1Sam 26:16 - Hdi

¹⁶ Ɗina a tsa skwi maga ka ya wa. Ta waɗa waɗa yu nda hga Yawe nda hafu mida, nda ra ka rwaghunata kabga nghap a kuni ka rvera ghuni, mndu ya zbaf Yawe nda ma pghanaghatá rɗi wa. Nghana ngha ɓa! Ga gupa mgham nda beŋwbeŋwa imi si ndusa nda ghəŋa ni ya na! » kaʼa.

1Sam 26:16 ပူးပေါင်းရင်းမြစ်များ

2Sam 12:5

Ka gufaftá ŋuɗufa Dawuda katakata ta ghəŋa tsa mndu ya, kaʼa nda Nataŋ mantsa: « Ta waɗa waɗa yu nda hga Yawe nda hafu mida. Tsa mndu ta magatá tsaya ná, raŋra dzata!

2Sam 19:28

Ama tsatsi, ka tsaɗivatá tsi ta gwaɗa ta iʼi kwalva gha, rveri, mghama ɗa. Ama əŋkaʼ tani, rveri, mghama ɗa ná, nda nza manda duhwala Lazglafta. Maga ta skwi ya ta zɗəgaghata,

1Mgh 2:26

Ka mgham nda Aviyatar mnda dra skwi ŋa Lazglafta mantsa: « La dzagha gha ma Ghanatut. Dər má nda ra ka prək ka dzata mndani, haɗ yu ta dzaghata gita wu, kabga kagha si ta kla akwata mgham Yawe ta kəma da ɗa Dawuda, ka suʼuwaftá ka kawadaga nda tsi ta inda skwi suʼuwaf tsi, » kaʼa.

Afisus 2:3

Amu demdem guli, manda tsa nzakwa hahəŋ ya si amu ghalya. Ghwaɗaka skwiha ta kum ŋuɗufa mu, nda ghwaɗaka ndanuha ta ndanu mu, si ta mag mu. Ma tsa nzatá nzakwa mu manda tsaya ná, ma dzaʼa dəɗamdəɗa amu guli da ɓasa ŋuɗufa Lazglafta, ka guram nda va ŋa tsa mnduha ta maga ghwaɗaka skwiha ya.

1Sam 20:31

Ka tata hafu zwaŋa Yisay ta ghəŋa haɗik katsi, nzata a ka ɗughwana wu, nzata a na ga mgham na ɗughwana guli wa. Ndanana, lawa ksafta, ka klaɗikta kuni, kabga nda ra ka dzata, » kaʼa.

1Sam 24:6

Ama tahula tsaya, ka snə Dawuda ta babamakwa ŋuɗufa ni, kabga vəl tsaʼata ni ta wa sɗakwa Sawulu.

1Sam 26:11

Nziya nza tsi, nda hga Yawe, haɗ yu ta walaŋtá faftá dzva ɗa ta mndu ya zbaf Yawe nda ma pghanaghatá rɗi wa! Hlaghu hla ta tsa gupa, nda beŋwbeŋwa imi ndusa nda ghəŋa ni ya, ka laghwa u, » kaʼa.

1Sam 26:15

Ka Dawuda nda Avner mantsa: « Zgun ka kasiʼi kiʼe! Wa kamtaghu nda kagha ma Israʼila na? Nya tama kwal ka nghapta ka mgham, rvera gha na? Lam la sana mndu da taba ghuni si má ŋa dzatá mgham, rvera gha!

1Sam 26:9

Ka Dawuda nda Avisay mantsa: « Ma dza ka! Wa dzaʼa faftá dzvu ta mndu ya zbaf Yawe nda ma pghanaghatá rɗi, ŋa kwala dmaku ksafta na? » kaʼa.