1 Piyer 1:12 - Hdi

¹² Ka snanamtá Lazglafta ta tsa la anabi ya kazlay: Ka ŋa taŋ a tsa gwaɗa ya wu, ka ŋa ghuni nzakwa ni kəʼa. Ndanana, mnaghuna mna gwal ta mna *Lfiɗa Gwaɗa ta tsa skwiha ya. Nda mbrakwa Sulkum nda ghuɓa ghunagata Lazglafta snaghunamtá həŋ ta tsa gwaɗa ya. Tsa gwaɗa ya guli ná, kumaŋ kuma duhwalha Lazglafta ta snaŋta.

1 Piyer 1:12 ပူးပေါင်းရင်းမြစ်များ

Sabi 25:20

Ka zlatagata tsa kerubaha ya ta zlambak nda ta luwa, ka bukwanaghatá tsa paɗuwi ya nda tsa zlambakha taŋ ya, ka nzata taŋ mbəŋ ya mbəŋ ya, ka dzadzagatá ghəŋ nda təv tsa paɗuwa vla pla dmaku ya.

Danyel 10:1

Ta mahkəna vakwa mgham Sirus ta ga mgham ma Persiya, ka lagha sana gwaɗa da Danyel ta hgə lu ka Beltəsaʼtsar. Tsa gwaɗa ya ná, kahwathwata nzakwa ni: Dagala hwazlaɓaku ta mar tsi. Ka snaŋtá ta tsa gwaɗa ta lagha da tsi ya nda ma skwi manda suni.

Danyel 12:13

Kagha Danyel, ŋava ŋa ha ka sagha kɗavakta ŋa gha. Dzaʼa mutsay ka ta mbiʼa vgha. Dzaʼa sliʼagap sliʼa ka da tsuʼa nisəla gha ma kɗavakta fitik, » kaʼa.

Danyel 12:9

Kaʼa nda iʼi mantsa: « La, kabga dzaʼa nda ɗifa na gwaɗa na, nda ŋərzla ha ka sagha kɗavakta tsa fitik ya.

Danyel 2:19

Ta tsa rviɗik ya, ka maranaŋtá Lazglafta ta tsa skwi nda ɗifa ya ta Danyel girviɗik manda skwi ma suni. Mbaɗa Danyel ka zləzləva Lazglafta ta luwa,

Danyel 2:22

Tsatsi ta marigiŋtá skwiha nda la, nda skwiha ya nda ɗifa tani. Nda sna tsatsi ta skwiha nda ɗifa ma grum, mamu tsuwaɗak ta wanaftá tsatsi.

Danyel 2:47

Ka mgham nda Danyel guli mantsa: « Mantsa nzakwa ni, malaghu mala Lazglafta ghuni ta inda lazglaftaha. Tsatsi mgham Lazglafta ta ghəŋa mghamha. Ta marigiŋ mara ta skwiha nda ɗifa, kabga kligiŋtá kagha ta tsa suna ɗa nda ɗifa ya, » kaʼa.

Danyel 8:13

Ka snaŋtá yu ta sana mndu nda ghuɓa ta gwaɗa. Ka sana mndu nda ghuɓa guli nda tsa ta gwaɗata ya mantsa: « Tsa skwiha ta maravata manda skwi ma suni ya ní, kidaghi fitik dzaʼa magata tsi na? Ŋa kulam yawu dzaʼa hərɗiŋta lu ta tsa skwa pla ghəŋ ta plə lu inda fitik ya na? Tsa ghwaɗaka slna ta zaɗanatá inda skwi ya ní, ŋa kulam yawu dzaʼa nzəɗavatá tsi na? Ŋa kulam yawu dzaʼa diŋlanapta lu ta vli ya nda ghuɓa, nda gwal vulu ta luwa tani na? » kaʼa.

