1Tes 3:13 - Hdi

¹³ Má ka sladanaf slada Lazglafta ta ŋuɗufa ghuni ŋa nzakwa ghuni nda ghuɓa kul haɗ gwaɗa ta ghəŋa ghuni ta kəma Lazglafta Da mu, baɗu sagha dzaʼa sagha Mghama mu Yesu Kristi kawadaga nda inda duhwalha ni ya.

1Tes 3:13 ပူးပေါင်းရင်းမြစ်များ

Mata 25:31

« Baɗu sagha dzaʼa sagha *Zwaŋa mndu ma glakwa ni kawadaga nda inda duhwalha Lazglafta ná, dzaʼa nzaf nza ta dughurukwa glakwa ni.

Markus 8:38

Ya wana ka dmaku mnduha ta na zamana na, ka sliʼiŋ ka sliʼiŋ həŋ da Lazglafta. Ka kwalaghu kwala mndu ta mnaŋtá hga ɗa nda gwaɗa ɗa guli ta kəma tsa mnduha ya katsi, iʼi *Zwaŋa mndu guli ná, dzaʼa kwalaghu kwala yu ta mnaŋtá tsa mndu ya baɗu vragata ɗa kawadaga nda duhwalha nda ghuɓa ta luwa ma glakwa Lazglafta. »

Lukwa 1:6

Tɗukwa mndu həŋ his his ta wa ira Lazglafta. Ta snay həŋ ta zlaha Lazglafta nda skwa dzahayha ni, haɗ maslivinza ta ksaŋtá həŋ wa.

La Ruma 14:4

Wa kagha ŋa tsay kagha ta guma ta kwalva sana mndu? Ka nda slada tsa mndu ya, ka nda zləmba a tsi, nghanatá daŋahəga ni həga ni tsaya. Zləmbuta a wu, kabga mamu Mgham *Yesu nda mbrakwa hinistá dzvu.

La Ruma 16:25

Ŋa Lazglafta glaku! Laviŋ lava ta dihaghunata manda va ya ta mnə *Lfiɗa Gwaɗa, ya ta mnə yu ta ghəŋa *Yesu *Kristi ya. Tsa Lfiɗa Gwaɗa ya ná, skwi si nda ɗifa ya daga ghalya, zlagigiŋ lu.

1Kwa 15:23

Nda fitika ni nda fitika ni ta magakwa tsa fitika sliʼagapta ya. Kristi taŋtaŋa ni, ŋa sagha fitika ŋa gwal ta nzakway ka ŋa Kristi baɗu sagha dzaʼa sagha tsi.

Galat 1:4

Vərɗa Yesu ka ghəŋa ni ta vlatá ghəŋa ni ŋa mbamafta ma dmakwa mu. Ka hlagamaptá ma na ghwaɗaka nzaku ta na zamana ná, manda ya kumaŋ Da mu Lazglafta.

Afisus 5:27

Ta kumay ta fatá Igliz ka makwa ta rka ta wa ira ni. Va a ta nzata ni nda rɗak wu, va a ta razu tida wu, va a ta dər wati ma bədzaku tida wa. Ta kumay ta nzakwa ni ɗina kul haɗ sana skwi tida.

Vrafta ta zlahu 33:2

Kaʼa mantsa: « Sagha sa Yawe daga ta ghwá Sinay, manda fitik sliʼafta tsi daga ta haɗika Seghir, daga ta ghwá Paraŋ, ka tsuwaɗak tsi ta vli da mnduha ni. Ka sagha tsi kawadaga nda dəmbuʼata gwal nda ghuɓa, nda ŋatá zləghakwa vu ma dzva zeghwa ni.

Filip 1:10

ŋa snaŋta ghuni ta zbaptá skwi ɗina ŋa magay ghuni ta slna nda tsi. Kada nzakwa kuni ka gwal tɗukwa kul haɗ rutsak ta kaghuni ha baɗu vragata Kristi.

Kwalus 1:22

Ndana, slərɓapslərɓa Lazglafta ta zughu nda kaghuni, nda ma mtakwa zwaŋa ni ya ta ghuyaptá ɗaŋwa ma sluʼuvgha. Mantsa ya magata tsi ŋa ghuɓaghunata hezleʼ, ŋa hladaghunaghata ta kəma Lazglafta, kul haɗ sana rutsak, nda ghwaɗaka skwi ta kaghuni.

