1Tes 2:15 - Hdi

¹⁵ Tsa la *Yahuda ya ta pslatá la anabi, ka dzatá həŋ ta Mgham Yesu, ka limistá həŋ ka giri ŋa mu guli. Zɗəgana a tsa skwi ta mag həŋ ya ta Lazglafta wu, nda nza həŋ ka ghuma inda mnduha.

1Tes 2:15 ပူးပေါင်းရင်းမြစ်များ

Asta 3:8

Ka Haman nda mgham Ahasverus mantsa: « Mamu sana mndəra mndu, ta wiɗamtá vgha mataba mndəra sanlaha ma mnduha, ma inda haɗikha ta gə ka ta mgham. Tskəm ŋa taŋ ma nzaku, nda dga ŋa taŋ ma zlahu nda ŋa sanlaha ma mndəra mnduha. Haɗ həŋ ta sna zlaha mgham wa. Ra a ka zlaŋta mgham ta həŋ ka gɗata taŋ ta magay mantsa ya wa.

Mata 23:37

« Aya Ursalima! Aya Ursalima! Kagha ta pslatá la anabi, kagha ta pslata nda pala ta gwal ghunadaghagha Lazglafta. Nda kɗa fitika zbaŋta ɗa ta tskanatá zwana gha manda mana ghatalakw ta tskanatá nduɗukhani ma zlambakha ni ya, ama ka kwalaghuta kuni.

Mata 27:25

« Ka la usa ni ta ghəŋa aŋni nda zwana ŋni tani! » ka həŋ hlaftá wi.

Mata 5:12

Rfawa rfa ta rfu, ka nzata kuni waɗah, kabga mamu nisəla ghuni dagala ta kəzla kaghuni ta luwa. Manda va tsaya ganapta lu ta iri ta anabiha ta tiŋlaghutá kaghuni. »

Lukwa 24:20

klaf la mali ta ghəŋa gwal dra skwi ŋa Lazglafta nda gwal tsamatá guma, ka vlatá həŋ ŋa dzata, ka zləŋaftá həŋ ta udza zləŋay ra?

Slna gwal ghunay 12:3

Ta nghə tsi ná, zɗəgana zɗa tsa skwi ya ta la Yahuda. Ka ksaftá tsi ta Piyer guli ma fitika skala buradi kul haɗ is mida ya.

Slna gwal ghunay 2:23

Vlaghuna vla lu ta tsa mndu ya ma dzva ghuni. Nda sna Lazglafta manda va tsaya dzaʼa nzakwa tsi kəʼa, ta kuratá tsi. Ka zləŋaftá kuni ta Yesu. Ma zləŋafta ghuni nda ma dzva gwal kul zləŋa Lazglafta.

Slna gwal ghunay 3:15

Ka dzatá kuni ta mndu ya nda hafu da tsi. Tahula dzata ghuni, ka sliʼaganaptá Lazglafta mataba gwal nda rwa. Ma tsa sliʼagapta sliʼagap tsi ya ná, nda nza aŋni ka masləmtsəka ni.

Slna gwal ghunay 4:10

Mantsa nzakwa ni, ɗina ka snaghunamta, mantsa ya ŋa inda la Israʼila guli. Na mndu ta sladu ta kəma ghuni na ná, nda mbrakwa hga Yesu Kristi, mnda la Nazaret, ya dza kuni ta udza zləŋay, ka sliʼaganaptá Lazglafta ma mtaku ya, mbafta tsi.

Slna gwal ghunay 5:30

Lazglafta dzidzíha mu ta sliʼaganaptá *Yesu si dza kuni ma zləŋafta ghuni ta udzu ya.

Slna gwal ghunay 7:52

Wati ma anabi ya kul ganaptá dzidzíha ghuni ta iri na? Ta psla psla həŋ ta gwal ya ta mna gwaɗa ta ghəŋa mndu ta nzakway tɗukwa. Ta na fitik na guli, ka skwaptá kaghuni ta tsa mndu tɗukwa ya ka dzata.

1Kwa 10:5

Tsaw tama ná, mal gwal ta maga skwi kul zɗəganatá Lazglafta ndəghata ni mataba taŋ kəl həŋ ka rwuta ma mtak.

2Kwa 11:26

Ma wawakwa ɗa nda səla tazlay ná, dagala ghuya ɗaŋwa suʼu yu ma zalaha, dagala ghuya ɗaŋwa suʼu yu da la gənda, dagala ghuya ɗaŋwa suʼu yu da la ini, dagala ghuya ɗaŋwa suʼu yu da gwal kul snaŋtá Lazglafta. Dagala ghuya ɗaŋwa suʼu yu ma luwaha nda ya tahula luwaha. Dagala ghuya ɗaŋwa suʼu yu, ta drəf. Dagala ghuya ɗaŋwa suʼu yu da zwanamaha ka ghwaɗak.