1Sam 7:3 - Hdi

³ Ka Samuyel nda inda la Israʼila mantsa: « Ka ma hya hya ŋuɗufa ghuni ta vrakta kuni da Yawe katsi, hliŋwa hla mataba ghuni ta inda lazglaftaha mndəra sanlaha ma mnduha, nda fwatuha Ghasturet skwa wuyay. Ka vlata kuni ta ŋuɗufa ghuni ŋa Yawe, ka maganata kuni ta slna ta tsatsi turtukwa ni, dzaʼa plap pla ta kaghuni ma dzva la Filisti, » kaʼa.

1Sam 7:3 ပူးပေါင်းရင်းမြစ်များ

Zlrafta 35:2

Ka Yakubu nda la ga taŋ, nda ya nda inda gwal kawadaga nda tsi mantsa: « Hliŋwa hla ta inda lazglaftaha ka mayəm mataba ghuni. Ka hliŋta kuni ta skwi ta tsaɗ lu ta kaghuni, ka mbəɗapta kuni ta lgutha ghuni,

1Mgh 11:33

Dzaʼa maga maga manda tsaya, kabga zlaɗivata la Israʼila, ka laghwi da tsəlɓu ŋa Ghasturet, lazglafta la Tsiduŋ, nda ya ta kəma Kəmus, lazglafta la Muwav, nda ya ta kəma Milkum, lazglafta la Ghamuŋ. Ksaf a həŋ ta tviha ya mnana yu ta həŋ manda ya maga Dawuda, da ni ma Salumuŋ wa. Maga a həŋ ta skwi ya tɗukwa nghadap yu wu, kwalaghu kwala həŋ ta snatá skwi ya ta raku mnaf yu, nda zlahuha ɗa.

1Mgh 8:48

ka vrak vra həŋ da kagha nda hya hya ŋuɗufa taŋ, nda inda kɗavakta hafa taŋ ma tsa haɗika ghumaha taŋ ta hlaghatá həŋ ya, ka ndəɓ həŋ ta dzvu da kagha, ka mbəɗavata nda təv haɗika taŋ ya vlaŋ ka ta dzidzíha taŋ, nda ya təv luwa ya zbap ka, nda ya təv həga ya baf yu ŋa vlaŋtá sgit ta hga gha katsi,

2Mgh 17:39

ama Yawe, Lazglafta ghuni dzaʼa kuni da zləŋay. Tsatsi dzaʼa kataptá kaghuni ma dzva inda ghumaha ghuni, » kaʼa.

2Mgh 23:15

Ka dzaɓiŋtá Yusiya guli ta gwir ma Betel, vli tskala si dzihwaf Yaruvgham, zwaŋa Nəvat ta hladamtá la Israʼila da ga dmaku ya. Ka driŋtá tsi ta tsa vli tskala ya, ka ŋərɗiŋta ka hutiɗif, ka driŋtá tsi ta skwa wuyay Asera.

1Rus 22:19

Pghawa pgha ndanana tama ta ŋuɗufa ghuni, nda hafa ghuni ka zba Yawe, Lazglafta ghuni. Sliʼafwa sliʼa ka ba kuni ta vli ta ghuɓuta ŋa Yawe, Lazglafta, kada hlagaghata kuni ta akwata dzratá wa Yawe, nda huzlaha nda fa ka ŋa Lazglafta da tsa həga dzaʼa bafta lu ŋa vlaŋtá sgit ta hga Yawe ya, » kaʼa.

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

2Rus 19:3

Kulam nda tsa, slanagha sla ta skwi ɗina ma kagha, kabga zaɗana zaɗa ka ta skwa wuyay Asera ma haɗik gha, ka fatá ka ta ŋuɗufa gha ŋa zba Lazglafta, » kaʼa.

2Rus 20:33

Kulam nda tsa, hlu a vliha tskal tskala wu, ta ndiʼa a ŋuɗufa mnduha kahwathwata ta Lazglafta dzidzíha taŋ wa.

2Rus 30:19

ta inda gwal ta fatá ŋuɗufa taŋ, ka zba Lazglafta, Yawe, Lazglafta dzidzíha taŋ, dər má tsaɗa a həŋ manda ya ta raku ka ŋa skwi nda fa ka ŋa Yawe! » kaʼa.

Mata 15:8

Ta wi ta wi ta vla tsəna mnduha na ta glaku ŋa ɗa, ama ma ŋuɗufa taŋ ná, diʼiŋ həŋ nda iʼi.

Mata 4:10

Ka Yesu nda tsi mantsa: « Halaway! Laghu la gha ta vata iʼi. “Ŋa Mghama gha Lazglafta dzaʼa vla ka ta glaku, da tsatsi turtukwa ni dzaʼa skwa ka ta htsiŋ,” » ka lu vindafta ma deftera Lazglafta, kaʼa nda tsi.

