1Sam 6:14 - Hdi

¹⁴ Ɓhadaghata tsa mwata sla ya da vwaha Yəhusuwa, mnda la Betʼsemes, ka sladatá tsi hada ta vata sana pala dagala. Ka tatanaptá lu ta udza tsa mwata sla ya, ka vlatá lu ta tsa slaha ya ka skwa pla ghəŋ ŋa dray tsuh tsuh ŋa Yawe.

1Sam 6:14 ပူးပေါင်းရင်းမြစ်များ

2Sam 24:18

Baɗ va tsa fitik ya, ka lagha Gat da Dawuda, kaʼa nda tsi mantsa: « Laf la ta blikwa Arawna, mnda la Yəbus, ka dzihwanafta ka ta gwir ta Yawe, » kaʼa.

2Sam 24:22

Ka Arawna nda Dawuda mantsa: « Ka kla rveri, mghama ɗa, ta na blikwi na ka vla tsi ta skwa pla ghəŋ manda ya dzaʼa zɗəganata! Ngha ɓa! Laviŋ lava ka ta kla slaha ŋa pla ghəŋ ŋa dray tsuh tsuh. Mbəlaʼuha, nda udza sla ya guli ná, ŋa hasuʼu tsaha ya.

2Sam 24:25

Ka dzihwaftá Dawuda hada ta gwir ŋa Yawe. Ka valatá tsi ta skwiha pla ghəŋ ŋa dray tsuh tsuh, nda skwiha pla ghəŋa zɗaku. Mantsa tama, ka maranaŋtá Yawe ta zɗaku ta tsa haɗik ya, ka sladaghutá tsa zləmnda ta rwa la Israʼila ya.

1Mgh 19:21

Diʼiŋaghuta Ilisa nda Iliya, ka hlaftá tsi ta slaha his, ka vlata ka skwa pla ghəŋ. Nda udza tsa slaha ya, ka datá tsi ta sluʼa tsa slaha ya, ka vlaŋtá tsi ta mnduha ŋa zay taŋ. Tahula tsa, ka sliʼaftá tsi ka laghwi mista Iliya, ka nzatá tsi ka maganatá slna.

Sabi 20:24

Ka magaɗifta kuni ta gwir ka haɗik. Tida dzaʼa plihata kuni ta ghəŋ nda rina fisika ghuni, nda slaha ghuni, ŋa dray tsuh tsuh, nda pla ghəŋa zɗaku guli. Ma inda dər wati ma vli dzaʼa havaghunakta yu ta hga ɗa ya ná, dzaʼa sagha sa yu da kaghuni, ŋa tfaghunaghata ɗa ta wi.

Gwal tsa guma 21:4

Ga mahtsima ni, ka tsavaftá mnduha ga sərɗək, ka baftá həŋ ta gwir hada, ka vlatá həŋ ta skwa pla ghəŋha ŋa dray tsuh tsuh, nda skwa pla ghəŋha zɗaku.

Gwal tsa guma 6:26

Tahula tsa, ka bafta ka ta bɗəma tsa kuɗuŋur ya ta gwir ta raku ŋa Yawe, Lazglafta gha. Ka klafta ka ta tsa mahisa lghəŋ ya, ka vlata ka ŋa pla ghəŋ ŋa dray tsuh tsuh ta tsa udza Asera zləmbiŋ ka ya, » kaʼa.

1Sam 11:5

Ma tsa fitik ya vrakta Sawulu ma vwah mista slaha ni, kaʼa mantsa: « Nahgani ya ta wahu mnduha na? » kaʼa. Ka rusanaftá lu ta skwi mna la Yaves.

1Sam 20:29

Kaʼa nda iʼi na: “Wya dzvu, vliha vla ta tvi nda sliʼa yu, kabga mamu ŋni nda pla ghəŋ ta uʼa ŋni ma luwa ŋni,” kaʼa. “Ka sagha ka, ka zwaŋama ɗa mnaɗifta guli. Ka zɗəɗiŋ zɗa ka ta huɗi katsi, vliha vla ta tvi ka dzaʼa yu da nghanaghatá zwana ma ɗa,” kaʼa. Tsaya kwal tsi sagha da vla za skwa zaya mgham, » kaʼa.

1Sam 6:13

Ta tska alkama ta vwah la Betʼsemes ma didiŋa. Kəʼa ka həŋ klaŋtá ghəŋ ná, ka nghaŋtá həŋ ta tsa akwati ya, ka rfu həŋ ta rfu nghaŋər həŋ.

1Sam 6:18

Mbsaka fwatuha mbəga ka dasu ná, vla vla həŋ taɓ ta mbsaka inda luwaha la Filisti ka ŋa tsa mghamha hutaf ya, daga ta luwaha ŋaŋam lu ma matsaka huzlu, nduk nda zwana luwaha kul ŋaŋamtá lu ma matsak, ha ta tsa pala dagala faf lu ta akwata Yawe tida ya. Ta ma vwaha Yəhusuwa mnda la Betʼsemes tsa pala ya ha gita.