1 Piyer 1:1 - Hdi

¹ Iʼi *Piyer ghunatá mnda *Yesu *Kristi ta vinda na ɗelewer na ŋa zabatá mnduha Lazglafta ta wutsatá vgha ta nzaku ka mayəm ta haɗika Puŋ nda Galat, nda Kapadus, nda Asiya, nda ya ta haɗika Bitani.

1 Piyer 1:1 ပူးပေါင်းရင်းမြစ်များ

Asta 3:8

Ka Haman nda mgham Ahasverus mantsa: « Mamu sana mndəra mndu, ta wiɗamtá vgha mataba mndəra sanlaha ma mnduha, ma inda haɗikha ta gə ka ta mgham. Tskəm ŋa taŋ ma nzaku, nda dga ŋa taŋ ma zlahu nda ŋa sanlaha ma mndəra mnduha. Haɗ həŋ ta sna zlaha mgham wa. Ra a ka zlaŋta mgham ta həŋ ka gɗata taŋ ta magay mantsa ya wa.

La Levi 26:33

Kaghuni, dzaʼa wutsighunis wutsa yu ma səla mndəra sanlaha ma mnduha, ŋa zbighunista ɗa nda tsəhatá kafay, ŋa nuta haɗika ghuni ka zivak, nuha luwaha ghuni ka kufik.

Mata 10:2

Wya hga tsa gwal ghwaŋpəɗ his ya: Taŋtaŋa ni, Simuŋ ta hgə lu ka *Piyer, nda Andre ta nzakway ka zwaŋama ni, nda Yakubu zwaŋa Zebedi, nda Yuhwana ta nzakway ka Zwaŋama ni,

Mata 24:22

Ka má haɗ ka Lazglafta ta htanaktá tsa fitik ya wu, ma haɗ mndu dzaʼa ndapta wa. Ama kabga gwal ya zabap tsi, ka htanaktá tsi ta tsa fitik ya.

Mata 4:18

Ta wawakwa ni *Yesu ta wa drəfa Galili, ka nghaŋtá tsi ta zwanamaha his, i Simuŋ ta hgu lu ka *Piyer ya nda zwaŋama ni Andre. Ta wɗa kadəŋa taŋ həŋ da drəf ŋa tuma klipi kabga tuma klipi slna taŋ.

Lukwa 18:7

Lazglafta yeya dzaʼa kwal kul maganatá zɗaku ta mnduha ni ta wahu da tsi gifitik nda rviɗik tani ŋa gərɗa həŋ rki na?

Yuhwana 11:52

Ŋa la Yahuda nda ghəŋa taŋ a wu, nda nza guli ŋa tskanatá inda zwana Lazglafta ta wiɗatá vgha.

Yuhwana 7:35

Ka la *Yahuda mantsa: « Dzaʼa laghu diga ŋa kwala mu kul slanaghata na? Dzaʼa laghu da taba la Yahuda ta wiɗamtá vgha ma səla la *Grek, ka tagha skwi ŋa la Grek rki na?

Slna gwal ghunay 18:2

Hada, ka guyatá tsi nda sana mnda la *Yahuda ta hgu lu ka Akilas, ya lu ta haɗika Puŋ. Sliʼafta ni yeya ta haɗika Italiya kawadaga nda markwa taŋ Priskila, kabga ka sliʼap sliʼa inda la Yahuda ta haɗika Ruma ka mgham Klawdi mnata. Ka guyaftá Pwal ta vgha nda həŋ.

Slna gwal ghunay 18:23

Tahula nzɗavatani gerger ma luwa Aŋtakiya ta haɗika Siri, ka sliʼaftá tsi ka laghu da ranaftá haɗika Galat, nda haɗika Frizi, ka vla mbraku ŋa inda gwal zlghay nda ŋuɗuf.

Slna gwal ghunay 19:10

His vakwa taŋ ta taghay. Ma tsaya snaŋta inda gwal ta nzakway ta haɗika Asiya, daga la Yahuda, nda la *Grek tani ta gwaɗa Mgham Lazglafta.

Slna gwal ghunay 6:9

Ka sliʼavaftá sana mnduha, ka zlərɗa wi nda Atiyen. Tsa mnduha ya ná, gwal ta nzakway ma həga tagha skwa la *Yahuda həŋ. « Gwal hlap lu ma ga vuʼa, » i la Sireŋ, nda la Alegzandri, nda la Silisi, nda la Asiya, həŋ.

Slna gwal ghunay 8:4

Tsa gwal ta gazlaghuta ya ná, ra luwa ŋa taŋ ta magay ka mna gwaɗa ta ghəŋa *Lfiɗa Gwaɗa.

1Kwa 16:19

Ta ga zgu *Igliz ta haɗika Asiya ŋa ghuni. Ta ga zgu i Akilas nda Priskila nda Igliz ma həga ga taŋ tani ŋa ghuni katakata, ma hga Mgham Yesu.