Danyel 9:24

Tsanaf tsa Lazglafta ta luma ndəfáŋ mbsak ta mnduha gha, nda ya ŋa luwa gha nda ghuɓa. Ɗina tsa fitik ya, ŋa hluta ghwaɗaka skwi, ŋa kwala dmaku kul haɗ, ŋa slərɓaptá zughu ma krughuvi ŋa klaktá nzaku tɗukwa ŋa ɗekɗek, ŋa ŋərzlanatá tsa skwi manda skwi ma suni, nda gwaɗa ya mna la anabi ya, ŋa fəglaghutá nda ma pghanaghatá rɗi ta tsa vli ta ghuɓuta ya.

Mata 11:25

Ma va tsa fitik ya, ka *Yesu mantsa: « Ta rfay yu ta kagha Da, Mghama luwa nda haɗik tani, kabga ɗifana ɗifa ka ta na skwiha na da gwal nda ɗifil ma ghəŋa taŋ, nda gwal nda sna ta skwi, ka maranatá ka ta zwani.

Mata 11:27

« Da ɗa ta vliha ta inda skwi. Haɗ sana mndu nda sna ta Zwaŋ wa, ba Da yeya nda sna. Haɗ sana mndu nda sna ta Da guli wa, ba Zwaŋ yeya nda sna, nda mndu ta kum Zwaŋ ta maranata, » kaʼa.

Mata 16:17

Ka Yesu nda tsi tama mantsa: « Simuŋ zwaŋa Zunas, nda tfa wi ta ghəŋa kagha, kabga mnda səla a ta mnaghatá tsa gwaɗa ya wu, Da ɗa ta nzakway ta luwa ya.

Markus 16:15

Kaʼa nda həŋ tama mantsa: Lawa la ta ghəŋa haɗik tender, ka mna kuni ta *Lfiɗa Gwaɗa Lazglafta ŋa inda mnduha.

Lukwa 15:10

Ka yu ta mnaghunata ná, dzaʼa malaghu mala rfu da duhwalha Lazglafta ta ghəŋa mnda dmaku turtuk ta mbəɗanaftá nzakwa ni, » kaʼa.

Lukwa 2:26

Si mnanaŋ mna Sulkum nda ghuɓa kazlay: Haɗ dzaʼa mtuta karaku ka ta ngha a tsi ta ghunatá mnda Lazglafta ta nzakway ka *Kristi wu kəʼa.

Lukwa 9:6

Ka sliʼaftá həŋ ka laghu da ra luwaha, ka mna *Lfiɗa Gwaɗa, ka mbamba gwal kul ɗughwanaku ma inda vli.

Yuhwana 15:26

« Tsa mnda kata kaghuni dzaʼa saha ya, Sulkum ta kligiŋtá kahwathwata ya dzaʼa saha daga da Da. Dzaʼa mnay ta gwaɗa ta iʼi.

Slna gwal ghunay 10:44

Tata mna tsa gwaɗaha ya *Piyer, ka saha Sulkum nda ghuɓa ta ghəŋa inda tsa gwal ta sna tsa gwaɗa ya.

Slna gwal ghunay 16:10

Tahula fanaghata tsa suni ya ta Pwal, ka gi psə ŋni ta tva dzaʼa da Mekaduniya, kabga graf gra ŋni kazlay: Ta hga aŋni Lazglafta ŋa kla *Lfiɗa Gwaɗa da hada kəʼa.

Slna gwal ghunay 2:33

Ka kapanaftá Lazglafta ka nzanata nda ga zeghwa ni. Ka zlghafta tsi da Da ta tsa Sulkum nda ghuɓa tamaf lu ta imi ta sləməŋ ya, ka pghaŋnaghatá tsi. Tsaya skwi ta nghə kuni nda ya ta snə kuni ndanana ya.

