1Tim 6:18 - Hdi

¹⁸ Mnana mna ta həŋ ka maga həŋ ta zɗaku. Ka sganaghata həŋ ta maga skwiha ɗina ɗina. Mnana mna ta həŋ ka muvla həŋ ta muvla, ka vla həŋ ta skwi ŋa kataŋtá sanlaha nda tsi.

1Tim 6:18 ပူးပေါင်းရင်းမြစ်များ

2Rus 24:16

Ka paɗamtá lu ma luwa Dawuda ta vata mghamha, kabga maga maga ta skwi zɗaku ma Israʼila, ŋa vlaŋtá sgit ta Lazglafta nda ya ŋa həga ni.

Mata 5:42

Ka ɗawaŋ ɗawa mndu ta skwi da kagha vlaŋ vla gha. Ka lagha la mndu da ɓla nzawa da kagha, ma sɗanaf ka. »

Lukwa 12:21

Ka Yesu sganaghata mantsa: « Tsaya skwi ta magaku nda mndu ta tskanatá skwi ta ghəŋa ni, ka zlaŋtá tskanatá skwi ta ghəŋa ni da Lazglafta, » kaʼa.

Lukwa 3:11

Kaʼa nda həŋ mantsa: « Mndu ya his lgut da tsi, ka dganapdga tsi nda mndu ya kul haɗ tsi da tsi. Mndu ya mamu skwa zay da tsi guli, ka maga tsi mantsa ya, » kaʼa.

Slna gwal ghunay 10:38

Nda sna kuni ka Lazglafta pghəganaghatá mbrakwa Sulkum nda ghuɓa ta Yesu Kristi mnda la Nazaret. Nda sna kuni guli ka Yesu ranaftá inda vli ka maga zɗaku, ka mbamba gwal ghurgana halaway ta həŋ, kabga kawadaga Lazglafta nda tsi.

Slna gwal ghunay 11:29

Ka gwal zlghay nda ŋuɗuf sladanata mantsa: « Inda mndu, ka vla tsi ta skwi ya laviŋ tsi ta vlay ŋa tsghay ŋa kata zwana ma ta nzaku ma haɗika Zudiya, » ka həŋ.

Slna gwal ghunay 9:36

Mamu sana marakw ma luwa Yafu ta hgə lu ka Tabita mataba gwal zlghay nda ŋuɗuf. Tsaya « Durkas » nda gwaɗa *Grek, manda mnay kazlay: Madva kəʼa ya. Dagala ŋərma skwi maga tsi, ta katay ta gwal ka pɗu.

La Ruma 12:13

Dguvuswa dga ta skwa ghuni nda gwal zlghay nda ŋuɗuf ta pɗay. Tsuʼawatsuʼa ta mayəm.

La Ruma 12:8

Ka vla mbraku ŋa mnduha vlaŋ Lazglafta ta mbrakwa ni ta sani ya, ka vla tsi ta tsa mbraku ya ŋa taŋ. Ka muvla vlaŋ Lazglafta ta mndu ya, ka vla tsi nda kwal kul tha madər mista ni. Ka nzaku ka mali ta ghəŋa sanlaha vlaŋ Lazglafta ta mndu ya, ka nza tsi kwats kwats ma slna ni. Ka tawa hiɗahiɗa ta mndu vlaŋ Lazglafta ta sani ya, ka maga tsi nda rfu.

1Kwa 16:2

Inda dəmas, ka faghuta inda kaghuni ta tsedi mintgha ghuni taɓta skwi ya ta mutsafta kuni, da laghu lu kəzla iʼi kada tskay.

2Kwa 8:12

Ka nda ŋuɗuf turtuk klafta ka ta skwi klaf mbrakwa gha ka vlata katsi ná, zɗəgana zɗa ta Lazglafta. Ɗawa a ta skwi kul haɗ da kagha wa.

2Kwa 8:9

Nda sna kaghuni ta zɗakatahuɗa Mgham Yesu *Kristi. Tsatsi ná, galipi ya, ka niŋtá tsi ta ghəŋa ni ka pɗu ŋa naghunaftá kaghuni ka gadghəl nda ma tsa pɗa ni ya.

Galat 6:10

Mantsa tama, ta tsekeʼ luwa ná, magama maga ta skwi ɗina ɗina ŋa inda mndu. Katkatatani ŋa zwana ma mu ma zlghay nda ŋuɗuf.

Afisus 4:28

Ka si ta ghali mndu katsi, yaha tsi da ghalgəltá ghali, ka maga tsi ta slna nda dzva ni ŋa kata ghəŋa ni, nda ya ŋa mutsafta ni ta skwi ŋa kataŋtá la ka pɗu.

1Tim 5:10

Ta ghubay ka lu ma ŋərma slnaha ni ta mag tsi. Va galanaf gala katsi ɗina ta zwani, ta tsuʼay katsi ta mayəm ga taŋ, ta mbazay katsi ta səla gwal zlghay nda ŋuɗuf, ta katay katsi ta gwal ta sa duni, fa fa katsi ta ghəŋa ni ka maga inda ŋərma slna.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Titus 3:8

Vərɗa skwi na gwaɗa ta mnə yu na. Ka gɗata ka ta mna tsa gwaɗa ya ka ŋɗaŋɗa ŋa mnduha, kada maga gwal zlghay nda ŋuɗuf ta ŋərma skwiha inda fitik. Tsaya vərɗa skwi ta kata mnduha.

Hebru 13:16

Yaha kuni zlanatá maga zɗaku, nda kataŋtá mndu, kabga mndərga tsa skwiha ta vlata həŋ ya ta zɗəganatá Lazglafta.

Yakubu 2:5

Zwana ma ɗa gwal ɗvu yu, fawa fa ta sləməŋ. Lazglafta a ta zabaptá gwal ka pɗu ta wa ira gwal ma ghəŋa haɗik, ŋa nzaku ka Gadghəl ma zlghay nda ŋuɗuf, ŋa mutsay taŋ ta ga mgham ya tanaf tsi ta imi ta sləməŋ, ta gwal ta ɗvuta ra?

1 Piyer 3:11

Zlaŋta ni ta maga ghwaɗaka skwi, ka maga skwi ɗina. Zbay ni ta zɗaku ka ŋavata mista ni.

1 Yuhwana 3:17

Ka mamu skwi da mndu, ka nghaŋtá tsi ta zwaŋama ni ta pɗay, ka laghu tsi da nghay nda iri katsi ná, laviŋ a tsa mndu ya ta mnay kazlay: Ta ɗvay yu ta Lazglafta kəʼa wa.

3 Yuhwana 1:11

Gra ɗa ya ta ɗvu yu, ma ksə ka ta saɗa mnduha ta maga ghwaɗaka skwi, ksata saɗa gwal ta maga skwi ɗina. Mndu ta maga skwi ɗina ná, nda na tsatsi ka Zwaŋa Lazglafta. Mndu ta maga ghwaɗaka skwi ya guli ná, ta sna a tsatsi ta Lazglafta wa.