1 Piyer 2:11 - Hdi

¹¹ Zwana ma ɗa gwal ta ɗvu yu nda ŋuɗufa ɗa, ɗina ka snaŋta ghuni kazlay, manda mayəm nzakwa ghuni, gɗavata a kuni ma na ghəŋa haɗik na wu kəʼa. Tsaya ta kəl yu ka vla mbraku ŋa ghuni, ka wara kuni ta skwi ya ta haraʼuwa kaghuni. Ya hafa ghuni ta zbə tsa skwiha ya.

1 Piyer 2:11 ပူးပေါင်းရင်းမြစ်များ

Zlrafta 21:34

Ka nzəɗavatá Abraham gerger ta haɗika la Filisti.

Zlrafta 23:4

« Wana ka mayəm yu ta nzaku mataba ghuni, tsaɗifwa tsa da kaghuni ŋa ŋa ɗa ta vla kulu, ka paɗamta yu ta markwa ini, ka kliŋta yu ta mbla ni diʼiŋ ta wa ira ɗa, » kaʼa.

Zlrafta 47:9

Ka Yakubu nda Firʼawna mantsa: « Má dərmək nda hkən mbsaka ima ɗa na ta ra vli. Kiʼa yeya ima ɗa mndani, nda ghuya ɗaŋwa ɗa katakata. Ta laf a ta mbsaka vakwa ɗa ta ŋa dzidzíha ɗa ma fitika ray taŋ ta vli wu, » kaʼa.

1Rus 29:15

Mayəm aŋni ta kəma gha, ka matbay ŋni, gwal ta nzakw ŋa ɗasu ɗasu, manda ŋa dzidzíha ŋni demdem. Manda sulkum ya fitika ŋni ma ghəŋa haɗik, fa a ghəŋ tida wa.

La Levi 15:18

Ka hana hana mndu nda marakw, dzaʼa mbazaghu mbaza həŋ ta mbaza. Dzaʼa nza nza həŋ ka gwal ta tsaɗ lu ha ga hawu. »

La Levi 25:23

« Skwapta a kuni ta haɗik ŋa ɗekɗek wu, kabga ŋa ɗa haɗik, ka mayəm, nda matbay kaghuni ta nzakw ga ini.

Lukwa 21:34

« Ɗaswa ka kuni da laghu kuni dzamtá ghəŋ ma skwi ŋa zay nda za, nda skwi ŋa say nda sa, nda ndana nzaku ma ghəŋa haɗik, da sagha tsa fitika sagha *Zwaŋa mndu ya ksaghunaghata dluk.

Slna gwal ghunay 15:20

Skwi ŋa vindanaftá həŋ na: Zlaŋta taŋ ta wuya skwi, nda hliri, nda za skwi ɓərtá lu nda ɓərta, nda za us, kabga

Slna gwal ghunay 15:29

Yaha kuni za sluʼa skwa wuyay, yaha kuni za us, yaha kuni da za sluʼa skwi ɓərta lu nda ɓərta, yaha kuni hliri. Ka zlaŋ zla kuni ta maga tsa skwiha ya katsi ná, maga maga kuni ta skwi ɗina. Ləŋləŋ ka kuni nzata, » ka həŋ.

La Ruma 12:1

Zwana ma ɗa, dagala tawa hiɗahiɗa Lazglafta ta amu. Tsaya tama ta kəl yu ka ndəɓa ghunata dzvu. Vlaŋwa vla ta ghəŋa ghuni tsuh tsuh ta Lazglafta manda skwa pla ghəŋ nda hafu mida, nda ghuɓa ta zɗəganata. Tsaya vərɗaka tva tsəlɓay ghuni ta tsəlɓu ŋa ni.

La Ruma 7:23

Ama ma vgha ɗa, ta tapaf tapa yu ta sana ghwaɗaka skwi ta lmu nda vərɗa skwi ɗina ya ta ndanu yu. Tsa ghwaɗaka skwi ma iʼi ya, ta na iʼi ka vuʼa dmaku.

La Ruma 8:13

Ka manda ya ta zɗəganatá sluʼuvgha ka kuni nzaku katsi ná, dzaʼa mtaku kuni. Ala, ka zlanaŋ zla kuni ta ghəŋa ghuni ta Sulkum ka dzata tsi ta skwiha ta zɗəganatá sluʼuvgha ghuni katsi, dzaʼa nzakway kuni nda hafu.

2Kwa 5:20

Kristi ta ghunaftá aŋni ŋa kla lwa gwaɗa ni. Lazglafta ka ghəŋa ni ta haga mnduha nda ma wa ŋni. Ma hga Kristi, ta ndəɓa dzvu yu ŋni ŋa ghuni, slərɓapwa slərɓa ta zughu nda Lazglafta.

