1Sam 28:6 - Hdi

⁶ Ka ɗawaŋtá Sawulu da Yawe, ama zlghanaf a Yawe ta wi wu, dər ma suni, dər nda ma Urim, dər nda da la anabiha wa.

1Sam 28:6 ပူးပေါင်းရင်းမြစ်များ

2Sam 22:42

Kəʼa ka həŋ waftá vli ta vata həŋ ná, haɗ mndu ŋa kata həŋ wa! Ka wahu həŋ ta wahu da Yawe, ama zlghanaf a ta wi ta həŋ wa.

Sabi 28:20

Mafwaɗa ndər, pal pala ka beril, pal ya ka uniks, pal ya ka yasfe. Ka paghamta ka ta tsa palaha ya ma tsa guɗekwha taŋ ka dasu ya.

Sabi 28:30

Kagha Musa, ka pghamta ka ma tsa zliba ghuva ta dga guma ya ta Urim nda Tumim ŋa klay Haruna ta ghuva ni ta lam tsi ta kəma Yawe. Mantsa, ta lam tsi ta kəma Yawe ya ná, ŋa gɗata ni ta klay ta ghuva ni ta tsa skwiha ta dga guma ŋa la Israʼila ya.

La Levi 8:8

Ka fanamtá Musa ta zliba ghuva. Ma tsa zliba ghuva ya, ka pghamtá tsi ta pala vza vindima ta hgə lu ka Urim nda Tumim ya.

Mbsak 12:6

Kaʼa mantsa: « Kdəkwakdək, fawa fa ɗina ta sləməŋ. Ka mamu anaba Yawe mataba ghuni, ta marava mara yu manda skwi ma suni da tsi, manda skwi ma suni dzaʼa gwaɗganata yu.

Mbsak 27:21

Ka sladata tsi ta kəma Ilghazar mnda dra skwi ŋa Lazglafta, ya dzaʼa ɗawafta ŋa ni ta tsata guma Urim ta kəma Yawe. Dzaʼa sna sna i Yəhusuwa nda inda guyatá ghəŋa la Israʼila ta skwiha dzaʼa mnafta tsi dər yawu tsi, » kaʼa.

Mata 1:20

Tata ndanay ndanay tsatsi ta zlanavata, ka lagha duhwala Mgham Lazglafta da suna ni. « Yusufu zivira Dawuda, ma zləŋ ka ta kla Mari ŋa nzakway ka markwa ghuni. Tsa huɗi zlghaf tsi ya ná, Sulkum nda ghuɓa ta zlghanavata.

Yuhwana 9:31

Skwi ya snaŋ amu ná, zlgha a Lazglafta ta wa skwi ta ɗawu mnda dmaku wa. Mndu ya ta vla glaku ŋa ni, ta snanatá ŋa ni, ta zlghə tsi ta wa ni.

Vrafta ta zlahu 33:8

Wya kəʼa mnata ta ghəŋa Levi: Kagha ta vlaŋtá Tumim nda Urim ta la Levi, gwal klaf ka ka ŋərma mndu, ya dzəghaŋ ka ta həŋ ma Masa, nda ma zlərɗa wi ta wa ima Meriva,

Yakubu 4:3

Ta ɗaway kuni mndani, haɗ kuni ta mutsafta wu, kabga nda tva ni a ta ɗawa kuni wu, ŋa maga skwi ta zɗəgaghunata ta ɗawa kuni.

1Sam 14:37

Ka ɗawaŋtá Sawulu da Lazglafta, kaʼa mantsa: « Ka laha yu da liŋtá la Filisti ra? Dzaʼa vla vla ka ta həŋ ma dzva la Israʼila ra? » kaʼa. Ama baɗ tsaya, zlghanaf a Lazglafta ta wi wa.

1Sam 28:15

Ka Samuyel nda Sawulu mantsa: « Kabgawu kəl ka ka gərzliɗifta ta mbiʼa vgha ɗa, ka hgagaɗifta na? » kaʼa. Ka Sawulu mantsa: « Mamu sana skwi ta kəɓa iʼi katakata. Ta vulu la Filisti nda iʼi, ka mbəɗihatá Lazglafta ta hul. Zlghəgla a ta wa ɗa, dər nda təv la anabi, dər nda ma suniha wa. Tsaya tama kəl yu ka hgaŋtá kagha ŋa sniɗimta ta skwi ŋa magay ɗa, » kaʼa.

1Sam 28:5

Ka nghaŋtá Sawulu ta ghuɓa la Filisti, ka zləŋaftá tsi ta zləŋ, ka tɗatá ŋuɗufa ni katakata.