2Kwa 1:8

Aŋi zwana ma, va a aŋni ta kwala ghuni kul snaŋtá ghuya ɗaŋwa ghuy ŋni katakata ta haɗika Asiya wa. Fərtu fərta tsa ghuya ɗaŋwa ya ka malaghuta mbrakwa ŋni. Graf a aŋni kazlay: Si ta dzaʼa nza nza ŋni da hafu kəʼa wa.

Galat 1:2

Ta ga zgu inda zwana ma ta nzaku kawadaga nda iʼi hadna, ŋa inda kaghuni gwal zlghay nda ŋuɗuf ta haɗika Galat.

Afisus 2:12

Havakwahava kazlay: Ma tsa fitik ya ná, sna a kuni ta Kristi wu kəʼa. Nza a kuni tekw mataba mnduha ta haɗika Israʼila wa. Tekw a kaghuni mataba gwal dzraf Lazglafta ta wi nda həŋ ka tanaftá imi ta sləməŋ ta həŋ ya wa. Ma nzakwa ghuni ma na ghəŋa haɗik na ná, haɗ skwi faf kuni ta ghəŋ tida wu, sna a kuni ta Lazglafta guli wa.

Afisus 2:19

Tsaya tama ná, nza a kuni ka mayəm wu, nza a kuni ka mayəm guli tama wa. Nda nza kuni ndanana tama ka mnda luwa kawadaga nda sanlaha ma mnduha Lazglafta. Nda nza kuni ka mnda huɗa həga.

Vrafta ta zlahu 28:64

Dzaʼa wutsighunis wutsa Yawe da taba inda mndəra mnduha, daga ta kɗavakta haɗik dikw ta sana kɗavakta ni. Hada, dzaʼa magana maga kuni ta slna ta sanlaha ma lazglaftaha, kul snaŋta kuni dər dzidzíha ghuni, ka udzu nda ya ka pala.

Vrafta ta zlahu 32:26

Ka yu sizlay na: Dzaʼa ɓalanap ɓala yu ta həŋ, ka magata ɗa ŋa zanaptá həŋ ta haɗik, ka yu,

Vrafta ta zlahu 4:27

Dzaʼa wutsighunis wutsa Yawe mataba mndəra sanlaha ma mnduha, ŋa pɗata ghuni ŋuleŋ ma səla mndəra mnduha dzaʼa kasaghata Yawe ta kaghuni da taba taŋ.

2Tim 1:15

Nda sna ka kazlay: Zliɗiva zla inda gwal ta haɗika Asiya kəʼa. Tekw i Fizel nda Hermuzena mataba taŋ.

Hebru 11:13

Ma zlghay nda ŋuɗuf rwuta həŋ demdem, ta kul mutsaftá həŋ ta magatá tsa skwi tanaf Lazglafta ta imi ta sləməŋ ta həŋ ya. Ama graf gra həŋ kazlay: Dzaʼa magaku tsa skwi ya kəʼa, harharhar ghəŋa taŋ ta ghəŋa ni. Ka graftá həŋ kahwathwata kazlay: Mayəm ŋni ta wawutá wawaku ta na ghəŋa haɗik na kəʼa.

Yakubu 1:1

Iʼi Yakubu ta nzakway ka kwalva i Lazglafta nda Mgham *Yesu *Kristi, ta ga zgu yu ŋa ghuni mndəra mnduha Ghwaŋpəɗ his ta wutsa ta vgha ta ghəŋa haɗik.

1 Piyer 2:11

Zwana ma ɗa gwal ta ɗvu yu nda ŋuɗufa ɗa, ɗina ka snaŋta ghuni kazlay, manda mayəm nzakwa ghuni, gɗavata a kuni ma na ghəŋa haɗik na wu kəʼa. Tsaya ta kəl yu ka vla mbraku ŋa ghuni, ka wara kuni ta skwi ya ta haraʼuwa kaghuni. Ya hafa ghuni ta zbə tsa skwiha ya.

2 Piyer 1:1

Iʼi Simuŋ *Piyer ta nzakway ka kwalva nda ya ka ghunatá mnda *Yesu *Kristi ta vinda na ɗelewer ná, ŋa gwal ta mutsaftá zlghay nda ŋuɗuf ka guram nda va ŋa ŋni, nda ma zɗakwa Lazglafta nda Yesu Kristi.

Suna Yuhwana 1:11

Kaʼa mantsa: « Klaf kla ta ɗelewer ka vindamta ka mida ta skwi nghaŋ ka. Ka tsaghanafta ka ta ghuɓa Iglizha ndəfáŋ, ta nzakway ka luwa: Afisus, Samirna, Pergam, Tiyatir, Sardis, Filadelfi nda Lawdikiya, » kaʼa. Na snaŋta ɗa ta tsa lwi ya,