1Sam 24:11 - Hdi

¹¹ Nda ngha kagha nda ira gha gita kazlay si vla vla Yawe ta kagha ma dzva ɗa ma galigha. Ka ghun lu ta iʼi ŋa dzatá kagha, ama ka zlaghatá yu, ka yu mantsa: “Haɗ yu dzaʼa faftá dzvu ta rvera ɗa wu, kabga nda nza ka mndu ya zbaf Yawe nda ma pghanaghatá rɗi,” ka yu.

1Sam 24:11 ပူးပေါင်းရင်းမြစ်များ

2Sam 1:14

Ka Dawuda nda tsi mantsa: « Waká zləŋ kwal ksaftá kagha ka kapaftá dzvu ka dzatá mndu ya nda fa ka ŋa Yawe nda ma pghanaghatá rɗi na? » kaʼa.

2Mgh 5:13

Ama ka gavadaghatá kwalvaha ni ta vata ni, ka həŋ nda tsi mantsa: « Ar da! Ka má skwi nda bla ɗawaŋ anabi da kagha ní, haɗ ka má dzaʼa magata wu ra? Ɓalavakata tsaya rki: “Mbazaghu mbaza, dzaʼa nza nza ka nda tsaɗa,” » ka həŋ.

Yuhwana 15:25

Tsaw sla sla tsaya mantsa ya, ŋa nzakwa tsa gwaɗa nda vinda ma deftera zlaha taŋ ta mnay kazlay: Ka bətbət husaŋta yu ta həŋ kəʼa ya, manda va tsaya nzakwa ni.

1Sam 12:3

Wana yu ta kəma ghuni! Ka mamu skwi magaghuna yu kul raku, mnihawa mna ta kəma Yawe, nda ya ta kəma na mgham fam tsi nda ma pghanaghatá rɗi na. Mamu mndu klaghu yu ta sla ni, ka kəɗiha ni a tsi ra? Wa ya tsaghu yu? Wa ya ganap yu tiri? Wa mndu ya zlghaf yu ta sməɗ da tsi ŋa haftá iri ta ghəŋa ghwaɗaka slna ni na? Ta vravaghuna vra yu, » kaʼa.

1Sam 18:27

ka sliʼaftá Dawuda nda mnduha ni, ka pslatá la Filisti his dərmək (200). Ka ɗatsaktá Dawuda ta fafaɗha taŋ, ka mbəɗaftá lu ta kəma mgham, ŋa nzakwa Dawuda ka gwasa mgham. Ka vlaŋtá Sawulu ka marakw ta makwa ni Mihal.

1Sam 23:14

Ka laghu Dawuda da nzata ma dzaŋ ta pyama ghwá ta mtaka Zif. Inda tsa fitik ya, ta zbay zbay Sawulu, ama vla a Lazglafta ma dzva ni wa.

1Sam 23:23

Ka nghanata kuni, ka tsatsafta kuni ta inda vli dzaʼa laviŋta tsi ta ɗifaghuta. Ka vrakta kuni da sliɗaghata, grafər kuni, ŋa dzaʼa ɗa kawadaga nda kaghuni. Mantsa tama, ka ma tsa kwakwar ya tsi, dzaʼa psap psa yu ta inda la Yahuda ta uʼa taŋ ta uʼa taŋ, » kaʼa.

1Sam 25:28

Kdəkkdək, plana pla ta krughuva kwarakwara kurɗa gha. Nziya nza tsi ná, haɗ Yawe dzaʼa kwalaghuta vlaŋtá həga ga mgham nda diha ta rvera ɗa wu, kabga ta vulay rvera ɗa ta vula Yawe. Má ma slanagha lu ta ghwaɗaka skwi da kagha ma inda nzakwa gha.

1Sam 26:18

Kaʼa guli mantsa: « Kabgawu ta kəl mghama ɗa ka ŋawa kwalva ni na? Nahgani ya maga yu na? Nahgani dmaku ga yu na?

1Sam 26:20

Ndanana, ma tɗa usa ɗa ta haɗik diʼiŋ nda Yawe! Sliʼaf sliʼa mghama la Israʼila ka zba tsitsiɗif zlaŋzlaŋ, manda ghəzla fufuri ta ghwáha, » kaʼa.

1Sam 26:23

Ka planam pla Yawe ta dər wati ma mndu, taɓ ta skwi maga tsi nda tɗukwa ni nda ŋərma ni. Gita ná, si vliha vla Yawe ta kagha ma dzva ɗa, ama ka zlanatá yu ta faftá dzvu ta kagha, kabga mndu zbaf Yawe nda ma pghanaghatá rɗi ka.