1Tes 2:14 - Hdi

¹⁴ Zwana ma ɗa, nuna kaghuni manda Igliza Lazglafta ta nzakway ma *Yesu Kristi ta haɗika Zudiya ya. Ghuy ghuya kaghuni ta ɗaŋwa da gwal ta haɗika ghuni, manda ya ghuyanap la Yahuda ta hahəŋ ya.

1Tes 2:14 ပူးပေါင်းရင်းမြစ်များ

Slna gwal ghunay 11:19

Tsa ghuya ɗaŋwa ta slata makəɗ fitika dzatá Atiyen sagha ya, ta wutsanatá gwal zlghay nda ŋuɗuf. Ka sliʼaftá sanlaha ka laghu dikw da luwa Finisi, ta laghu sanlaha da Kiprus, ta laghu sanlaha da Aŋtakiya. Ka mnə həŋ ta gwaɗa Lazglafta ŋa la Yahuda ka zlaŋtá mnay ŋa sanlaha ma mnduha.

Slna gwal ghunay 13:50

Ka sliʼamtá la Yahuda da gagaftá gwal dagala dagala ta zləŋa Lazglafta, nda gwal dagala dagala ma luwa tani. Ka ganaktá həŋ ta giri ŋa i Pwal nda Barnabas, ŋa ŋawaftá həŋ ma haɗika taŋ.

Slna gwal ghunay 14:19

Ta ma tsa gwaɗa ya həŋ, ka sliʼadaghatá la *Yahuda ma luwa Aŋtakiya nda gwal ma luwa Ikwaniya, da baraftá tsa tskata mnduha ya. Ka zləzlərtsə lu ta Pwal ma ŋa dzata. Zlah nda mta tama ka lu ka tsəhidiŋta tahula luwa ta wa mazawa.

Slna gwal ghunay 14:2

Ama mbaɗa tsa la Yahuda kul zlghafta nda ŋuɗuf ya, ka gagaftá gwal kul nzakway ka la Yahuda ŋa gwafta wi nda həŋ ka zba gwaɗa da zwana ma.

Slna gwal ghunay 14:4

Ka dgavaptá mnduha his gamndər ma tsa luwa ya. Gəts ya laha mista la Yahuda, gəts ya laha mista gwal ghunay.

Slna gwal ghunay 14:5

Ka dzraftá la Yahuda, nda gwal kul nzakway ka la Yahuda, nda maliha taŋ ta wi, ŋa liŋtá i Pwal nda Barnabas nda pala ŋa pslatá həŋ.

Slna gwal ghunay 17:13

Snaŋta tsa la Yahuda ma luwa Tesalunik ya kazlay: Waʼa Pwal ta mna gwaɗa Lazglafta ma luwa Bere kay guli kəʼa, ka sliʼadaghata həŋ da tsa luwa ya sliʼanaftá ŋuɗufa mnduha.

Slna gwal ghunay 18:12

Ma fitika nzakwa Galiyuna ka ŋumna ta haɗika Akaya tama, ka gwaftá la Yahuda ta wi ka gruŋtá Pwal. Ka kladaptá həŋ da vla tsa guma.

Slna gwal ghunay 8:1

Ka zɗəganatá tsa dzatá Atiyen ya ta Sawul. Baɗu tsa fitik ya zlrafta ghuya ɗaŋwa katakata ta slanaghatá gwal zlghay nda ŋuɗuf ma luwa Ursalima. Ka gazlaghutá inda gwal zlghay nda ŋuɗuf da sana vliha ta haɗika Zudiya, nda ya ta haɗika Samari. Gwal ghunay yeya ta pɗata hada.

Slna gwal ghunay 8:3

Ŋa Sawul ya tani, kuma zaɗanatá gwal zlghay nda ŋuɗuf ŋa ni. Ka dzaʼa tsi da həga da həga kasa zgwana nda miʼaha, ka pgha həŋ da gamak.

Slna gwal ghunay 9:1

Ma tsa fitik ya, zlanava a Sawul ta ghuyanaptá ɗaŋwa nda rwanatá duhwalha Mgham *Yesu wa. Ka sliʼaftá tsi ka lagha slanaghatá la mali ta ghəŋa gwal dra skwi ŋa Lazglafta,

Slna gwal ghunay 9:13

Ka Hananiya mantsa: « Mghama ɗa, nda ndəgha mnduha ta mnihatá gwaɗa ta ghəŋa tsa mndu ya, ka rusiftá həŋ ta inda ghwaɗaka skwi magana tsi ta mnduha gha ma Ursalima.

Slna gwal ghunay 9:31

Ma tsa fitik ya, lefɗekw nzata nzakwa guyatá ghəŋa gwal zlghay nda ŋuɗuf ta haɗika Zudiya, nda ya ta haɗika Galili, nda ya ta haɗika Samari. Ta mbray həŋ ta vgha ka nzaku nda hanatá ghəŋ mista Mgham Yesu. Ta sgaku nda sga həŋ nda zɗakatahuɗa Sulkum nda ghuɓa.

1Kwa 10:32

Ma nza kuni ka tuthun dər ka ŋa la *Yahuda, dər ka ŋa la *Grek, dər ka ŋa Igliza Lazglafta.

1Kwa 7:17

Ka mantsa a tsi wu ná, ka nza dər wa ta nzaku manda ya vlaŋ Lazglafta. Ka nza dər wa ta nzaku manda ya hgaŋ Lazglafta guli. Tsaya ta mnə yu ŋa inda *Igliz.

Galat 1:22

Ma tsa fitik ya, haɗ ya nda sna ta iʼi mataba *Igliz ta haɗika Zudiya wa.

1Tes 1:1

Iʼi Pwal ta vindaghunafta, kawadaga ŋni nda i Silas nda Timute, ŋa kaghuni *Igliz, mnduha Lazglafta Da nda Mgham *Yesu *Kristi ma luwa Tesalunik. Ka vlaghuna vla Lazglafta ta zɗakatahuɗi, nda zɗakwa ni.

1Tes 1:6

Kaghuni, ksaf ksa kaghuni ta saɗa ŋni, nda ŋa Mgham Yesu. Dər má ta ghuya ɗaŋwa kuni katakata, tsuʼaf tsuʼa kuni ta gwaɗa ni nda rfu ma mbrakwa Sulkum nda ghuɓa.

1Tes 3:4

Ma fitika nzakwa ŋni da kaghuni ná, ghada ghada ŋni ta mnaghunata kazlay: Dzaʼa mamu ghuya ɗaŋwa katakata kəʼa. Tsaya tama ta slaku manda va ya snaŋ kuni.

2Tes 1:1

Iʼi Pwal, kawadaga nda i Silas nda Timute, ta vinda na ɗelewer na ŋa kaghuni Igliza Lazglafta ma luwa Tesalunik, kaghuni ta nzakway ka ŋa Da mu Lazglafta, nda Mghama mu *Yesu *Kristi ya.

2Tes 1:4

Tsaya ta kəl ŋni ka ghubakwa ŋni ta ghəŋa kaghuni da sanlaha ma Igliza Lazglafta. Kaghuni ná, ŋana ŋa kuni ta zlghay nda ŋuɗuf, ka suʼa ghuya ɗaŋwa nda giri ta gə lu ŋa ghuni.