1Sam 31:4 - Hdi

⁴ Ka Sawulu nda tsa mndu ta klanatá huzla vula ni ya mantsa: « Tsəhagap tsəha ta kafaya gha, ka sliglata ka ta iʼi. Ka mantsa a tsi wu ná, gwal kul tsaku fafaɗa taŋ dzaʼa sagha da magay, ŋa gay taŋ ta ghəliz ŋa ɗa, » kaʼa. Ama va a tsa mndu ta klanatá huzla vula ni ya ta dzata wu, kabga nda ksa da zləŋ katakata. Mantsa tama, ka klaftá Sawulu ta kafay ni ka vzuŋtá vgha ta wa ni.

1Sam 31:4 ပူးပေါင်းရင်းမြစ်များ

2Sam 1:1

Mtu mta Sawulu. Tahula zata Dawuda ta ghwa ta ghəŋa la Ghamalek, ka vradaghatá tsi nzata ma Tsiklag ka fitik his.

2Sam 1:14

Ka Dawuda nda tsi mantsa: « Waká zləŋ kwal ksaftá kagha ka kapaftá dzvu ka dzatá mndu ya nda fa ka ŋa Yawe nda ma pghanaghatá rɗi na? » kaʼa.

2Sam 1:20

Ma mnə kuni ta tsa gwaɗa ya ma Gat, ma tíŋ kuni ta pazlalaha ma Askəluŋ, dá rfu kwagha la Filisti ta rfu, dá vavalaku kwagha gwal kul tsaku fafaɗa taŋ ta vavalaku ka rfu.

2Sam 1:6

Ka tsa duhwal ya nda tsi mantsa: « Ta ghwá Gilbuwa yu ta slaftá yu ta Sawulu ta dihaftá vgha ta gupa ni, ta dzaʼa mwata plisha nda gwal ŋla plis ratsafta ɗekɗek.

2Sam 17:23

Nghay Ahitufel ta kwal kul snatá hiɗaku vla tsi, ka payanatá tsi ta kəɗiha ni ka sliʼafta ka laghwi dzagha ni ma luwa ni. Ka mnanaftá tsi ta gwaɗa ma ghəŋa ni ta la ga taŋ. Tahula tsa ka hagatá tsi ta ghəŋa ni. Manda tsaya kəʼa mtuta, ka lamtá lu ma kula da ni.

2Sam 21:12

Ka laghu Dawuda da hlakta ghudzifa Sawulu, nda ŋa Yunataŋ zwaŋa ni da la Yaves ma Gilghat. Tsaw si hlaf hla tsaha ya ta badawa ma Betʼsaŋ, ma tsa vli hahaga la Filisti tahula zata ghwa ta ghəŋa Sawulu ma Gilbuwa ya.

1Mgh 16:18

Nghanata Zimri ta ŋafta lu ta luwa ná, ka laghu tsi shwet da dzuguvi ma matsaka huzlu ma həga gá mgham, ka fiŋtá tsi ta tsa həga ga mgham ya nda vu nda tsatsi nda tsatsi ka mtuta.

1Mgh 16:27

Pɗakwa slnaha Ghumri, nda skwiha maga tsi, nda mbrakwa ga mghama ni tani ná, vivindam vivinda lu ma ɗelewera vinda slnaha mghamha la Israʼila.

1Rus 10:4

Ka Sawulu nda tsa mndu ta klanatá huzla vula ni ya mantsa: « Tsəhagap tsəha ta kafaya gha, ka sliglata ka ta iʼi. Ka mantsa a tsi wu ná, gwal kul tsaku fafaɗa taŋ dzaʼa gaɗiptá ghəliz, » kaʼa. Ama va a tsa mndu ta klanatá huzla vula ni ya ta dzata wu, kabga nda ksa da zləŋ katakata. Mantsa tama, ka klaftá Sawulu ta kafaya ni, ka vzuŋtá vgha ta wa ni.

Gwal tsa guma 14:3

Ama ka i ma ni, nda da ni nda tsi mantsa: « Haɗ makwa mataba kwagha mndəra amu, nda ya mataba mnduha mu demdem, dzaʼa kəl ka ka dzaʼa kla makwa la Filisti, gwal kul tsaku fafaɗa taŋ wu ra? » ka həŋ. Ama ka vriŋta Simsuŋ ta mnay ŋa da ni, kaʼa mantsa: « Klaɗif kla, kabga tsatsi ta zɗəgihata, » kaʼa.

Gwal tsa guma 9:54

Ka hgaftá Avimelek ta duhwal ta klanatá huzla vula ni, kaʼa nda tsi mantsa: « Misimmisim tsəhagap tsəha ta kafaya gha ka dzata ka ta iʼi, yaha lu da mnay nda iʼi kazlay na: “Marakw ta dzata,” » kəʼa. Ka sliglatá tsa duhwal ta klanatá huzla vula ni ya, ka mtutá tsi.

1Sam 14:6

Ka Yunataŋ nda tsa duhwala ni ta klanatá huzla vula ni ya mantsa: « Sawi, lab u la dikw da vla bakwa na gwal kul tsaku fafaɗa taŋ na. Ka waya ká skwi dzaʼa laʼuf la Yawe ta hul, kabga haɗ skwi dzaʼa pyaftá Yawe ka mbanaftá mndu wu, dər má kiʼa mbsak, dər má dagala tsi, » kaʼa.

1Sam 17:26

Ka Dawuda nda tsa mnduha ta sladu ndusa nda tsi ya mantsa: « Nu dzaʼa lu maganatá tsa mndu dzaʼa dzatá na la Filisti na, ŋa klaghutá hula ta ghəŋa la Israʼila ka kuni? Wa va na la Filisti, na mndu kul tsaku fafaɗa ni na, ŋa razay ni ta gwal vula Lazglafta nda hafu mida na? » kaʼa.

1Sam 17:36

Mantsa ya dzata kwalva gha ta rveri, nda ziŋa. Manda tsaya dzaʼa nzakwa tsi nda na mnda la Filisti, na mndu kul tsaku fafaɗa ni na, kabga razanaf raza ta gwal vula Lazglafta nda hafu mida! » kaʼa.

1Sam 26:10

Ka Dawuda guli mantsa: « Ta waɗa waɗa yu nda hga Yawe nda hafu mida! Yawe turtukwa ni dzaʼa da dzata, ka dər nda ma mtakwa ghəzləŋa ni tsi, ka ta wa vulu ma ghwa a tsi.

1Sam 31:5

Nghanata tsa mndu ta klanatá huzla vulu ya ta mtatá Sawulu, ka vzuŋtá tsatsi guli ta vgha ni ta wa kafaya ni, ka mtuta kawadaga nda tsi.