1Sam 6:2 - Hdi

² Ka hagaftá la Filisti ta gwal dra skwi ŋa lazglaftaha taŋ, nda gwal ta ga ɗəgha, ka həŋ mantsa: « Nu dzaʼa mu magay nda na akwata Yawe na? Mnamawa mna ká mu dzaʼa vriŋta dzagha ni, » ka həŋ.

1Sam 6:2 ပူးပေါင်းရင်းမြစ်များ

Zlrafta 41:8

Tsaɗata vli, ta ndan Firʼawna. Ka hagaktá tsi ta inda ɗəghaha ni, nda inda gwal nda ɗifil ma ghəŋa taŋ ma Masar. Ka rusanaftá tsi ta həŋ ta tsa suniha ni ya. Sew haɗ mndu ta laviŋta paslanaptá tsa suniha ni ya wa.

Sabi 7:11

Ka hagaktá Firʼawna ta gwal nda ɗifil ma ghəŋa taŋ nda ɗəghaha tani. Tsa ɗəghaha ma Masar ya, ka magatá hahəŋ guli ta ŋa taŋ manda va tsaya nda má ɗəgha ɗəgha taŋ.

Danyel 2:2

Ka mgham mantsa: « Hagigiɗaghawa haga ta gwal vza mandaŋ, nda gwal dzugwa zlazləra, nda ɗəghaha, nda slayaŋha, ka mnihata həŋ ta tsa suna ɗa ya, » kaʼa. Ka sliʼadaghatá tsa mnduha ya ta kəma mgham.

Danyel 5:7

Ka gwaɗatá mgham nda lwi dagala dagala: « Hagigiɗaghawa gwal dzugwa zlazləra, nda ɗəghaha, nda gwal tsatsa skwi ya, » kaʼa. Ka mgham nda tsa gwal nda ɗifil ma ghəŋa taŋ ma Babila ya mantsa: « Mndu ya ta laviŋta dzaŋaftá na skwi vindaf lu na, mnihaha ta klatá ghəŋa ni, dzaʼa suɗanava suɗa yu ta lguta mamgham mgham, dzaʼa suɗanam suɗa yu guli ta ziɗa dasu ma lwi. Dzaʼa nzakway guli ka mahkəna vla nzaku ma na ga mgham na, » kaʼa.

Mata 2:4

Ka tskanatá tsi ta inda gwal mali ta ghəŋa gwal dra skwi ŋa Lazglafta, nda gwal tagha zlahu ŋa mnduha. Ka ɗawu tsi da həŋ: « Ga tsa vli dzaʼa yata lu ta Kristi ya na? » kaʼa nda həŋ.

1Sam 5:8

Ka hagadaghatá həŋ ta inda mghamha la Filisti, ka tskavata da həŋ, ka həŋ nda həŋ mantsa: « Nu dzaʼa mu magay nda na akwata Lazglafta la Israʼila na? » ka həŋ. Ka həŋ zlghaftá wa ni mantsa: « Klay da Gat, » ka həŋ. Ka klaghatá həŋ ta akwata Lazglafta la Israʼila tama da Gat.

1Sam 6:1

Ka zata akwata Yawe ta tili ndəfáŋ ma kwakwara la Filisti.