1 Piyer 1:6 - Hdi

⁶ Tsaya tama kəl kuni ka nzata nda rfu. Aŋ mndani, ndanana nda ŋəra ŋuɗufa ghuni ŋa fitik kwitikw da skwiha kavghakavgha ta dzəghaghunata.

1 Piyer 1:6 ပူးပေါင်းရင်းမြစ်များ

Mata 11:28

« Saghawa sa da iʼi inda kaghuni gwal nda hərfa da ndəgaku ka mbiʼaghunapta yu ta vgha.

Mata 26:37

Ka klanaʼata tsi i *Piyer nda tsa zwana Zebedi his ya mista ni. Ka tɗata ŋuɗufa ni ka ksay ka zləŋ.

Mata 5:12

Rfawa rfa ta rfu, ka nzata kuni waɗah, kabga mamu nisəla ghuni dagala ta kəzla kaghuni ta luwa. Manda va tsaya ganapta lu ta iri ta anabiha ta tiŋlaghutá kaghuni. »

Lukwa 1:47

Ta taku ŋuɗufa ɗa da rfu ta ghəŋa tsatsi mnda mba iʼi,

Lukwa 10:20

Kulam nda tsa, ma rfu kuni ta rfu kabga snaghunata ghwaɗaka sulkumha ta gwaɗa, rfawa ta rfu ta ghəŋa vindatá hga ghuni ta luwa, » kaʼa nda həŋ.

Lukwa 2:10

« Ma zləŋ kuni ta zləŋ, kabga *Lfiɗa Gwaɗa dzaʼa nzakway ka skwa rfu dagala da inda mnduha sagha yu da mnaghunata.

Yuhwana 16:22

Mantsa ya ta ɓasa kaghuni ndanana guli. Tsaw ta dzaʼa guyaku amu, ŋa rfay ghuni ta rfu. Haɗ mndu dzaʼa laviŋtá klaghutá tsa rfu ya da kaghuni wa.

Yuhwana 16:33

Managhuna mana yu ta inda tsaha ya, kabga ŋa mutsafta ghuni ta zɗaku ma nzakwa guyata vgha ghuni nda iʼi. Dzaʼa ghuyay mnduha ta ghəŋa haɗik ta ɗaŋwa ŋa ghuni. Ka nzata kuni drusa. Iʼi, ghuɓasap ghuɓasa yu ta mbrakwa na ghəŋa haɗik na, » kaʼa.

Slna gwal ghunay 14:22

Ka vlaŋtá həŋ ta mbraku ta tsa gwal zlghay nda ŋuɗuf ya, ŋa dihavata taŋ ma zlghay nda ŋuɗufa taŋ. « Nda ma ghuya ɗaŋwa kavghakavgha dzaʼa lama lu da ga mghama Lazglafta, » ka həŋ, nda həŋ.

La Ruma 12:12

Nzawa nza nda rfu ma fata ghəŋa ghuni. Ksawaksa ta ŋuɗuf ma ghuya ɗaŋwa. Ndiʼawandiʼa ka maga duʼa ma zlaŋ kuni.

La Ruma 5:11

Tsaya kweŋkweŋ yeya a wu, ta ghərɓaku mu ta Lazglafta nda ma Yesu Kristi ta slərɓaptá zughu ndanana mataba mu nda Lazglafta ya.

La Ruma 5:2

Nda ma tsa Yesu Kristi ya mutsafta mu ta zɗakatahuɗa Lazglafta nda ma zlghafta mu nda ŋuɗuf. Ta tsa zɗakatahuɗi ya sladafta amu ka rfu, kabga nda fa ghəŋa mu ta gwata Lazglafta nda amu ma glakwa ni.

La Ruma 9:2

Ta kuzliha kuzla ta ŋuɗufa ɗa katakata, nda ŋəra ŋuɗufa ɗa inda fitik,

2Kwa 4:17

Skwi ta kum yu ta mnay ná, kiʼa yeya na ghuya ɗaŋwa ta ghuy mu ndanana ka tsa glaku dagala ŋa kɗekedzeŋ ta payamata tsa ghuya ɗaŋwa ya ta tvi ŋa mutsay ya.

2Kwa 6:10

Ma skwi má ŋa ɓasay ŋni ta ŋuɗuf ya ná, rfu ŋa aŋni ta rfay. Ka pɗu həŋ, ka lu nda aŋni, tsaw nda ndəgha mnduha ta nanaftá aŋni ka gadghəl. Mamu skwa taŋ ra, ka lu nda aŋni, tsaw ŋa ŋni inda skwi demdem.

Galat 5:22

Ama, wya skwiha ta yaganapta Sulkum nda ghuɓa: Ɗvutá mndu, nzata nda rfu, nzata nda zɗaku, nzata nda ksa ŋuɗuf, nzaku ka ŋərma mndu, maga skwi ɗina, nzaku tɗukwa,

Filip 2:26

Si ta ndanay ta lab da nghaghunaghata manda snaŋta ni kazlay: Snaghunaghasna si kwala ni kul ɗughwanaku kəʼa. Nda sliʼa ghəŋa ni ŋa lab.

Filip 3:3

Katək ná, amu vərɗa gwal ta tsa fafaɗ, ta maga duʼa da Lazglafta nda mbrakwa Sulkum nda ghuɓa, ta ghərɓaku ta Yesu *Kristi. Haɗ amu ta walaŋta faftá ghəŋa mu ta skwi ta magaʼata mnda səla wa.

Filip 4:4

Rfawa ta rfu ma nzatá nzakwa ghuni mamgham *Yesu. Rfawa ta rfu ka yu ta vrəgliŋtá mnaghunata.

1Tes 1:6

Kaghuni, ksaf ksa kaghuni ta saɗa ŋni, nda ŋa Mgham Yesu. Dər má ta ghuya ɗaŋwa kuni katakata, tsuʼaf tsuʼa kuni ta gwaɗa ni nda rfu ma mbrakwa Sulkum nda ghuɓa.

Yakubu 1:2

Zwana ma ɗa, ka slaghunagha sla dər mndərga wati ma ghuya ɗaŋwa tsi katsi, nghawa ngha manda skwa rfu.

Yakubu 1:9

Ka rfa zwaŋama ya ta nzakway ka pɗu ta rfu, kabga nda nza ka mndu nda kapa da Lazglafta.

Yakubu 4:9

Tapafwatapa ma vgha ghuni ta tulekatá kaghuni. Tawawa tawa ta taw, mbəzawambəza ta ima taw. Ka nuna ghuɓasu ta ghuɓasu kuni ka taw. Ka nuna rfu ta rfu kuni, ka ɓasa ŋuɗuf.

1 Piyer 3:17

Ta draŋ ghuya ɗaŋwa ta ghəŋa maga skwi ɗina, ka si mantsa ya kumaŋta Lazglafta, ka ghuyay ta ghəŋa magatá ghwaɗaka skwi.

1 Piyer 4:7

Ndusak ndusa kɗavakta fitika inda skwi. Nzawa nza hzleŋa nda ɗifil ma ghəŋ, ŋa ŋavata ghuni ma maga duʼa.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

1Sam 2:1

Ka magatá Hana ta duʼa, kaʼa mantsa: « Ndəghiɗif ndəgha Yawe ta ŋuɗufa ɗa nda rfu, manda ghwá kapaɗifta Yawe. Nda guna wa ɗa ŋa ghuɓasa ghumaha ɗa, kabga ta rfu yu nda mbaɗifta gha.