1Tim 6:17 - Hdi

¹⁷ Mnana mna ta gwal ka gadghəl ma na ghəŋa haɗik na, yaha həŋ da ghərɓaku, yaha həŋ da laghu da faftá ghəŋa taŋ ta gadghəla taŋ ya dzaʼa kwal kul nzəɗavata. Ta Lazglafta ya ta vlamatá inda skwi ka haslay ŋa nzakwa mu nda rfu ka həŋ faftá ghəŋa taŋ.

1Tim 6:17 ပူးပေါင်းရင်းမြစ်များ

Zlrafta 13:2

Nuna Abram ka gadghəl katakata kabga mamu rina ni, nda tsedi, nda dasu da tsi.

2Rus 26:16

Ama manda mutsafta Ghuziya ta mbraku, ka zlraftá tsi ta gla ghəŋ, ka zlrugwaftá tsi ta skwi ŋa zaɗiŋtá htsiŋa ni. Ka maganatá tsi ta ghwaɗaka skwi ta Yawe, Lazglafta ni, nda ma lami da həga Yawe da dra urdi ŋa dray nda dra ta gwira dra urdi.

Danyel 4:30

Gi ma va tsa fitik ya, ka hɗaftá tsa gwaɗa ya ta Nevuhadnetsar. Ka ghəzliŋtá lu mataba mnduha, ka laghu tsi za kuzuŋ manda ŋa slaha. Ka nzaku wuninik tida. Ka nutá swida ni manda zləghəŋa dzala. Ka nutá ɗahəŋha ni guli ɓiyaŋ ɓiyaŋ manda ŋa zarakha.

Mata 12:32

Ka vzaf vza mndu ta rutsak ta *Zwaŋa mndu katsi, dzaʼa plinis pla lu ta dmakwa ni. Ama mndu ta vzaftá rutsak ta Sulkum nda ghuɓa ná, haɗ lu dzaʼa walaŋtá plinistá dmakwa ni, dər ta na zamana na, dər ta zamana dzaʼa sagha wa. »

Mata 19:23

Ka Yesu nda duhwalha ni mantsa: « Kahwathwata ka yu ta mnaghunata, nda bla katakata ka lama mndu ta fafta ghəŋa ni ta gadghəl da ga mghama Lazglafta.

Mata 25:16

Ka gi sliʼafta tsa ta zlghaftá talaŋ hutaf ya da tsakala nda tsi, ka zanaghatá tsi ta ndeli ka talaŋ hutaf guli.

Mata 27:57

Laha fitik hawu, ka sagha sana mnda luwa la Arimate ta hgə lu ka Yusufu. Tsa mndu ya ná, gadghəl ya, duhwala *Yesu ya guli.

Mata 6:32

Inda tsaha ya ná, gwal kul snaŋtá Lazglafta ta psay. Nda sna Da ghuni ta luwa ta skwiha ta raku ka ŋa ghuni.

Markus 10:24

Ka ndərmim duhwalha ni nda ndərmima ta tsa gwaɗa ya. Ka vrəgliŋtá Yesu ta mnay guli, « Zwana ɗa, nda bla ka lama gwal ta fafta ghəŋa taŋ ta gadghəl da ga mghama Lazglafta!

Lukwa 19:2

Mamu sana mndu ta hgə lu ka Zakayus, mali ta ghəŋa gwal tska dzumna, gadghəl ya guli.

Lukwa 3:11

Kaʼa nda həŋ mantsa: « Mndu ya his lgut da tsi, ka dganapdga tsi nda mndu ya kul haɗ tsi da tsi. Mndu ya mamu skwa zay da tsi guli, ka maga tsi mantsa ya, » kaʼa.

Slna gwal ghunay 14:17

Aŋ mndani, ta kwalaghu a Lazglafta ta maraŋtá ghəŋa ni nda maga zɗaku wa. Ta nzəgaghuna nza ta imi daga ta luwa, ta magaku skwi ma vwaha ghuni, ta hasl nda hasla kuni ta skwa zay, ta taku ŋuɗufa ghuni da rfu, » ka həŋ.

Slna gwal ghunay 14:27

Manda ɓhadaghata taŋ, ka tskanatá həŋ ta *Igliz, ka rusu həŋ ŋa taŋ ta inda skwi ya mag Lazglafta nda həŋ, nda ya kəʼa guninistá tva zlghay nda ŋuɗuf ta gwal kul nzakway ka la *Yahuda guli.

Slna gwal ghunay 17:25

Psaŋ a ta katu da mnda səla ŋa vlaŋtá skwi wa. Haɗ skwi pɗa tsatsi guli wa. Tsatsi ta famta hafu ma inda mndu ta kəl mndu ka hafu. Tsatsi guli ta vlata inda hamata skwi.

La Ruma 11:20

Aŋ mndani, manda tsaya nzakwa ni. Ta ghəŋa kwala taŋ kul zlghafta nda ŋuɗuf, ɗatsiŋta lu ta hahəŋ, ama kagha, ma zlghay nda ŋuɗuf gha nzafta kagha nda ndiʼatá vgha tida. Ma laghu ka da ghərɓaku, zləŋa ta Lazglafta.