Slna gwal ghunay 4:31

Manda kɗakwa taŋ ta ndəɓatá tsa dzvu ya, ka ghudzavaftá tsa vli tskava həŋ ya. Ka ndəghaftá həŋ demdem nda Sulkum nda ghuɓa, ka mnə həŋ ta gwaɗa Lazglafta nda tatá us ta iri.

Slna gwal ghunay 4:8

Piyer ya tani, nda ndəgha tsatsi nda Sulkum nda ghuɓa. Kaʼa nda həŋ mantsa: « Ariwa gwal dagala dagala ta ghəŋa mnduha, nda la galata mndu!

Slna gwal ghunay 8:25

Tahula mnaŋta taŋ ta gwaɗa ta ghəŋa Yesu Kristi nda gwaɗa ni tani, ka vraghatá həŋ da luwa Ursalima ka dzaʼa nda mna gwaɗa ma ndəghata sana luwaha ta haɗika Samari.

La Ruma 1:15

Tsaya tama ta kəl yu ka kuma ɓhadaghata ɗa da kaghuni ta nzakway ma luwa Ruma guli ŋa mnaghunatá Lfiɗa Gwaɗa.

La Ruma 1:17

Tsa Lfiɗa Gwaɗa ya ta maray kinawu ká Lazglafta ta nanaftá mnduha ka gwal tɗukwa tawa ira ni zlghafər həŋ. Haɗ sana tvi wu, ta ghəŋa tsa zlghay nda ŋuɗuf ya kweŋkweŋ. Nda nza manda ya nda vinda ma deftera kazlay: Mndu ta zlghafta Lazglafta ná, tsaya mndu tɗukwa tawa ira Lazglafta, tsa mndu ya guli dzaʼa nzata nda hafu kəʼa.

La Ruma 10:15

Kinawu ka gwal ta mnay dzaʼa mnaŋta ka ghunaf a lu ta həŋ guli? Nda vinda ma deftera Lazglafta kazlay: Ngha ɓa ta waɗahata vgha mndu ta ghəŋa gwal ta klədanaghatá Lfiɗa Gwaɗa ta həŋ kəʼa.

La Ruma 15:19

Nda ya nda ma mazəmzəmha nda mandərmimiha, nda mbrakwa Sulkuma Lazglafta magata tsi. Zlraf ma luwa Ursalima yu ta tuza tsa *Lfiɗa Gwaɗa ta Kristi ya ka laghu dikw ta haɗika Iliri.

1Kwa 2:10

Ŋa aŋni maraŋnaŋta Lazglafta ta tsa skwi ya nda ma Sulkuma ni. Sulkum ná, nda sna ta inda skwi, nduk nda kɗavakta skwi ma ndana Lazglafta.

2Kwa 1:22

ka tahamaftá tsi ta ŋizla ŋa maraŋtá kazlay: Ŋa ni amu kəʼa. Tsaya ta nzakway ka Sulkum nda ghuɓa famam tsi ma ŋuɗufa mu ŋa gramaftá skwiha ɗina ɗina dzaʼa tsi magay ŋa mu dazlay.

2Kwa 6:6

Ta maray ŋni ta nzakwa ŋni ka gwal kul haɗ sana skwi ŋa tsanavata, ka gwal nda sna ta skwa Lazglafta, ka gwal ksa ŋuɗuf, ka gwal maga zɗaku, ka gwal nda Sulkum nda ghuɓa ma həŋ, ka gwal ta ɗvutá mndu nda ŋuɗuf turtuk.

Galat 1:12

Manda va tsaya ná, snaŋ da mndu a yu wu, mndu a guli ta taghaɗifta wa. *Yesu *Kristi ka ghəŋa ni ta guniɗiŋta.

Galat 1:16

Ka sniɗimtá tsi ta zwaŋa ni ŋa dzaʼa ɗa mna gwaɗa ta ghəŋa ni ŋa gwal kul nzakway ka la Yahuda. Ma tsa fitika sniɗimta ni ya, gi sliʼaf a yu ka laghu ɗawaŋtá hiɗaku da mndu wa.

