1 Piyer 1:3 - Hdi

³ Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,

1 Piyer 1:3 ပူးပေါင်းရင်းမြစ်များ

1Mgh 8:15

Kaʼa mantsa: « Rfu da Yawe, Lazglafta la Israʼila ta mnanata nda wa ni ta da ɗa Dawuda, ka hɗamtá tsi nda mbrakwa ni ta skwi mna tsi. Kaʼa mnuta na:

1Rus 29:20

Tahula tsa, ka Dawuda nda inda guyatá ghəŋ mantsa: « Kdəkwakdək! Rfanaghawa rfa ta Yawe, Lazglafta ghuni, » kaʼa. Ka rfanaghata inda guyatá ghəŋ ta Yawe, Lazglafta dzidzíha taŋ. Ka dzadzatá həŋ ta ghəŋ, ka tsətsəlɓata ta kəma Yawe, nda ya ta kəma mgham.

2Rus 31:8

Ka lagha i Hizkiya nda maliha da naghanatá tsa bguha ya, ka rfu həŋ ta Yawe nda mnduha ni, la Israʼila.

Sabi 34:6

Ka lab Yawe ta kəma Musa. Kaʼa nda lwi dagala dagala mantsa: « Iʼi Yawe! Iʼi Yawe! Lazglafta ta tawa hiɗahiɗa, ta zɗakatahuɗi, haɗ ta ɓasa ŋuɗufa misimmisim wu, dagala zɗaku da tsi, ŋərma ya katakata.

Yunusa 4:2

Ka mag tsi ta duʼa da Yawe, kaʼa mantsa: « Ar Yawe! Nana na a na mnə yu ma nzakwa ɗa tata haɗika ɗa ya kay rki? Tsaya si kəl yu ka kuma hwayaghuta da Tarsis, kabga nda sna yu kazlay kagha ná, Lazglafta ta maga zɗakatahuɗi ka, ta tawa hiɗahiɗa ka, haɗ ka ta ga sidi misimmisim wu kəʼa. Dagala zɗaku da kagha, ta zlaŋ zla ka ta zaɗaku si dzaʼa ka da magay.

Yuhwana 1:13

Nza a həŋ ka zwana ni manda ya ta yagata mnda səla, manda ya ta kum mndu a wu, ama sagha da Lazglafta manda ya ta kum tsatsi.

La Ruma 12:12

Nzawa nza nda rfu ma fata ghəŋa ghuni. Ksawaksa ta ŋuɗuf ma ghuya ɗaŋwa. Ndiʼawandiʼa ka maga duʼa ma zlaŋ kuni.

La Ruma 15:13

Lazglafta ná, Lazglafta ta vla faftá ghəŋ ya. Ka vlaghuna vla tsi ta rfu nda zɗaku ma zlghay ghuni nda ŋuɗuf, kada nzata kuni nda fata ghəŋ nda ma mbrakwa Sulkum nda ghuɓa.

La Ruma 4:25

Lazglafta ta vlatá tsa Yesu ya ma dzva mnduha ŋa dzata ta ghəŋa dmakwa mu. Ka sliʼaganaptá tsi guli ma mtaku ŋa nzakwa mu ka gwal tɗukwa ta wa ira ni.

La Ruma 5:10

Ma fitika nzakwa mu ka ghuma Lazglafta ná, ka slərɓaptá tsi ta zughu mataba mu nda tsi nda ma mtuta mtu zwaŋa ni. Mantsa tama guli ná, ya nda slərɓa zughu mataba mu nda tsi ya, nda fa ghəŋa mu guli kazlay: Dzaʼa mbamaf mba nda ma hafa zwaŋa ni kəʼa.

La Ruma 8:11

Ka si ta nzaku Sulkuma tsa mndu ta sliʼaganaptá Yesu ma mtaku ya ma kaghuni katsi, va tsa mndu ta sliʼaganaptá Kristi ma mtaku ya, dzaʼa vranamtá hafu ma tsa sluʼuvgha ghuni ta mtuta nda ma tsa Sulkuma ni ta nzaku ma kaghuni ya.

La Ruma 8:24

Ma fatá ghəŋa mu mbamafta Lazglafta. Ka nda ghada nghaŋta skwi ya faf lu ta ghəŋ tida ná, fəgla a lu ta ghəŋ tida wa. Tata fay lu ta ghəŋ ta skwi ya ghada lu ta nghaŋta ra?

1Kwa 13:13

Ndanana ná, mamu skwiha hkən ta gɗavata: Mamu zlghay nda ŋuɗuf, nda faftá ghəŋ, nda ɗvu, ama ya ta hemanatá tsa skwiha ya ná, ɗvu ya.

1Kwa 15:20

Na ŋa kahwathwata ná, sliʼagap sliʼa Kristi mataba gwal nda rwa, tsatsi taŋtaŋa mndu ta sliʼagapta. Tsaya ta maraŋta kazlay: Dzaʼa sliʼagap sliʼa gwal nda rwa guli kəʼa.

