1 Piyer 2:1 - Hdi

¹ Hliŋwa hla ta inda ghwaɗaka skwiha ma ŋuɗufa ghuni, ma kuslember kuni ta kuslemberaku, ma pghə kuni ta wirak his ma vu, ma haraʼu kuni ta haraʼuwaku, ma tsanava kuni ta skwi ta mndu guli.

1 Piyer 2:1 ပူးပေါင်းရင်းမြစ်များ

Mata 15:7

Tsa maɗgwirmaɗgwira ghuni ya! Nda tva ni tsa klatá lwa Lazglafta klak Isaya ta ghəŋa ghuni ta mnay kazlay:

Mata 23:28

Manda va tsaya kaghuni guli. Ta nghadaghatá mnduha ta kaghuni ná, manda skwi tɗukwa nzakwa ghuni. Ama ta ghəŋa maɗgwirmaɗgwir, nda kwal kul sna gwaɗa da Lazglafta yeya ma kaghuni.

Mata 24:51

Dzaʼa ɗgapɗga daŋahəga ni həga ni, ŋa tsanaghatani ta guma kawadaga nda la ghwaɗak, ŋa taway tsa kwalva ya ta taw, ka hpaɗa sliʼiŋa ni hada, » kaʼa.

Mata 7:5

Tsa maɗgwirmaɗgwira gha ya. Tiŋəl ká ka kliŋtá dughusl ma ira gha karaku, kada nghaŋta ka ta vli ŋa kligiŋtá slimbitsa udzu ma ira zwaŋama gha. »

Markus 12:15

« Kabgawu ta kəl kuni ka dzəgha iʼi na? » Ka *Yesu zlghanaftá wi ta həŋ, kabga nda sna ta tsa maɗgwirmaɗgwira taŋ ya. « Klagaghawa kla ta tsa kwaɓu ya ka nghanata yu, » kaʼa.

Lukwa 11:44

Ɗaŋwa ŋa ghuni! Manda kulu ta zwaɗuta ta mbaɗ mnduha ta mbaɗa tida kul snaŋta ya kuni. »

Lukwa 12:1

Mataba tsaya, ka tskadaghatá mnduha ta vgha ŋəɗdəm ta vata *Yesu ka ɓisla vgha sani ta vata sani. Ka Yesu nda duhwalha ni mantsa: « Ɗasuwa ka kuni nda Isa la *Farisa ta nzakway ka maɗgwirmaɗgwir ta mag həŋ ya.

Lukwa 6:42

Waká kagha ta mnay ŋa zwaŋama gha kazlay: Yaha ka klighista yu ta hiwir ma ira gha kəʼa, ya ngha a kagha ta dughusl ma ŋa gha iri na? Mndəra wa ni ma maɗgwirmaɗgwir tsa? Kligiŋ kla karaku ta dughusl ma ŋa gha iri, kada nghaŋta ka ta vli ŋa laviŋtá kligiŋtá hiwir ma ira zwaŋama gha. »

Yuhwana 1:47

Nghay Yesu ta lagha ni, « wana vərɗa mnda la Israʼila kul haɗ sana skwi ŋa tsanavata, » ka Yesu nda Natanayel.

La Ruma 1:29

Ndəghundəgha ghwaɗaka skwiha kavghakavgha ta mag həŋ: Ta ŋaslu həŋ, ta tsagana həŋ, ta sidi həŋ, ta draku həŋ, ta psla mndu həŋ, ta zlərɗa wi həŋ, ta tsaghutá mndu həŋ, ka matsaŋwaslay həŋ, ta tsa mndəra mndu həŋ,

1Kwa 14:20

Zwana ma ɗa, ma nza ndana ghuni manda ŋa zwani. Ka təv ghwaɗaka skwi tsi katsi, manda zwani kwitikw kwitikw ka kuni nzata, ama ndana mndərha ka kuni ndanay.

1Kwa 5:8

Ma zə mu ta tsa skala *Pak nda buradi nda is ŋa ghalya mida ya. Tsa is ya ná, maga ghwaɗaka skwi ya. Zama za nda buradi kul haɗ is mida ta nzakway ka vərɗa ni dzeʼdzeʼ ya. Nda ŋuɗuf ya nda ghuɓa, tɗukwa.

2Kwa 12:20

Skwi ta zləŋ yu ma tsa lab dzaʼa lab yu da kaghuni ná, duŋwa yu da kwal kul slafta ta kaghuni mantsa ta kum yu ya, ta slaftá kaghuni ta iʼi mantsa kul kum kaghuni ya ná, ka yu. Ta zləŋay yu ta slanaghata ɗa mataba ghuni ta zlərɗa wi, nda draku, nda gufwatá ŋuɗuf, nda ɗvutá ghəŋ, nda tsanavatá gwaɗa ta mndu, nda tsa mndəra mndu, nda gla ghəŋ, nda hwazlaɓaku.