Afisus 3:10

Ndanana ka zlaganaptá Lazglafta nda ma mnduha ni ŋa nghaŋta gwal dagala dagala nda gwal nda mbra nda mbra ta luwa ta guyatá vgha mnduha ni, ŋa snaŋta taŋ ta nzakwa ɗifila Lazglafta kavghakavgha.

1Tes 2:9

Zwana ma ɗa, ta havak hava kuni ta datá vgha ŋni ka maga slna da kaghuni. Si ta ksay ŋni ta slna nda rviɗik tani, nda fitik tani, kada kwala ŋni da ghuyanaptá ɗaŋwa ta dər wati mataba ghuni, nda skwi ŋa zay ŋni ta mnə ŋni ta Lfiɗa Gwaɗa ta sagha da Lazglafta ŋa ghuni.

1Tim 3:16

Manda va tsaya ná, dagala nzakwa skwi ya nda ɗifa payaf Lazglafta, ta nzakway ka Kristi ya zlghaf mu. Marigiŋ mara Lazglafta ka mnda səla. Tɗukwa nzakwa ni, ka Sulkum nda ghuɓa maraŋta. Nda ngha duhwalha Lazglafta, ka mnə lu ta gwaɗa tida, ŋa inda gwal kul nzakway ka la Yahuda. Ka zlghaftá mnduha ma inda vli ta ghəŋa haɗik. Ka klaghatá Lazglafta ta luwa da vla glakwa ni.

Hebru 11:13

Ma zlghay nda ŋuɗuf rwuta həŋ demdem, ta kul mutsaftá həŋ ta magatá tsa skwi tanaf Lazglafta ta imi ta sləməŋ ta həŋ ya. Ama graf gra həŋ kazlay: Dzaʼa magaku tsa skwi ya kəʼa, harharhar ghəŋa taŋ ta ghəŋa ni. Ka graftá həŋ kahwathwata kazlay: Mayəm ŋni ta wawutá wawaku ta na ghəŋa haɗik na kəʼa.

Hebru 2:4

Ka ŋlanaghatá Lazglafta ka ghəŋa ni guli ta tsa gwaɗa taŋ ya, nda ma maga ŋizlaha, nda ma skwiha ka mandərmimi, nda mazəmzəmha kavghakavgha. Dəganafha Sulkum nda ghuɓa ta slna ta mnduha ŋa maga skwiha kavghakavgha manda ya kumaŋ tsi guli.

Hebru 4:2

Guli ná, mnamamna lu ta *Lfiɗa Gwaɗa manda va ya mnana lu ta dzidzíha mu ghalya. Ama kataŋ a tsa gwaɗa mnana lu ta həŋ ya ɗekɗek wa. Manda snaŋta taŋ ta tsa gwaɗa ya, ka kwalaghutá həŋ ta zlghafta nda ŋuɗufa taŋ.

1 Piyer 1:25

Ama gwaɗa Lazglafta ná, ŋa kɗekedzeŋ nzakwa ni, » kaʼa. Tsa gwaɗa ya ná, tsaya Lfiɗa Gwaɗa ya mnaghuna lu.

1 Piyer 4:6

Tsaya kəl lu ka mnanatá *Lfiɗa Gwaɗa ta dər gwal nda rwa, ŋa nzakwa taŋ nda hafu manda ya ta kum Lazglafta nda ma Sulkum dər má tsanagha tsa Lazglafta ta guma ta həŋ ma ghəŋa haɗik, manda va ŋa hamata mnda səla.

Suna Yuhwana 5:11

Ka nghaŋta yu ta ŋəɗdəma ta duhwalha Lazglafta kul laviŋta lu ta mbəɗafta ta wanafta tsa dughuruk ya, nda tsa skwiha nda hafu ma həŋ ya, nda tsa galata mnduha ya tani. Ka fə həŋ ta laha.