1Tim 5:18 - Hdi

¹⁸ Ka lu vindafta ma gwaɗa Lazglafta na: « Yaha ka da fanamtá budzaŋ ma wi ta sla ta ɗgə tsi ta alkama, » kaʼa. Mantsa ya kaʼa guli na: « Raŋra vlaŋtá nisəla ni ta mndu ta ksa slna, » kaʼa.

1Tim 5:18 ပူးပေါင်းရင်းမြစ်များ

La Levi 19:13

Ma tsaghu kuni ta mndu, ma ghala kuni. Ma ŋaghu kuni ta nisəla mndu ta magatá slna ha ka lab ta sərɗək ga mahtsima ni.

Mata 10:10

Yaha kuni klaftá dər zliba mbuluh. Turtuktuk ka kuni da klaftá lgut. Yaha kuni klaftá ɓaɓah, dər dafa, kabga nda ra ka mutsay mnda slna ta skwa zay ni.

Lukwa 10:7

Ka tsuʼaf tsuʼa lu ta kaghuni, ka nzata kuni ma tsa həga ya, ka za kuni, ka sa kuni ta inda skwi dzaʼa vlaghunata lu, kabga nda ra ka tsuʼay mndu ta maga slna ta nisəla ni. Yaha kuni dzaʼa da ra həga.

La Ruma 10:11

Ka lu vindafta ma deftera Lazglafta na: « Inda mndu ta zlghafta ná, ta haɗ hula ta ghəŋa ni wu » kaʼa.

La Ruma 11:2

Vziŋ a Lazglafta ta mnduha ni ya zbu tsi daga ghalya wa. Havakwahava ta skwi ya vindaf lu ma deftera Lazglafta ta ghəŋa Iliya, ma fitika tawayni ta taw da Lazglafta ta ghəŋa la Israʼila, kaʼa na:

La Ruma 4:3

Waká deftera Lazglafta ta mnay na? Ka lu ta mnay ma deftera Lazglafta na: « Zlghaf zlgha Abraham ta Lazglafta, tsaya kəl Lazglafta ka klafta ka mndu tɗukwa ta wa ira ni » kəʼa.

La Ruma 9:17

Wya ka Lazglafta mnanatá Firʼawna, ka vindaftá lu ma defteri: « Faf fa yu ta kagha ka mgham ŋa maravata mbrakwa ɗa ta kagha, nda ya ŋa tiŋtá hga ɗa ta ghəŋa haɗik demdem. »

1Kwa 9:14

Ta ghəŋa gwal ta mna Lfiɗa Gwaɗa guli ná, mna mna Mgham Yesu kazlay: Ma tsa mna Lfiɗa Gwaɗa ya dzaʼa za hahəŋ ta ŋa taŋ guli kəʼa.

Galat 3:8

Ka gwaɗa Lazglafta ghada ta mnata ná, Lazglafta dzaʼa nanaftá gwal kul nzakway ka la *Yahuda ka gwal tɗukwa ta wa ira ni ma zlghafta taŋ nda ŋuɗuf, kaʼa. Ka Lazglafta ghada ta mnanatá Abraham guli na: « Dzaʼa tfanagha tfa yu ta wi ta inda mndəra mndu nda ma kagha, » kaʼa.

Vrafta ta zlahu 25:4

« Yaha ka da fanamtá budzaŋ ma wi ta sla ta ɗgə tsi ta alkama. »

Yakubu 4:5

Ta grə kuni ná, ka bətbət skwi mna defteri ta mnay kazlay: Ɗvu ɗva Lazglafta katakata ta tsa sulkum fam tsi ma amu ya kəʼa ya ra?