Afisus 4:31

Hliŋwa dgun ma ŋuɗufa ghuni, zlaŋwa ɓasa ŋuɗuf, zlaŋwa sidi, ma zlərɗ kuni ta wi nda mndu, ma raz kuni ta mndu, yaha kuni da maga dər mndəra wati ma ghwaɗaka skwi.

1Tes 2:3

Gwaɗa ya mnə ŋni ná, haɗ tsakalawi mida wu, haɗ nənɓa kaghuni mida wu, haɗ bara kaghuni mida guli wa.

1Tim 3:11

Mantsa ya miʼaha ta ksa slna ma səla mnduha guli. Ɗina ka nzakwa taŋ. Haɗ wu ka həŋ ta kuslemberaku, zlahafzlaha ka həŋ ta ghəŋa taŋ, ka ŋərma ni ka həŋ nzakway ma inda skwi.

Titus 2:3

Mantsa ka ka da mnanatá la galata miʼaha guli, ŋa magay taŋ ta ŋərma skwi manda ya ta zɗəganatá Lazglafta. Yaha həŋ da tsa mndəra mndu, yaha həŋ da ghuyaku, ka tagha həŋ ta skwi ɗina ɗina ŋa sanlaha.

Hebru 12:1

Tsaya tama, mantsa ya ndəghata tsa masləmtsəkha ta wamafta ya. Pghiŋmapgha ta inda skwi ta ndəgamata ta gərɗa amu, nda dmakuha ta kasa amu, ka hwaya mu ɗina ta vərɗaka hwaya ya mnama Lazglafta ŋa hwayay.

Yakubu 1:21

Tsaya tama, pghiŋwapgha ta inda skwiha ya ta ŋəriŋtá mndu, nda inda ghwaɗaka skwiha. Tsuʼawatsuʼa nda hanata ghəŋ ta gwaɗa ya ŋəɓam Lazglafta ma kaghuni ta laviŋtá mbanafta hafa ghuni.

Yakubu 3:14

Ama ka ndughundughwa ŋuɗufa ghuni nda draku, nda ya nda ɗva ghəŋ katsi, ma ghərɓə kuni ta ghərɓaku ka bətbət, ma tsakalana kuni ta wi ta kahwathwata.

Yakubu 4:11

Ma vazu kuni ta rutsak ta sani nda sani. Mndu ya ta vza rutsak ta zwaŋama, ka ta tsanaghatá guma a tsi ná, ta vza rutsak tsa mndu ya ta zlahu. Ta tsanaghatá guma guli ta zlahu nda tsa. Ala, ka ta tsanagha tsa ka ta guma ta zlahu katsi ná, nza a kagha ka mnda sna zlahu nda tsa wa, ama mnda tsa guma kagha nda tsa.

Yakubu 4:5

Ta grə kuni ná, ka bətbət skwi mna defteri ta mnay kazlay: Ɗvu ɗva Lazglafta katakata ta tsa sulkum fam tsi ma amu ya kəʼa ya ra?

Yakubu 5:9

Zwana ma ɗa, ma ŋaɗə kuni ta ghəŋ ta ghəŋa sani nda sani kada kwala lu tsaghunaghatá guma. Ya wya mnda tsa guma ta wa tgha.

1 Piyer 2:16

Nzawa nza ka gwal flaʼu vgha taŋ. Nziya nza tsi ná, ma nza tsa flauʼwatá vgha ghuni ya, ka skwi ŋa bukwanatá ghwaɗaka skwi. Ama nzawa nza ta nzaku ya ta maraŋtá nzakwa ghuni ka gwal ta ksanatá slna ta Lazglafta.

1 Piyer 2:22

Tsatsi ná, walaŋ a ta gatá dmaku wu, haɗ sana tsakalawi ta sabi ma wa ni wa.

1 Piyer 3:10

Ka lu vindafta ma deftera Lazglafta na: « Ka ta kumay mndu ta zɗakwa nzakwa ni, ka ta kumay mndu ta rfay ni ta rfu ma nzakwa ni, ksanatani ta ghanika ni, zlaŋta ni ta tsakalawi.

1 Piyer 4:2

Ma na pɗakwa fitik ŋa zay ghuni nda hafu ta na ghəŋa haɗik na ná, nzawa nza ta nzaku manda ya ta zɗəganatá Lazglafta, manda ya ta haraʼu sluʼuvgha ya a wa.

1 Piyer 4:4

Ndanana tama, ta ndərmim nda ndərmima gwal kul snaŋtá Lazglafta ta kwalaghuta ghuni ta gugəltá ghəŋ nda həŋ ma tsa nzakwa sliʼiŋsliʼiŋ ya, ka razu həŋ ta kaghuni.

Suna Yuhwana 14:5

Ta sna a lu ta tsakalawi ma wa taŋ wa. Haɗ sana maslivinza ta həŋ guli wa.