1Sam 5:8 - Hdi

⁸ Ka hagadaghatá həŋ ta inda mghamha la Filisti, ka tskavata da həŋ, ka həŋ nda həŋ mantsa: « Nu dzaʼa mu magay nda na akwata Lazglafta la Israʼila na? » ka həŋ. Ka həŋ zlghaftá wa ni mantsa: « Klay da Gat, » ka həŋ. Ka klaghatá həŋ ta akwata Lazglafta la Israʼila tama da Gat.

1Sam 5:8 ပူးပေါင်းရင်းမြစ်များ

1Rus 7:21

Tahat ta yatá Zavat, Zavat ta yatá Sutelah. Mamu i Ghezer nda Ilghat guli. Ka pslatá la Gat ya ya lu ma tsa haɗik ya ta həŋ, kabga vəl laha taŋ da hla bra rina taŋ.

Yəhusuwa 13:3

Klaf kla lu ta tsa haɗikha ya ka la Kanʼana demdem. Sliʼafta ni daga ma lika Sihur ta mukuma nda la Masar dikw ta mukuma nda kwakwara la Ghekruŋ nda ga mazlay. Ma tsa kwakwarha ya tsa mghamha hutaf ka ŋa la Filisti ya. Hahəŋ ta ga mgham ta ghəŋa la Ghaza, nda la Asdut, nda la Askəluŋ, nda la Gat, nda la Ghekruŋ, nda kwakwara la Ghava

Yəhusuwa 15:11

Ka lab tsi nda ma mazlaya luwa Ghekruŋ, ka mbəɗadaptá vgha təv Sikkaruŋ, ka laghu nda mista ghwá Baghala, ka ɓhadaghata da Yavnəʼel, ka lagha da drəf Dagala.

1Sam 17:4

Ka sab sana mndu ka bikwira vulu mataba bakwa la Filisti. Ka dawaraku ma takataka la Filisti nda la Israʼila. Guliyat hga ni, mnda la Gat. Ta magay slada ni ta mitər hkən.

1Sam 17:52

Ka gi sliʼaftá la Israʼila, nda la Yahuda, wuraa wura ka həŋ hlaftá wi, ka hwayiŋtá la Filisti, dikw ta wa didiŋa, dikw ta wa tghaha la Ghekruŋ. Rafsaŋatá mbla la Filisti yeya ta tva Sagharayim, dikw da Gat nda ya ma Ghekruŋ.

1Sam 29:6

Ka hgaftá Ahis ta Dawuda, kaʼa nda tsi mantsa: « Ta waɗa waɗa yu nda hga Yawe nda hafu mida, tɗukwa mndu ka. Ta rfu yu nda nghay ɗa ta kagha ta dzaʼa da ghuɓu ka vragapta kawadaga nda iʼi, kabga haɗ ghwaɗaka skwi slanagha yu da kagha, daga ka yawu sagha gha da iʼi ha ka sagha ta gita wa. Ama zɗəgana a ka ta sanlaha ma maliha wa.

1Sam 5:11

Ka hagaftá həŋ ta mghamha la Filisti, ka tskavata. Ka həŋ mantsa: « Vriŋwa vra ta tsa akwata Lazglafta la Israʼila ya! Ka vra tsi dzagha ni, yaha dá zaɗaŋnata, aŋni nda mnduha ŋni tani, » ka həŋ. Mbaɗa zləŋ ka hlutá mnduha ka rway katakata ma inda vli ma tsa luwa ya, kabga ksanaŋ ksa Yawe ta mbrakwa ni katakata ta həŋ.

1Sam 5:7

Nghanata la Asdut ta skwi ta magaku ná, ka həŋ mantsa: « Ma nza na akwata Lazglafta la Israʼila na da amu, maramaŋ mara na Lazglafta na ta mbrakwa ni katakata, amu nda lazglafta mu, Daguŋ tani! » ka həŋ.

1Sam 6:2

Ka hagaftá la Filisti ta gwal dra skwi ŋa lazglaftaha taŋ, nda gwal ta ga ɗəgha, ka həŋ mantsa: « Nu dzaʼa mu magay nda na akwata Yawe na? Mnamawa mna ká mu dzaʼa vriŋta dzagha ni, » ka həŋ.