1Tim 5:19 - Hdi

¹⁹ Ma gi tsuʼaf ka ta gwaɗa ta mnafta lu ta sani ma glata mndu ta ksa slna mataba Igliz. Ba mamu ka masləmtsək taɓ his ka hkən a tsi ta snanaghata.

1Tim 5:19 ပူးပေါင်းရင်းမြစ်များ

Mata 18:16

Ala, ka kwalaghu kwala tsi ta snaghata katsi, klaf kla ta mndu turtuk ka his a tsi kawadaga nda kagha, ka vradaghata kada slanaghata, “ŋa da graftá tsa gwaɗa ya ma wa masləmtsəkha his ka hkən a tsi.”

Yuhwana 18:29

Tsaya kəl Pilat ŋumna la Ruma ka sabi dzibil da slanaghatá həŋ. Kaʼa nda həŋ mantsa: « Nu va ghwaɗaka skwi maga na mndu na ka kuni ka na? » kaʼa.

Yuhwana 8:17

Nda vinda ma zlaha ghuni kazlay: Ka nda guya gwaɗa mnduha his ta va tsa skwa turtuk ya katsi ná, kahwathwata nzakwa tsa gwaɗa ya kəʼa.

Slna gwal ghunay 11:30

Ka tskaftá həŋ, ka vlaŋtá i Barnabas nda Sawul, ŋa klaŋtá la galata mnduha ma haɗika Zudiya.

Slna gwal ghunay 25:16

Ta snu a aŋni la Ruma ta gi tsanaghata guma ta mndu mantsa ya wa. Tiŋəl ta guyanata nda guya lu ta tsa mndu ya nda tsa gwal ta wlata ya, ŋa zlanaŋta tvi ŋa waɗayni ta ghəŋa ni ta kəma tsa gwal ta wlata ya karaku, ka yu nda həŋ.

2Kwa 13:1

Mahkəna səla ɗa na ta dzaʼa lab yu da kaghuni na. Ka lab la yu, dzaʼa tsanagha tsa mu ta guma ta gwal ta magata ghwaɗaka skwi. « Kada laba skwi nda tva ni, mamu ka masləmtsəkha his ka hkən a tsi, » manda ya nda vinda.

Vrafta ta zlahu 17:6

Kada dzata lu ta mndu ná, mamu ka masləmtsək his ka hkən a tsi ta mnaŋtá gwaɗa ta ghəŋa ni. Slaghu a gwaɗa masləmtsək turtuk ka dzatá mndu wa.

Vrafta ta zlahu 19:15

« Slaf a masləmtsək turtuk ŋa mnaŋtá krughuva mndu ka dər dmakwa ni a tsi, dər nahgani maga tsi wu, ba snanata ma wa masləmtsəkha his ka hkən a tsi, kada nzakwa tsi manda va tsaya.

1Tim 4:14

Yaha ka da ganavatá masfa ta skwi ya vlagha Sulkum ma kagha, ya vlagha lu ma fitika mnata la anabi, ka faghaghatá la galata mndu ta dzvu ya.

1Tim 5:17

La galata mndu ta ksa slna ɗina mataba *Igliz ná, ɗina ka vla glaku dagala ŋa taŋ. Katkatatani gwal ta mna gwaɗa, nda gwal ta tagha skwi ŋa mnduha.

Titus 1:6

Tsa gwal dzaʼa zabapta ka ya ná, gwal kul haɗ gwaɗa ta ghəŋa taŋ katsi, gwal turtuk turtuk markwa taŋ, zlghaf zlgha ka zwana taŋ ta *Yesu, ksu a sliʼiŋ ta həŋ wu, haɗ həŋ ta mbrəs wu, katsi.

Hebru 10:28

Dər wati ma mndu ta kwalaghuta snatá zlaha Musa, ka mamu masləmtsəkha his ka hkən a tsi ta grafta katsi, ta dza dza lu ta tsa mndu ya, haɗ tawa hiɗahiɗa tida wa.