1Sam 30:6 - Hdi

⁶ Ka gurɗutá ŋuɗufa Dawuda katakata, kabga haɗ lu zlərtsata wu ri, ka tsa bakwa mnduha ya ta gwaɗay. Nda ŋəra ŋuɗufa inda mndu, dər wati ma mndu dabga zwana taŋ nda kwagha taŋ. Ama ka drəglaftá Dawuda ta ŋuɗuf nda zɗakatahuɗa Yawe, Lazglafta ni.

1Sam 30:6 ပူးပေါင်းရင်းမြစ်များ

Zlrafta 32:7

Ka vraktá tsa gwal ghunay ya da mnanatá ta Yakubu ka həŋ mantsa: « Lab la ŋni da slanaghatá zwaŋama gha Ghesav kay. Waʼa ta sagha da guya kagha kawadaga nda mnduha fwaɗ dərmək, » ka həŋ.

2Sam 17:8

Ka Husay sganaghata mantsa: « Nda sna kagha ta da gha nda mnduha ni tani, bikwira vulu həŋ, nda ga sida taŋ ma mtak manda ziŋa hləgudunus lu ta zwana ni. Mnda vulu da gha, hanata a kawadaga nda bakwa mnduha wa.

2Mgh 4:27

Ɓhadaghata ni da mnda Lazglafta ta ghwá, ka ŋanatá tsi ta səla. Ka lagha Gehazi má ŋa tiŋwaghuta, ama ka mnda Lazglafta mantsa: « Zlana zla, kabga nda gurɗa ŋuɗufa ni. Tsaw si ɗifiha ɗifa Yawe, mniɗiŋ a wu, » kaʼa.

Sabi 17:4

Ka wahu Musa ta wahu da Yawe, kaʼa mantsa: « Nahgani dzaʼa yu magay nda na mnduha na? Ta ɓats nzəɗa ná, dzaʼa zlamba zlamba həŋ ta iʼi, » kaʼa.

Yunusa 2:2

Ka mag Yunusa ta duʼa da Yawe, Lazglafta ni, ma huɗa klipi.

Mbsak 14:10

Ama ka zbə inda guyatá ghəŋa la Israʼila ta zlambatá i Yəhusuwa nda Kalep. Ka gi zlagaptá glakwa Yawe ta tumpula guyaku, ta nghay inda la Israʼila.

Mata 21:9

Ka hlə gwal ta kəma Yesu nda gwal nda hula ni tani ta wi, ka həŋ mantsa: « Ŋa Zwaŋa Dawuda glaku, ka tfanagha tfa Lazglafta ta wi ta mndu ta sagha ma hga Mgham Lazglafta! Ŋa Lazglafta ta luwa glaku! » ka həŋ.

Mata 27:22

« Nu dzaʼa yu magay ŋa Yesu ta hgə lu ka Kristi na tama? » ka Pilat ɗawaŋta da həŋ. « Zləŋafta ta udzu! Zləŋafta ta udzu! Zləŋafta ta udzu! » ka həŋ hlaftá wi.

Yuhwana 8:59

Na mnata ni ta tsaya, ka hlaftá həŋ ta pala ŋa zlərtsay. Ka ɗifaghutá Yesu, ka saghu tsi da daɓa həga Lazglafta.

La Ruma 4:18

Fəglaf a lu ta ghəŋ sizlay wu, tsaw mataba tsaya ná, nda fa ghəŋa Abraham, zlghaf zlgha ta Lazglafta kəl tsi ka nzata ka da ni ma inda mndəra mnduha, manda ya mnana Lazglafta kazlay: Dzaʼa nda ndəgha zivira gha kəʼa ya.

La Ruma 4:20

Dgaŋ a ta ghəŋ ɗekɗek ta ghəŋa skwi ya tanaf Lazglafta ta imi ta sləməŋ wu. Katək ná, zlghay nda ŋuɗufa ni ta vlaŋtá mbraku, ka zləzlvu tsi ta Lazglafta.

La Ruma 8:31

Ka si mantsa tsi, nu ta ŋa mnay mu ta ghəŋa tsaya tama? Ka si ŋa mu Lazglafta ya ní, wa dzaʼa dzaŋtá kəma nda amu na?

2Kwa 1:6

Ka ta ghuyay aŋni ta ɗaŋwa katsi ná, ŋa lɓaghunatá ŋuɗuf, nda ya ŋa mbakwa ghuni nzakwa ni. Ka si vlaŋna vla Lazglafta ta lɓa ŋuɗuf ta aŋni ná, nda nza ŋa lɓaghunatá ŋuɗuf ta kaghuni guli, dzaʼa kəl kuni ka mutsaftá mbrakwa suʼa ghuya ɗaŋwa mndərga va tsa ŋa aŋni ta ghuyay ya

2Kwa 4:8

Dagala ɗaŋwa ta ghuyaŋnapta lu, kulam nda tsaya, kɗaŋna a wa. Dəgaŋha ŋni ta ghəŋ baɗu ma sani, ta hla a ghəŋa ŋni tida wa.

2Kwa 7:5

Dər ma fitika ɓhadaghata ŋni da luwa Mekaduniya ná, haɗ vgha mbiʼaŋni wa. Ghuya ɗaŋwa dər ndiga ndiga yeya ta slaŋnaghata. Gruŋnus gra mnduha, ta zləŋ ŋni ma ŋuɗuf.

Hebru 13:6

Tsaya ta kəl dər wati ma amu ka mnay nda fata ghəŋ kazlay: ta katay Mgham Lazglafta ta iʼi, haɗ sana skwi ta zləŋ yu wu, nu dzaʼa magihata mndu na kəʼa ya.

Gwal tsa guma 18:25

Ka la Daŋ nda tsi mantsa: « Ma walglaŋ ka ta pslaftá wi! Ka mantsa a tsi wu, dzaʼa valaghagha vala gwal ta ŋlaku ŋuɗufa taŋ mataba ŋni, ŋa tɗanakta gha ta mtaku ta ghəŋa gha, nda la ga ghuni tani, » ka həŋ.

Gwal tsa guma 20:22

Ka ŋəglavatá la Israʼila, ka dzəglaftá vgha ŋa vulu ma va tsa vli baɗ taŋtaŋa fitik ya.

1Sam 1:10

Ɗahuɗaha ŋuɗufa Hana katakata, ka mag tsi ta duʼa da Yawe nda taw nda taw ka ŋəɗa ŋəɗa.

1Sam 23:16

Ka sliʼaftá Yunataŋ, zwaŋa Sawulu da slanaghatá Dawuda ma Hursa ŋa vlaŋtá mbraku ŋa fafta ni ta ghəŋ ta Lazglafta.

1Sam 28:15

Ka Samuyel nda Sawulu mantsa: « Kabgawu kəl ka ka gərzliɗifta ta mbiʼa vgha ɗa, ka hgagaɗifta na? » kaʼa. Ka Sawulu mantsa: « Mamu sana skwi ta kəɓa iʼi katakata. Ta vulu la Filisti nda iʼi, ka mbəɗihatá Lazglafta ta hul. Zlghəgla a ta wa ɗa, dər nda təv la anabi, dər nda ma suniha wa. Tsaya tama kəl yu ka hgaŋtá kagha ŋa sniɗimta ta skwi ŋa magay ɗa, » kaʼa.