2Kwa 1:3

Rfamarfa ta Lazglafta Da ni ma Mghama mu *Yesu *Kristi. Dagala tawa hiɗahiɗa da tsa Lazglafta ya. Tsa Lazglafta ta gɗata ta lɓa ŋuɗuf ŋa mu ya.

Galat 6:16

Ka nza zɗakwa Lazglafta nda tawa hiɗahiɗa ni ta ghəŋa inda gwal ta snatá na skwi ta tagh yu na. Mantsa ya guli ta ghəŋa gwal ta nzakway ka vərɗa Israʼila Lazglafta.

Afisus 1:17

Tsatsi ná, Da dagala ya. Ŋa ni ta maganata Mghama mu Yesu Kristi ta slna. Da tsi ta ndəɓa yu ta dzvu ka vlaghunata tsi ta ɗifil dzaʼa kəl kuni ka laviŋtá snaŋtá vərɗa tsatsi.

Afisus 1:3

Zləzlvama Lazglafta ta nzakway ka Da ni mamgham *Yesu *Kristi. Tsatsi ta tfamaghatawi ma vlamata ni ta inda skwi ɗina ɗina daga ta luwa ŋa kataŋtá sulkuma mu. Nda ma ndiʼatá vgha mu nda Yesu Kristi magamata tsi.

Afisus 1:7

Nda usa ni varata tsi ta amu, amu gwal nda ndiʼa nda tsi, ka plimistá tsi ta dmakuha mu. Mantsa ya maramaŋta Lazglafta ta glakwa zɗakatahuɗa ni.

Afisus 2:4

Tsaw Lazglafta ná, dagala tawa hiɗahiɗa ni, ɗvu ɗva ta amu.

Afisus 3:20

Lazglafta ta laviŋtá maga inda skwi demdem. Nda tsa mbrakwa ni ta maga slna ma amu ya, ta laviŋta tsi ta maga inda skwiha ka malaghutá skwiha ya ta ɗawu mu nda skwiha ta ndanu mu tani.

Kwalus 1:23

Gɗavawagɗa ma zlghay nda ŋuɗuf, dihavawa diha ma gigɗava kuni. Ma dgaghu kuni ta vgha nda Lfiɗa Gwaɗa. Tida fatá ghəŋa mu, ka lu mnamata. Tsa Lfiɗa Gwaɗa ya ná, ŋa inda mndu ta ghəŋa haɗik ta mna lu. Nana iʼi Pwal na ná, mna tsa Lfiɗa Gwaɗa ya slna ɗa.

Kwalus 1:27

Ta kumay ta snaŋta taŋ ta glakwa tsa gadghəla ni nda ɗifa ta wuɗaku, ya payana tsi ŋa inda gwal kul nzakway ka la *Yahuda ya. Tsa ɗifatá skwi ya ná, Kristi ya ma ŋuɗufa ghuni. Nda ma tsatsi fafta kuni ta ghəŋa nzata kawadaga nda tsi ma glakwa Lazglafta.

1Tes 1:3

Ta gɗa gɗa ŋni guli ta havakta ta kəma Lazglafta Da ŋni ta slna zlghay nda ŋuɗufa ghuni, nda yifatá slna ta mag kuni, kabga ɗvafta ya ɗvaf kuni nda dihata fatá ghəŋa ghuni ta Mgham *Yesu *Kristi.

1Tes 4:13

Zwana ma ɗa, ta kumay yu ta snaŋta ghuni ta skwi ta ghəŋa gwal nda rwa, da nzatá kuni sasuʼanaka manda gwal ta kul faftá ghəŋa taŋ ta *Yesu.

2Tes 2:16

Ta maga duʼa yu da Mghama mu Yesu Kristi tsatsi ka ghəŋa ni, nda ya da Da mu Lazglafta ya ta ɗvutá amu, ya ta zɗaŋtá huɗi ka lɓamatá ŋuɗuf ŋa kɗekedzeŋ, nda skwi faf mu ta ghəŋ tida.

1Tim 1:14

Ka zɗəɗiŋtá Mghama mu ta huɗi katakata, ka vlihatá zlghay nda ŋuɗuf, nda ɗvu ya ta mutsu lu ma guyatá vgha nda Yesu Kristi.

Titus 2:13

ma na nzakwa mu ta kəzla ŋərma fitik faf mu ta ghəŋ tida dzaʼa maravata glakwa Lazglafta dagala, ta nzakway ka *Yesu *Kristi mnda mba amu ya,

Hebru 3:6

*Kristi ná, zwaŋ ta nzanaghata ta ghəŋa həga ya. Amu tsa həga ni ya, ka gɗanagɗa mu ta ŋanatá zlghay nda ŋuɗufa mu, ka ghərɓay mu ta ghərɓaku ma fatá ghəŋa mu.

