1Tes 4:13 - Hdi

¹³ Zwana ma ɗa, ta kumay yu ta snaŋta ghuni ta skwi ta ghəŋa gwal nda rwa, da nzatá kuni sasuʼanaka manda gwal ta kul faftá ghəŋa taŋ ta *Yesu.

1Tes 4:13 ပူးပေါင်းရင်းမြစ်များ

Zlrafta 37:35

Ka sliʼaftá inda zwana zgwana ni nda kwagha ni ka kuma ksanatá ŋuɗuf, ama ka kwalaghutá tsi ta ksanatá ŋuɗuf, kaʼa mantsa: « Nda ima taw ta iri dzaʼa laha yu slanaghatá zwaŋa ɗa ma haɗik, » kaʼa, ka kəɗ tsi ta taway.

1Mgh 1:21

Ka haɗ tsi mantsa wu, laghwər rveri, mghama ɗa da dzidzíha ni ná, dzaʼa gay lu ta iri ŋa ɗa nda zwaŋa ɗa Salumuŋ manda gwal ta gatá dmaku, » kaʼa.

1Mgh 2:10

Ka laghu Dawuda da dzidzíha ni, ka paɗamtá lu ma Ursalima luwa Dawuda.

Danyel 12:2

Nda ndəgha gwal ta hani ma gəninika haɗik dzaʼa sliʼagapta, ŋa nzakway nda hafu ŋa kɗekedzeŋ ŋa sanlaha, ŋa nzakway ma hula, nda zləmnda ŋa kɗekedzeŋ ŋa sanlaha guli.

La Levi 19:28

Yaha kuni dá kwaha vgha ghuni ŋa tawa mndu ta mtuta, yaha kuni dá tsatsaftá ɗaha ta vgha ghuni. Iʼi ná, Yawe yu.

La Levi 21:2

ba ka zba ni tsi kasiʼi, manda i ma ni, nda da ni, nda zwaŋa ni, nda makwa ni, nda zwaŋama ni.

Mata 27:52

ka gwanutá wa kuluha, ka sliʼagaptá ndəghata mnduha Lazglafta si ta rwuta, nda hafu.

Yuhwana 11:24

« Nda sna yu mantsa kazlay: Dzaʼa sliʼagap sliʼa ma mtaku baɗu kɗakwa ghəŋa haɗik kəʼa, » ka Marta nda tsi.

Slna gwal ghunay 13:36

Ma fitika nzakwa Dawuda nda hafu ná, mnda ksanatá slna ta Lazglafta ya. Magana maga ta skwi ta kum tsi. Ka mtutá tsi, ka lamtá lu ta vata dzidzíha ni, ka rwuta tsi.

Slna gwal ghunay 7:60

Ka tsəlɓatá tsi, ka gwaɗata nda lwi dagala. Kaʼa mantsa: « Mghama ɗa, ma mbəɗanaf ka ta həŋ ta na dmaku na, » kaʼa. Tahula mnata ni ta tsaya, ka sab hafu sref mida.

Slna gwal ghunay 8:2

Mamu sana mnduha ta zləŋa Lazglafta, ka paɗamtá həŋ ta Atiyen, ka tawamtá həŋ katakata.

La Ruma 1:13

Zwana ma ɗa, ta kumay yu ta snaŋta ghuni kazlay: Nda kɗa fitika ɗa ta zba ɓhadaghata da kaghuni kəʼa, ama kulam gita ta mutsaf a yu ta fitik wa. Ta kumay yu ta ɓhadaghata ɗa ŋa maga slna mataba ghuni, ya dzaʼa kla kaghuni ta kəma ta kəma manda ya ta mag yu mataba sanlaha ma mnduha ta sana haɗikha ya.

1Kwa 10:1

Zwana ma ɗa, ta kumay yu ta havaghunaktá skwi ta slanaghata dzidzíha mu ta fitika Musa. Demdem həŋ nda bukwa ma ghwayak. Demdem həŋ ta tsughwaɗaptá drəfa dva.

