1Sam 7:9 - Hdi

⁹ Ka klaftá Samuyel ta slaɓalakwa tuwak tata sa uʼa, ka mbəhata ka skwa pla ghəŋ ŋa dray tsuh tsuh ŋa Yawe. Ka wahu Samuyel ta wahu da Yawe ta ghəŋa la Israʼila. Ka tsuʼanaftá Yawe.

1Sam 7:9 ပူးပေါင်းရင်းမြစ်များ

La Levi 22:27

« Manda yatá zwaŋa sla, ka dər zwaŋa tuwak a tsi, ka dər zwaŋa gu a tsi, fitik ndəfáŋ dzaʼa zata tsi mista ma ni. Sliʼafta ta matghasa fitika ni dzaʼa kəl lu ka tsuʼaftá ka mbəhu ka skwa pla ghəŋ draf lu ta vu ŋa Yawe.

Vrafta ta zlahu 9:26

Ama ka mag yu ta duʼa da Yawe, ka yu mantsa: Mgham Yawe, ma zaɗana ka ta mnduha gha, skwa za həga gha vara kagha ka ghəŋa gha ta həŋ ma glakwa gha həŋ, ka hlagaptá həŋ ma Masar nda glakwa mbrakwa dzva gha.

Yakubu 5:16

Mantsa ya tama, mnuvuswa dmakwa ghuni mataba ghuni, ka maga kuni ta duʼa da Lazglafta ta ghəŋa sani nda sani, kada mbaghunafta Lazglafta ma inda ɗaŋwaha ghuni. Maga duʼa mndu tɗukwa ná, ta ksay ta slna nda mbraku kahwathwata.

Gwal tsa guma 6:26

Tahula tsa, ka bafta ka ta bɗəma tsa kuɗuŋur ya ta gwir ta raku ŋa Yawe, Lazglafta gha. Ka klafta ka ta tsa mahisa lghəŋ ya, ka vlata ka ŋa pla ghəŋ ŋa dray tsuh tsuh ta tsa udza Asera zləmbiŋ ka ya, » kaʼa.

Gwal tsa guma 6:28

Sliʼavata mnduha ma luwa wrək tgha ga sərɗək, kəʼa ka həŋ ná, nda zla gwira Baghal, tsiŋ tsa lu guli ta tsa udza Asera ta vata ni ya, draf dra lu ta tsa mahisa lghəŋ ya tsuh tsuh ta lfiɗa gwir baf lu.

1Sam 10:8

Tahula tsa, tiŋəl kagha dzaʼa laha da Gilgal ka iʼi, ŋa laha ɗa slaghaghata dazlay, ŋa vla skwiha pla ghəŋ ŋa dray tsuh tsuh, nda skwiha pla ghəŋa zɗaku. Ndəfáŋ fitik dzaʼa ka magata ta kəzla iʼi, ha ka laha ɗa da slaghaghata, ŋa snaghamta ɗa ta skwi dzaʼa ka da magay, » kaʼa.

1Sam 12:17

Fitika tska alkama ta vwah a na wu ra? Dzaʼa hgaŋ hga yu ta Yawe ŋa ŋəzlata luwa ŋa nzagatá ni ta imi. Mantsa ya dzaʼa kəl kuni ka grafta ka snaŋtá glakwa ghwaɗaka skwi magana kuni ta Yawe nda ma ɗawafta ghuni ta mgham da tsi, » kaʼa.

1Sam 16:2

Ka Samuyel mantsa: « Waká yu da dzaʼa? Ka snaŋ sna Sawulu katsi, dzaʼa dziha dza, » kaʼa. Ka Yawe mantsa: « Ka klanaʼata ka ta rva sla. Ka ka dzaʼazlay na: “Sagha da pla ghəŋ yu ŋa Yawe,” ka ka dazlay.

1Sam 2:35

Tahula tsa, dzaʼa klagap kla yu ta vərɗa mndu ŋa magihata slna dra skwi. Dzaʼa magay ta slna manda ya ta kum yu nda ya ta ndanu yu. Dzaʼa sladana slada yu ta mndəra taŋ, dzaʼa gəɗata ta maga slna ŋa ɗekɗek ta kəma mndu ya dzaʼa zbapta yu nda ma pghanaghatá rɗi.

1Sam 7:17

Ta vradagha vra dzagha ni ma Rama, vla tsay ni guli ta guma ŋa la Israʼila. Hada guli banafta tsi ta gwir ta Yawe.

1Sam 9:12

Ka həŋ zlghanaftá wi ta həŋ mantsa: « Aŋi! Tar ta kəma gha. La misimmisim, sagha gita da luwa, kabga mamu pla ghəŋ baŋluwa gita ta vli tskala.