1Tim 5:17 - Hdi

¹⁷ La galata mndu ta ksa slna ɗina mataba *Igliz ná, ɗina ka vla glaku dagala ŋa taŋ. Katkatatani gwal ta mna gwaɗa, nda gwal ta tagha skwi ŋa mnduha.

1Tim 5:17 ပူးပေါင်းရင်းမြစ်များ

2Mgh 2:9

Manda tsughwaɗadapta taŋ, ka Iliya nda Ilisa mantsa: « Mniha mna ta skwi ta kum ka ta magaghata ɗa, ma kɗaku lu klaghatá iʼi diʼiŋ nda kagha, » kaʼa. Ka Ilisa zlghanaftá wi mantsa: « Ta ndəɓa dzvu yu da kagha, má ka mutsaf mutsa yu his səla ta mbrakwa sulkuma gha! » kaʼa.

Mbsak 18:31

Ka za kuni nda gwal ma həga ghuni ma inda vli, kabga tsaya nisəla slna ghuni mbəɗap lu nda slna tumpula guyaku.

Mata 24:25

Wya mnaghuna mna yu ta tsekeʼluwa.

Lukwa 10:7

Ka tsuʼaf tsuʼa lu ta kaghuni, ka nzata kuni ma tsa həga ya, ka za kuni, ka sa kuni ta inda skwi dzaʼa vlaghunata lu, kabga nda ra ka tsuʼay mndu ta maga slna ta nisəla ni. Yaha kuni dzaʼa da ra həga.

Lukwa 12:42

« Wa na mndu tɗukwa nda mahizl ma ghəŋa ni na na? Tsaya a mndu dzaʼa daŋahəga ni həga ni mnay ŋa ni: “Ta vlagha vla yu ta slna, ka vla ka ta skwa zay ŋa gwal ta magihatá slna nda fitika ni,” kaʼa ya ra.

Yuhwana 4:38

Da vli kul magatá kuni ta slna ghunaghunafta yu. Ghuy ghuya sanlaha ta ɗaŋwa ma slna, ka lagha kaghuni da ŋatsa ndela tsa slna taŋ ya, » kaʼa.

Slna gwal ghunay 11:30

Ka tskaftá həŋ, ka vlaŋtá i Barnabas nda Sawul, ŋa klaŋtá la galata mnduha ma haɗika Zudiya.

Slna gwal ghunay 20:35

Inda tsa slnaha mag yu mantsa ya ná, ŋa maraghunata kazlay: Mantsa ya ta maga lu ta slna ŋa kataŋtá gwal ka pɗu kəʼa. Ŋa havaghunakta guli ta gwaɗa Mgham Yesu ta mnay kazlay: Mal mndu ta vlay ta rfu, ka mndu ta zlghay kəʼa ya, » kaʼa.

Slna gwal ghunay 28:10

Ka va vlə həŋ ta skwi kavghakavgha ŋa ŋni. Ta sliʼi ŋni ka dzaʼa da kwambalu guli, ka tsakaŋnafta həŋ ta inda skwi dzaʼa kata aŋni ma mbaɗa ŋni.

La Ruma 12:8

Ka vla mbraku ŋa mnduha vlaŋ Lazglafta ta mbrakwa ni ta sani ya, ka vla tsi ta tsa mbraku ya ŋa taŋ. Ka muvla vlaŋ Lazglafta ta mndu ya, ka vla tsi nda kwal kul tha madər mista ni. Ka nzaku ka mali ta ghəŋa sanlaha vlaŋ Lazglafta ta mndu ya, ka nza tsi kwats kwats ma slna ni. Ka tawa hiɗahiɗa ta mndu vlaŋ Lazglafta ta sani ya, ka maga tsi nda rfu.

La Ruma 15:27

Hahəŋ ka ghəŋa taŋ ta kurata kataŋtá həŋ. Aŋ mndani, ka dməŋ nzakwa ni má ta həŋ kabga kataŋ kata la *Yahuda ta gwal kul nzakway ka la Yahuda nda mutsaftá tfa wi ma Sulkuma Lazglafta. Mantsa ya guli ná, nda ra ka kataŋta gwal kul nzakway ka la Yahuda ta hahəŋ nda skwiha ma ghəŋa haɗik ta htaghuta da həŋ.

La Ruma 16:12

Ka ganaghata kuni ta zgu ta i Trifene nda Trifwaz, ta fata ghəŋa taŋ tərdehw ka maga slna Lazglafta ya. Ka ganaghata kuni ta zgu ta Persida magra ɗa tegeɗ tegeɗ, ta ŋavata tərdehw ka maga slna Lazglafta guli ya.

1Kwa 15:10

Nda zɗakatahuɗa Lazglafta ná, nda nza yu manda va na nzakwa ɗa na. Nza a tsa zɗakatahuɗa ni ŋa ɗa ya ka skwi bətbət wa. Katək ná, mal iʼi ta magatá slna ka hahəŋ demdem. Nziya nza tsi, iʼi a ta magata wu, tsa zɗakatahuɗa Lazglafta ma iʼi ya ta magata.

1Kwa 16:16

Snawa sna ta gwaɗa da mndərga tsa mnduha ya, nda ya da inda gwal ta maga mndərga tsa ŋa ni slna ya kəʼa.

1Kwa 3:9

Nda gwa aŋni ma slna Lazglafta. Nda nza kaghuni manda vwaha Lazglafta. Manda həga Lazglafta nzakwa ghuni guli.