1Kwa 12:1

Zwana ma ɗa, ta ghəŋa mbraku ta vlə Sulkum nda ghuɓa ná, va a yu ta nzakwa ghuni kul tsalaku mida wa.

1Kwa 15:6

Tahula tsa guli, ka maranaŋtá tsi ta ghəŋa ni ta zwana ma ta malaghutá hutaf dərmək ta fitik turtuk. Ta mal gwal ta ndiri ndanana mataba taŋ, rwavaghu rwa sanlaha.

2Kwa 1:8

Aŋi zwana ma, va a aŋni ta kwala ghuni kul snaŋtá ghuya ɗaŋwa ghuy ŋni katakata ta haɗika Asiya wa. Fərtu fərta tsa ghuya ɗaŋwa ya ka malaghuta mbrakwa ŋni. Graf a aŋni kazlay: Si ta dzaʼa nza nza ŋni da hafu kəʼa wa.

Afisus 2:12

Havakwahava kazlay: Ma tsa fitik ya ná, sna a kuni ta Kristi wu kəʼa. Nza a kuni tekw mataba mnduha ta haɗika Israʼila wa. Tekw a kaghuni mataba gwal dzraf Lazglafta ta wi nda həŋ ka tanaftá imi ta sləməŋ ta həŋ ya wa. Ma nzakwa ghuni ma na ghəŋa haɗik na ná, haɗ skwi faf kuni ta ghəŋ tida wu, sna a kuni ta Lazglafta guli wa.

Afisus 2:3

Amu demdem guli, manda tsa nzakwa hahəŋ ya si amu ghalya. Ghwaɗaka skwiha ta kum ŋuɗufa mu, nda ghwaɗaka ndanuha ta ndanu mu, si ta mag mu. Ma tsa nzatá nzakwa mu manda tsaya ná, ma dzaʼa dəɗamdəɗa amu guli da ɓasa ŋuɗufa Lazglafta, ka guram nda va ŋa tsa mnduha ta maga ghwaɗaka skwiha ya.

1Tes 4:14

Tsəhala graf gra amu kazlay: Mtu mta Yesu ka sliʼagaptá tsi kəʼa ya, mantsa ya guli ná, grafma gra guli kazlay: Dzaʼa sliʼaganapsliʼa nda ma Yesu ta inda gwal ta rwuta kawadaga nda Yesu ma zlghay nda ŋuɗuf guli kəʼa.

1Tes 4:15

Na gwaɗa dzaʼa ŋni mnay ndanana ná, gwaɗa ya mna Mgham Yesu ya. Baɗu tsa fitik dzaʼa vragata tsi ya ná, tiŋlaghuta a amu ta ndiri ya ta gwal nda rwa wa.

1Tes 5:10

Ta ghəŋa amu mtuta Yesu, ŋa nzakwa mu kawadaga nda tsi. Dər má ta nda iri mu, dər má nda rwa mu, kawadaga nzatá nzakwa mu nda tsi.

1Tes 5:6

Ka si mantsa tsi katsi, ma ksu hani ta amu manda ŋa sanlaha ya. Katək ná, nzama nza hzleŋa ndiri ka zlaha vgha mu.

2 Piyer 3:4

« Dzaʼa vraga vra yu a katsi tamaftá imi ta sləməŋ kay ra? Ga tsi kay ka na? Ka yawu rwakta dzidzíha mu, ta nzaku inda skwi manda va vla ni daga ka yawu zlagapta ghəŋa haɗik, » ka həŋ.

2 Piyer 3:8

Graha ɗa gwal ta ɗvu yu, mamu skwi turtuk dzaʼa kwal kuni zanapta: Da Mgham Lazglafta ná, fitik turtuk ya ná, manda fitik dəmbuʼ nzakwa ni. Fitik dəmbuʼ ya guli ná, manda fitik turtuk nzakwa ni.