Afisus 5:5

Wya skwi ŋa snaŋta ghuni: Haɗ gwal ta hliri, nda gwal ta maga skwa hula, nda gwal ta tsagana, dzaʼa mutsaftá skwa za mgham ma luwa ga mghama i Lazglafta nda Kristi wa. Tsa gwal malaghu mala ɗvafta taŋ ta tsagana ka Lazglafta ya ná, ka guram nda wya skwi tsaya.

Vrafta ta zlahu 33:15

nda magatá skwiha ya ɗina ɗina ta ghwáha ŋa ghalya, nda vərɗa yakwa skwiha ta kuɗuŋurha ŋa ɗekɗek,

Vrafta ta zlahu 8:17

Ɗaswa ka kuni, dá mnə kuni ma ŋuɗufa ghuni kazlay: “Nda mbrakwa ŋni, nda prəsl ma vgha ŋni kəl ŋni ka nuta ka gadghəl,” kəʼa.

Kwalus 3:16

Ka nzam nza gwaɗa Kristi mataba ghuni gerger. Mnuvuswa mna ta gwaɗa mataba ghuni, vluvuswavla ta hiɗaku sani ŋa sani nda kɗavakta hiɗaku. Fawa laha ŋa Lazglafta ma hya hya ŋuɗufa ghuni nda rfu, ka zləzlva kuni, ka ghuba kuni nda inda laha ta vlaghunata Sulkum.

1Tes 1:9

Nda wa taŋ ta rusa mnduha ŋa ŋni, ká kuni tsuʼaftá aŋni ma lagha ŋni da kaghuni, nda ya ká kuni zlaŋtá skwa wuyay ka mbəɗavata tsəlɓu ta kəma vərɗa Lazglafta ya ta vla hafu,

1Tim 1:3

Manda ya si ta mnə yu ŋa gha ma sliʼa ɗa da luwa Mekaduniya ya kay, ka nzata ka ma luwa Afisus, kabga mamu gwal ta tagha tsakalawi ŋa mnduha. Ka dvanaghata ka ta həŋ ŋa zlaŋta taŋ.

1Tim 3:15

Ala, ka gərɗugərɗa yu katsi, dzaʼa nda sna ka ká ka dzaʼa nzaku ma həga Lazglafta ta nzakway ka *Igliz, hahəŋ guguɗi ta dihanatá kahwathwata.

1Tim 4:10

Ta ghəŋa tsaya ta kəl mu ka dzatá vgha ka ŋavata ka maga slna, kabga nda fa ghəŋa mu ta Lazglafta ya nda hafu mida. Tsatsi ta nzakway ka mnda mba inda mndu, katkatatani gwal zlghay nda ŋuɗuf.

1Tim 5:21

Ta ndəɓa dzvu yu ŋa gha ta kəma Lazglafta, nda *Yesu *Kristi, nda ya ta kəma duhwalha ni zabap Lazglafta. Sna sna ta tsa gwaɗa ya, yaha ka da laghu da ɗva ghəŋ. Yaha ka da gala mndu nda gala.

1Tim 6:13

Ka yu ta mnaghata ta kəma Lazglafta ta vla hafu ŋa inda skwi, nda ya ta kəma *Yesu *Kristi ta mnigiŋtá vərɗa gwaɗa ta kəma Pwaŋəs Pilat ná,

1Tim 6:9

Ama gwal ta zba nzaku ka gadghəl ná, ta dəɗamdəɗa həŋ da skwi ta dzəgha mndu. Ŋa dəɗamta taŋ da dəɓəla ghwaɗaka mnduha ta ɓadza mndu, nda ya ta zaɗanatá mndu ŋa ɗekɗek.

2Tim 4:10

Wana zliɗiva zla na Demaska, kabga laghu la ɗvutá skwa ghəŋa haɗik, ka sliʼaftá tsi ka laghu da luwa Tesalunik. Laghu la na Kreseŋ ta haɗika Galat, ta laghu Titus ta haɗika Dalmatiya guli.

Titus 2:12

Tsa zɗakatahuɗi vlama Lazglafta ya, ta taghamatá kwal kul mbəɗglanatá hul, ŋa kwal kul maməgəltá skwa ghəŋa haɗik, ŋa nzay mu ta nzakwa mu ma na ghəŋa haɗik na nda hanatá ghəŋ, nda maga skwi tɗukwa, nda sna gwaɗa Lazglafta,

Titus 3:6

Tsa Sulkum nda ghuɓa ghunaga Lazglafta nda ma *Yesu *Kristi ya ta ndəghanaftá ŋuɗufa mu.

2 Piyer 1:11

Mantsa ya, nda fa ghəŋa ghuni ta gunaghunata Lazglafta ta wa tgha lami da ga mgham ŋa kɗekedzeŋ ta nzakway ka ŋa Yesu Kristi Mghama mu, ta mba amu ya guli.