2Kwa 6:1

Ndanana ná, ta ksa slna aŋni nda Lazglafta. Kdəkwa kdək ta ndəɓa dzvu ŋni ŋa ghuni, ma ganava kuni ta masfa ta zɗakatahuɗa Lazglafta ya zlghaf kuni.

Galat 6:6

Ka kla a kla mndu ta taghanata lu ta gwaɗa Lazglafta, ta skwi mataba inda skwiha ni, ka vlay ŋa mndu ta taghanata.

Vrafta ta zlahu 18:8

Dzaʼa mutsay tsatsi ta mayak ŋa zay ni ka guram nda ŋa sanlaha, zlanaha lu ta skwi ya dzaʼa tsi mutsay ma skwiŋta ni ta skwa za həga ni daga ta dzidzíha ni. »

Filip 2:16

ka vlaŋta kuni ta gwaɗa hafu ta həŋ. Ka maga maga kuni mantsa, dzaʼa rfu yu baɗu vragata Yesu *Kristi, kabga nzata a tsa slna ŋava yu ta magata ya ka bətbət wa.

Filip 2:29

Ka ɓhadapɓha tsi ya, ka zlghafta kuni ɗina, ka rfa kuni ta rfu, kabga zwana ma kuni ta tva Mghama mu Yesu. Vlaŋwa glaku ta mndərga tsaha ya ma mndu.

Filip 4:3

Ka yu ta mnaghatá kagha guli gra ta ksa slna ɗa ná, wya dzvu, kataŋ kata ta tsa miʼaha ya. Nda tsa miʼaha ya, nda Klimaŋ, nda hamata gwal ta ksa slna kawadaga nda iʼi, dagala slna maga həŋ kawadaga nda iʼi, ghuy ghuya ŋni ta ɗaŋwa nda həŋ ta mna gwaɗa Lazglafta ŋa mnduha. Hahəŋ ná, vindaf vinda Lazglafta ta hga taŋ ma defteri ta vindi tsi ta hga gwal ta mutsa hafu.

1Tim 3:5

Ka si sna a mndu ta ŋanatá həga ni wu katsi, wa kəʼa dzaʼa laviŋtá nghaftá Igliza Lazglafta na?

1Tim 4:10

Ta ghəŋa tsaya ta kəl mu ka dzatá vgha ka ŋavata ka maga slna, kabga nda fa ghəŋa mu ta Lazglafta ya nda hafu mida. Tsatsi ta nzakway ka mnda mba inda mndu, katkatatani gwal zlghay nda ŋuɗuf.

1Tim 4:14

Yaha ka da ganavatá masfa ta skwi ya vlagha Sulkum ma kagha, ya vlagha lu ma fitika mnata la anabi, ka faghaghatá la galata mndu ta dzvu ya.

1Tim 4:16

Ɗasuwa ka ka nda nzakwa gha, ɗasuwa ka ka nda skwi ta tagh ka guli. Ndiʼamndiʼa mida. Ma tsa magay gha mantsa ya, dzaʼa mbanafta ka ta ghəŋa gha, nda gwal ta fata sləməŋ ka snay tani.

1Tim 4:6

Ka taghanaf tagha ka ta inda tsa skwiha ya ta zwana ma katsi, dzaʼa nzakway ka ka ŋərma kwalva *Yesu *Kristi. Dzaʼa maraŋ mara ka kazlay: Nda bagha ka nda gwaɗa zlghay nda ŋuɗuf, nda ya nda vərɗaka tagha skwi ya taghaf ka kəʼa.

1Tim 5:19

Ma gi tsuʼaf ka ta gwaɗa ta mnafta lu ta sani ma glata mndu ta ksa slna mataba Igliz. Ba mamu ka masləmtsək taɓ his ka hkən a tsi ta snanaghata.

1Tim 5:3

Vla ta glaku ŋa vərɗaka miʼaha ka wadgu, ka matuŋulum.

2Tim 2:6

Mndu ta ŋavata ka hva guli ná, tiŋəl tsatsi ta za yakwa ni.

2Tim 4:2

mna ta gwaɗa Lazglafta, ka gɗata ka ta vrafta tida, dər ma fitika ni tsi, dər ma fitika ni a tsi wu. Zlaha ta gwal ta maga ghwaɗaka skwi, dva ta həŋ, vla ta mbraku ŋa taŋ, hbatá ŋuɗuf ka tagha ka ta skwi ŋa taŋ,

Hebru 13:17

Snawa sna ta gwaɗa da maliha ghuni, ka sna kuni ta skwi ta mnaghunata həŋ. Hahəŋ ta nghapta ka hafa ghuni, kabga dzaʼa zlghay həŋ ta wa ni da Lazglafta. Snawa sna ta gwaɗa da həŋ, ya dzaʼa kəl həŋ ka maga slna taŋ nda rfu, nda ŋa ɗa ghəŋ a wa. Ka nda ŋa ɗa ghəŋ tsi ná, kataghunaftá a tsa wa.

Hebru 13:24

Ka ganaghata kuni ta zgu ta maliha ghuni demdem, nda inda mnduha Lazglafta tani. Ta ga zgu zwana ma ma luwa Italiya ŋa ghuni.

Hebru 13:7

Havakwa maliha ghuni, gwal ta mnaghunatá gwaɗa Lazglafta. Havakwahava ká həŋ nzakwagapta, nda ya ká həŋ mtaku. Ka kla kuni ta saɗa zlghay nda ŋuɗufa taŋ.