

Lukwa 1:68

« Zləzlvama Mgham Lazglafta la Israʼila kabga sagha ni da kataŋtá mnduha ni, ka varatá tsi ta həŋ.

Lukwa 19:44

Ŋa zaɗaghata nda mnduha gha tani. Zlanata a həŋ ta nzugwatá pala ta ghəŋa sani wu, kabga tsatsaf a kagha ta tsa fitika sagha Lazglafta da kata kagha ya wu, » kaʼa.

Lukwa 6:22

Rfawa rfa ta rfu ka ta husaŋ husa kuni ta mnduha, ka ta vzighunisvza həŋ, ka ta razay həŋ ta kaghuni, ka ta vazay həŋ ta rutsak ta kaghuni kabga vəl zlghafta ghuni ta Zwaŋa mndu.

Yuhwana 13:31

Tahula saghwa Zudas dzibil, ka *Yesu mantsa: « Ndanana ŋlanafta lu ta *Zwaŋa mndu. Ka ŋlanaftá lu ta Lazglafta guli nda ma tsatsi.

Slna gwal ghunay 15:14

Rusamaf rusa Simuŋ ká Lazglafta zlraftá nghapta ka gwal kul nzakway ka la Yahuda, ka zabaptá tsi mataba taŋ ta gwal ŋa nzata ka ŋa ni.

Slna gwal ghunay 24:13

Nana skwi mnə hahəŋ ta iʼi ndanana ná, graghafta a vərɗa hahəŋ wa.

Slna gwal ghunay 25:7

Ka lagha Pwal. Ka sliʼadaghatá tsa la maliha la Yahuda ta sliʼadata ma Ursalima ya dlivis da wamtá Pwal. Ka mnə həŋ ta gwaɗaha ta kuzlaku ta kuzlaku, ka tsatsanavatá Pwal, ama haɗ hya gwaɗa kligiŋ həŋ wa.

Slna gwal ghunay 28:22

Ta kumay aŋni ta snaŋtá skwi ta ndanu kagha ka ghəŋa gha nda ma wa gha. Skwi ya snaŋ aŋni ná, nda ndəgha gwal ta pgha rutsak ta na lfiɗa dina ghuni na, » ka həŋ.

La Ruma 12:17

Ma vranam kuni ta ŋaslu nda ŋaslu ta mndu. Zbawa maga skwi ɗina ta wa ira inda mnduha.

La Ruma 13:13

Nzama nza ta nzaku ya ta raku manda skwi gifitik. Zluŋmazla ta mblitá skwi nda ghuyaku. Zluŋmazla ta sliʼiŋsliʼiŋ nda hliri. Zluŋmazla ta zlərɗa wi nda draku.

La Ruma 14:18

Ka mantsa ya ka mndu maga slna Yesu Kristi katsi ná, dzaʼa zɗəgana zɗa ta Lazglafta, dzaʼa rfay mnduha guli.

La Ruma 15:9

Sasa guli ŋa zləzlvay gwal kul nzakway ka la Yahuda ta Lazglafta ta ghəŋa tawa hiɗahiɗa ni manda ya nda vinda ma deftera Lazglafta kazlay: tsaya dzaʼa kəl yu ka zləzlva hga gha mataba gwal kul nzakway ka la Yahuda, ŋa fay ɗa ta laha vla glaku ŋa hga gha kəʼa ya.

1Kwa 14:25

Dzaʼa sab sa skwi ma ŋuɗufa ni ta daɓi ŋa zləmbata ni zlumbruh ka tsəlɓu ta kəma Lazglafta ŋa mnay ni kazlay: Mataba ghuni Lazglafta kahwathwata kəʼa.

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

2Kwa 13:7

Ta maga duʼa ŋni da Lazglafta yaha kuni magəgəltá ghwaɗaka skwi. Va a ŋni ta mnay kazlay, kɗanakkɗa aŋni ta inda skwi kəʼa wa. Skwi ɗina kweŋkweŋ maga kuni, ka aŋni nda kaghuni dər má nda hta aŋni ká mnduha ta nghay.

2Kwa 8:21

Skwi ɗina ta kum aŋni ta magay. Ta wa ira Mgham Yesu yeya a wu, nduk nda ya ta wa ira mnduha tani.

Afisus 2:3

Amu demdem guli, manda tsa nzakwa hahəŋ ya si amu ghalya. Ghwaɗaka skwiha ta kum ŋuɗufa mu, nda ghwaɗaka ndanuha ta ndanu mu, si ta mag mu. Ma tsa nzatá nzakwa mu manda tsaya ná, ma dzaʼa dəɗamdəɗa amu guli da ɓasa ŋuɗufa Lazglafta, ka guram nda va ŋa tsa mnduha ta maga ghwaɗaka skwiha ya.

Afisus 4:22

Skwi taghaghunaf lu ná, zlaŋta ghuni ta tsa tva nzaku si ta nzaku kuni ghalya ya. Tsa tva nzaku si ta nzaku kuni ghalya ya si ta ɓadza kaghuni, kabga si ta haraʼuway kuni ta inda ghwaɗaka skwi ta nana kaghuni.