1Tes 2:19

Ta wa fatá ghəŋa ŋni, nda haratá ghəŋa ŋni, nda ghərɓa zewzewa glaku dzaʼa ŋni mutsay baɗu fitik dzaʼa sagha Mgham Yesu Kristi ya katək na? Ta kaghuni ya a katək tsa wa?

1Tes 3:11

Má ka ɓhadaŋnaghaɓha Lazglafta tsatsi ka ghəŋa ni ta nzakway ka Da mu, nda Mghama mu Yesu, da kaghuni.

1Tes 3:2

ka ghunadapta da kaghuni ta Timute ta nzakway ka zwaŋama ŋni, ta ksa slna Lazglafta ya guli. Kawadaga ŋni nda tsi ta mna Lfiɗa Gwaɗa ta ghəŋa Yesu Kristi. Ghunadap ghuna ŋni da kaghuni ŋa sgaghunaghatá mbraku, ŋa dihavata ghuni ma zlghay nda ŋuɗuf,

1Tes 4:15

Na gwaɗa dzaʼa ŋni mnay ndanana ná, gwaɗa ya mna Mgham Yesu ya. Baɗu tsa fitik dzaʼa vragata tsi ya ná, tiŋlaghuta a amu ta ndiri ya ta gwal nda rwa wa.

1Tes 4:17

ŋa hla amu ta ndiri ya kawadaga nda həŋ ma ghwayak, ŋa dzaʼa guyaku nda Mgham Yesu ma ghuvaŋata luwa. Mantsa ya tama, ŋa nzakwa mu ŋa ɗekɗek kawadaga nda Mgham Lazglafta.

1Tes 5:23

Ka ghuɓaghunaghuɓa Lazglafta ya ta vlatá zɗaku ka ghəŋa ni, ka naghunaftá tsi ka ŋa ni dardar. Ka ngha tsatsi ta kaghuni tsuh tsuh, nda sulkuma ghuni tani, nda hafa ghuni tani, nda sluʼuvgha ghuni tani. Tsaya dzaʼa kwal rutsak kul nzafta ta kaghuni ma fitika sagha Mghama mu Yesu Kristi.

2Tes 1:10

Ma saha ni dzaʼa magakwa tsaya, ŋa zləzlvay inda gwal ta zlghafta, ŋa ndərmimay inda taŋ nda ndərmima. Tekw kaghuni mataba taŋ, kabga zlghaf zlgha kaghuni guli ta gwaɗa ya mnaghuna ŋni.

2Tes 1:7

Ma zlagapta dzaʼa zlagapta Mgham *Yesu *Kristi ná, dzaʼa vlaghuna vla ta mbiʼa vgha ta kaghuni ta ghuytá ɗaŋwa ya, nda aŋni tani. Ta luwa dzaʼa saha tsi kawadaga nda duhwalha Lazglafta gwal nda mbra ya.

2Tes 2:1

Zwana ma ɗa, ta kumay ŋni ta mnaghunatá gwaɗa ta fitika sagha dzaʼa sagha Mghama mu Yesu Kristi, nda gwaɗa ta fitika tskavata dzaʼa tskavata mu ta kəma ni ya. Wya skwi ta ndəɓu ŋni ta dzvu da kaghuni:

Yakubu 5:8

Kaghuni guli ná, nzawa nza nda ksatá ŋuɗuf ka mbra kuni ta vgha, kabga ndusa fitika saha Mgham.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

Yuda 1:14

Ka Inuk ta nzakway ka mandəfáŋa dzidzí daga ta *Adamu mnata ta ghəŋa mndərga tsa mnduha ya daga ghalya na: « Wya Mgham ta saha kawadaga nda duhwalha ni nda ndəgha ŋəɗdəm,

Yuda 1:24

Ka nza glaku ŋa Lazglafta ya ta laviŋtá ngha kaghuni, yaha kuni zlumbutá, tsatsi dzaʼa ghuɓighunista tsezleʼ ŋa rfay ghuni ta rfu ta hladaghunaghatá tsi ta kəma glakwa ni.