Mata 6:24

« Haɗ mndu dzaʼa laviŋta gwafta ksanatá slna ta mghamha his, ta magay magay ŋa ya, ta magay magay ŋa ya, ma va tsa fitik turtuk ya wa. Nda husaŋta sani, ta ɗvutá tsi ta sani. Nda ndiʼa nzakwa ni nda sani, ta wuɗiŋtá tsi ta sani. Laviŋ a kuni ta gwaftá maga slna ŋa Lazglafta, ta magay magay kuni ŋa tsedi wa. »

Lukwa 4:8

Ka Yesu nda tsi mantsa: « Nda vinda ma deftera Lazglafta kazlay: ma ghuva Mgham Lazglafta gha dzaʼa tsəlɓa ka ta tsəlɓu, ka maganatá slna ni turtukwa ni, » kaʼa.

Yuhwana 4:24

Lazglafta ná, Sulkum ya. Tsa mnduha ta maga duʼa ŋa ni ya, ma Sulkum nda ya ma kahwathwata ta maga həŋ, » ka Yesu nda tsi.

Vrafta ta zlahu 10:20

Yawe, Lazglafta ghuni dzaʼa kuni da zləŋay, ŋa ni dzaʼa tsəlɓa kuni ta tsəlɓu, ka ndiʼafta kuni ta vgha nda tsi. Nda hga ni dzaʼa waɗa kuni ta waɗu.

Vrafta ta zlahu 13:4

yaha kuni sna gwaɗa tsa anabi, ka tsa mnda suni ya a tsi ya. Ya Yawe, Lazglafta ghuni ta dzəgha kaghuni manda tsaya, ŋa snaŋta kazlay ka ta ɗvu rí ɗva a kuni ta Yawe, Lazglafta ghuni ma hya hya ŋuɗufa ghuni, nda ya nda inda nzakwa ghuni kəʼa.

Vrafta ta zlahu 4:29

Ama daga hada, dzaʼa psay kuni ta Yawe, Lazglafta ghuni, dzaʼa slaf sla kuni tida ka psaŋ psa kuni nda ma hya hya ŋuɗufa ghuni, nda ya nda inda nzakwa ghuni.

Vrafta ta zlahu 6:13

Yawe, Lazglafta ghuni dzaʼa kuni da zləŋay, ŋa ni dzaʼa tsəlɓa kuni ta tsəlɓu, nda hga ni dzaʼa waɗa kuni ta waɗu.

Yəhusuwa 13:31

Mida rita kwakwara Gilghat, nda luwaha Ghastarut, nda Idreghi, luwaha ga mghama Ghug ma Basaŋ. Inda tsa kwakwar ya vlaŋ lu ta rita mndəra la Mahir zwaŋa Mənase ta uʼa taŋ ta uʼa taŋ.

Yəhusuwa 24:14

Ka Yəhusuwa sganaghata guli mantsa: « Ndanana tama, zləŋawa Yawe, ka maganata kuni ta slna manda ya ta raku nda inda kahwathwata. Ka hliŋta kuni mataba ghuni ta lazglaftaha ya si ta tsəlɓu dzidzíha ghuni ta tsəlɓu ŋa taŋ ta tsa ɓla zala Yufratis, nda ya ma Masar ya. Ka tsəlɓa kuni ta tsəlɓu kuni ta Yawe.

Yəhusuwa 24:23

Ka Yəhusuwa nda mnduha mantsa: « Ala, ndana tama hliŋwa hla ta sanlaha ma lazglaftaha mataba ghuni, ka ndiʼafta kuni ta ŋuɗufa ghuni ta Yawe, Lazglafta la Israʼila, » kaʼa nda həŋ.

Gwal tsa guma 10:16

Ka hlíŋtá həŋ ta tsa sanlaha ma lazglaftaha mataba taŋ ya, ka tsəlɓu həŋ ta tsəlɓu ŋa Yawe. Ka suʼuftá ŋuɗufa ni ta ghəŋa tsa ghuya ɗaŋwa ta ghuy la Israʼila ya.

Gwal tsa guma 10:6

Ka zlrəglaftá la Israʼila ta maga ghwaɗaka skwi ta wa ira Yawe. Ka tsəlɓu həŋ ta tsəlɓu ŋa Baghalha nda Ghasturetha lazglaftaha la Aram, nda la Tsiduŋ, nda la Muwav, nda la Ghamuŋ, nda la Filisti. Ka zlanavatá həŋ ta Yawe, ka kwalaghutá tsəlɓu ŋa ni.

Gwal tsa guma 2:11

Ka magatá la Israʼila ta ghwaɗaka skwi ta wa ira Yawe, ka laghu həŋ tsəlɓu ŋa Baghalha.

Gwal tsa guma 2:13

Ka zlanavatá həŋ ta Yawe, ka laghu həŋ da tsəlɓu ŋa Baghal nda Ghasturetha.

1Sam 31:10

Ka pghamtá həŋ ta huzla vula Sawulu ma həga Ghasturetha, ka hbagatá həŋ ta mbla ni ta vata matsaka luwa Betʼsaŋ.