Filip 1:27

Skwi ná, nzawa nza ta nzaku ya ta raku ŋa nghaŋta mnduha kazlay: Gwal ta maga skwi manda ya ta mnə gwaɗa *Kristi kuni kəʼa. Skwi ta kum yu ta snaŋta ná, ta nzaku ka kuni manda ya ta raku. Dər má lab la yu da kaghuni, dər má lab a yu da kaghuni wu, nda guya ka ghəŋa ghuni. Ta ŋava ŋa ka kuni nda ŋuɗuf turtuk ka dzaʼa ta kəma ta kəma nda mna gwaɗa Lazglafta.

Filip 4:8

Zwana ma ɗa, wya kɗavakta gwaɗa ɗa: Skwi ŋa ŋanata ghuni ná, ŋanawa ŋa ta inda kahwathwata, nda inda skwi ɗina ta ghubu lu, nda inda skwi tɗukwa, nda inda skwi nda tsala, nda inda skwi ta raku ka mamay, nda inda skwi ta raku, nda inda skwi ta ɗinuta, nda inda skwi ta raku ka zləzlvay. Tsaha ya skwiha ŋa ŋanata ghuni ma ghəŋa ghuni.

1Tes 4:12

Ka mantsa ka kuni magay katsi, dzaʼa vlay gwal ta kul zlghafta ta glaku ŋa ghuni, haɗ kuni dzaʼa slaslamaku guli wa.

1Tim 2:2

Ɗina ka maga duʼa ta ghəŋa mghamha nda inda gwal ta ŋanatá ga mgham, kada mutsafta mu ta nzaku leɓtekw, ma zɗaku, ma zləŋa Lazglafta nda tva ni, ŋa nzay mu ta nzaku manda ya ta raku dər ta wati ma tvi tsi.

1Tim 4:12

Yaha mndu da hərtətatá nzakwa gha ta ka zwaŋ. Katək ná, nza nza ka ŋa gwal zlghay nda ŋuɗuf, ka mndu ŋa kla saɗa ni ma tva gwaɗa, ma tva nzaku, nda ya ma tva nzaku nda ghuɓa.

1Tim 5:10

Ta ghubay ka lu ma ŋərma slnaha ni ta mag tsi. Va galanaf gala katsi ɗina ta zwani, ta tsuʼay katsi ta mayəm ga taŋ, ta mbazay katsi ta səla gwal zlghay nda ŋuɗuf, ta katay katsi ta gwal ta sa duni, fa fa katsi ta ghəŋa ni ka maga inda ŋərma slna.

Hebru 13:18

Magawa duʼa ta ghəŋa aŋni. Graf gra ŋni kazlay: Haɗ sana ɓədzaku ya maga ŋni wu kəʼa ma ndana ŋni. Ta kumay ŋni ta gɗata ŋni ta maga skwi ɗina ɗina inda fitik.

Hebru 13:5

Yaha tsedi da tɗaghatá kaghuni. Rfawa rfa ta rfu ta ghəŋa kuraghuta ya da kaghuni, kabga ka Lazglafta na: « Haɗ yu dzaʼa zlaghata wu, haɗ yu dzaʼa walaŋtá vzighista wu, » kaʼa.

Yakubu 3:13

Wati ma mndu ya nda ɗifil ma ghəŋa ni nda sna ta skwi na? Ka mara tsi ta slnaha ni nda ma nzaku ɗina, nda hanata ghəŋa ya ta mutsu lu ma ɗifil.

1 Piyer 2:15

Kumaŋ kuma Lazglafta ta magay ghuni ta skwi ɗina, ŋa hanaftá wi ta gwal kul snaŋtá skwi, ta gutá rgha taŋ.

1 Piyer 3:16

Ta zlghə kuni ta tsa wi ya, zlghawazlgha nda hanatá ghəŋ, nda ya nda vla glaku ŋa taŋ guli. Gɗata kaghuni ta maga tsa skwi ɗina ya ŋa ghuni, kada ksuta tsi ka hula ta həŋ, dər klaf kla həŋ ta kaghuni ka ghwaɗaka mnduha, ka raraza ŋərmata nzakwa ghuni ta tva Kristi.

1 Piyer 4:11

Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!

2 Piyer 3:11

Ka si mantsa dzaʼa zwaɗuta inda tsa skwiha ya ná, mndərga wati nzaku ta raku ŋa nzakway ghuni? Nzawa nza ta nzaku ya nda ghuɓa. Ka vlaŋta kuni ta ghəŋa ghuni ta Lazglafta ma inda skwi.

Rut 3:14

Ka hananavatá tsi tama ta vata səla ni ha ga sərɗək. Ama ka sliʼaftá tsi ta kul laviŋtá lu ta tsəmaftá mndu. Ka Bughaz mantsa: « Yaha lu da snaŋta kazlay “sagha sa tsa marakw ya ta blikwi kəʼa!” » kaʼa.