Yakubu 1:18

Tsatsi ka ghəŋa ni ta ɗvutá vlamata hafu nda ma gwaɗa ni ta nzakway ka kahwathwata, kada nzakwa mu ka taŋtaŋa ni mataba skwiha ya zlaganap tsi.

1 Piyer 1:13

Tsaya tama, payavawa paya ŋa ksa slna, nzawa nza nda fata ghəŋ hzleŋa. Fafwa fa ta ndana ghuni ta zɗakatahuɗi ya dzaʼa vlaghunata lu baɗu zlagapta *Yesu *Kristi.

1 Piyer 1:21

Nda ma tsatsi zlghafta kuni ta Lazglafta ya ta sliʼaganapta ma mtaku mataba gwal nda rwa, ka vlaŋtá glaku. Tsaya kəl kuni ka zlghafta, ka faftá ghəŋa ghuni ta Lazglafta.

1 Piyer 1:23

Mantsa ya tama ná, nda sna kuni kazlay: Nda ya yakwa mahisa ghuni nda mbrakwa gwaɗa Lazglafta ya ta vla hafu ta nzaku ŋa kɗekedzeŋ kəʼa. Lazglafta ya kul haɗ ta mtavata ta vlaghunatá tsa hafu ya, ya ta mtaku a wa.

1 Piyer 2:2

Manda zwaŋa vziʼuwa ta mama uʼa da ma ni ya, mantsa ya ka kaghuni guli mama vərɗa gwaɗa Lazglafta ŋa glay ghuni ta glaku nda tsi, ŋa mutsay ghuni ta mbaku ŋa ɗekɗek.

1 Piyer 3:15

Fafwa fa ta ghəŋa ghuni ta *Yesu *Kristi turtukwa ni, ka ga tsi ta mgham ma ŋuɗufa ghuni. Fata kaghuni ta ghəŋa ghuni ŋa ghuni ŋa zlgha wi da inda gwal ta ɗawaghunata ka kabgawu kəl kaghuni ka faftá ghəŋa ghuni ta Yesu Kristi.

1 Piyer 3:21

Tsa imi ya ná, gray nda batem ta mba kaghuni gitana ya. Rɗak ta vgha a ta ghuɓu na batem wa. Magaftá batem ná, vlaŋta mu ta ghəŋa mu ta Lazglafta nda vərɗa ŋuɗufa mu ya. Ndana guli, ta mbay batem ta kaghuni nda ma sliʼagapta Yesu Kristi ma mtaku.

1 Piyer 3:5

Ghalya, mantsa ya si ta rka miʼaha ta fafta ghəŋ ta Lazglafta ta rka, ma haniŋta taŋ ta ghəŋa taŋ mista zəʼalha taŋ.

1 Yuhwana 2:29

Ka si nda sna kuni kazlay: Tɗukwa mndu *Yesu *Kristi kəʼa, nda ra guli ka snaŋta ghuni kazlay: Gwal ta maga skwi tɗukwa ná, zwana Lazglafta həŋ kəʼa.

1 Yuhwana 3:3

Ka si mantsa tsi katsi, inda mndu ta faftá ghəŋa ni ta Kristi ná, dzaʼa waray ta ghəŋa ni da dmaku manda ŋa Kristi kul gatá dmaku ya.

1 Yuhwana 3:9

Dər wati ma mndu ta nzakway ka Zwaŋa Lazglafta, haɗ ta ga dmaku wu, kabga mamu Sulkuma Lazglafta ma ŋuɗufa ni. Haɗ ta kɗaŋtá maga dmaku ɗekɗek wu, kabga nda nza Lazglafta ka Da ni.

1 Yuhwana 4:7

Zwana ma ɗa gwal ɗvu yu, gɗamagɗa ta ɗvutá sani nda sani. Tva ɗvutá mndu ná, ta sagha daga da Lazglafta. Inda mndu ta ɗvutá mndu guli ná, nda na tsa mndu ya ka Zwaŋa Lazglafta, nda sna ta Lazglafta guli.

1 Yuhwana 5:1

Dər wati ma mndu ta zlghaftá mnay kazlay: *Yesu ná, *Kristi ya kəʼa, tsa mndu ya ná, nda na ka Zwaŋa Lazglafta. Ka ɗvu ɗva tsa mndu ya ta Da ni Lazglafta katsi ná, dzaʼa ɗvu ɗva guli ta zwana Lazglafta.

1 Yuhwana 5:18

Nda sna amu kazlay: Dər wati ma mndu ta nuta ka Zwaŋa Lazglafta ná, haɗ ta gəgəltá dmaku wa. Zwaŋa Lazglafta ta nghay, laviŋ a halaway ta ksaŋta wa.

1 Yuhwana 5:4

Inda zwana Lazglafta ná, ghuɓasap ghuɓasa həŋ ta ghəŋa haɗik. Nda ghuɓasa ghəŋa haɗik, kabga nda fa ghəŋa mu ta Yesu Kristi.