2Kwa 6:1

Ndanana ná, ta ksa slna aŋni nda Lazglafta. Kdəkwa kdək ta ndəɓa dzvu ŋni ŋa ghuni, ma ganava kuni ta masfa ta zɗakatahuɗa Lazglafta ya zlghaf kuni.

2Kwa 7:1

Zwana ma ɗa, ya mantsa ya ka lu tamaftá imi ta sləməŋ ya ná, suɗapma ghəŋa mu ma skwi dzaʼa ŋəriŋtá vgha mu nda ŋuɗufa mu. Ka kɗanakta mu ta nzakwa mu hezleʼ ma zləŋa Lazglafta.

Galat 5:24

Gwal ta nzakway ka ŋa *Yesu *Kristi ná, dza dza hahəŋ ta udza zləŋay ta skwiha ta kum sluʼuvgha, nda ghwaɗaka skwiha kavghakavgha ta mamə həŋ.

Afisus 2:19

Tsaya tama ná, nza a kuni ka mayəm wu, nza a kuni ka mayəm guli tama wa. Nda nza kuni ndanana tama ka mnda luwa kawadaga nda sanlaha ma mnduha Lazglafta. Nda nza kuni ka mnda huɗa həga.

Afisus 4:1

Ta ghəŋa tsaya tama ta kəl iʼi tsam lu ma gamak ta ghəŋa vəl maganata ɗa ta slna ta Mgham *Yesu *Kristi, ka ndəɓa dzvu da kaghuni kazlay: Nzawa nza ta nzaku tɗukwa manda ya ta raŋtá mnduha Lazglafta, kabga hgaghuna hga Lazglafta ŋa nzaku ka ŋa ni kəʼa ya.

2Tim 2:22

Tsaghu tsa ta vgha nda ghwaɗaka ndanu ya ta kum duhwal ta magay. Zba ta tva maga skwi tɗukwa, nda tva zlghay nda ŋuɗuf, nda tva ɗvu, nda tva zɗaku kawadaga nda gwal nda ghuɓa ŋuɗufa taŋ, ta hga hga Mgham Lazglafta.

Hebru 11:13

Ma zlghay nda ŋuɗuf rwuta həŋ demdem, ta kul mutsaftá həŋ ta magatá tsa skwi tanaf Lazglafta ta imi ta sləməŋ ta həŋ ya. Ama graf gra həŋ kazlay: Dzaʼa magaku tsa skwi ya kəʼa, harharhar ghəŋa taŋ ta ghəŋa ni. Ka graftá həŋ kahwathwata kazlay: Mayəm ŋni ta wawutá wawaku ta na ghəŋa haɗik na kəʼa.

Hebru 6:9

Zwana ma ɗa, aŋ mndani dər má mantsa mnata ŋni ná, da sna aŋni kazlay: Ta ŋərma tvi ta nzakway ka tva mbaku ya kaghuni kəʼa.

Yakubu 4:1

Nu ta klaktá lmu nda zlərɗa wi mataba ghuni na? Vəl haraʼuwa skwiha kavghakavgha, ta za vgha ma vgha ghuni ya.

1 Piyer 1:1

Iʼi *Piyer ghunatá mnda *Yesu *Kristi ta vinda na ɗelewer na ŋa zabatá mnduha Lazglafta ta wutsatá vgha ta nzaku ka mayəm ta haɗika Puŋ nda Galat, nda Kapadus, nda Asiya, nda ya ta haɗika Bitani.

1 Piyer 1:17

Ka ta hgay kuni ma duʼa ghuni ka « Da » ta Lazglafta, ya ta tsa guma ta ghəŋa inda mndu taɓta slna ni maga tsi kul gala mndu nda gala ya, nzawa nza nda zləŋay ma na nzakwa ghuni tata na ghəŋa haɗik na.

1 Piyer 4:12

Zwana ma ɗa gwal ta ɗvu yu, yaha kuni da ndərmima ghuya ɗaŋwaha ya ta fwaghunata da nzaku tsi ka skwa madukwa da kaghuni.

1 Piyer 4:2

Ma na pɗakwa fitik ŋa zay ghuni nda hafu ta na ghəŋa haɗik na ná, nzawa nza ta nzaku manda ya ta zɗəganatá Lazglafta, manda ya ta haraʼu sluʼuvgha ya a wa.

2 Piyer 3:1

Graha ɗa ya ta ɗvu yu, mahisa ɗelewera ɗa nana vindaghunaf yu na. Ma tsəna ɗelewerha ɗa his vindaghunaf yu na ná, vraftá ya ta vrafta yu ta skwiha ya ghada kuni ta snaŋta, ŋa ndanay ghuni ta ndanu nda tva ni ta ghəŋa taŋ.