1Sam 23:6 - Hdi

⁶ Tsaw, manda hwayadaghata Aviyatar, zwaŋa Ahimelek ta vata Dawuda ma Kəghila ná, ka kladanaptá tsi nda ifut ma dzvu.

1Sam 23:6 ပူးပေါင်းရင်းမြစ်များ

1Mgh 2:26

Ka mgham nda Aviyatar mnda dra skwi ŋa Lazglafta mantsa: « La dzagha gha ma Ghanatut. Dər má nda ra ka prək ka dzata mndani, haɗ yu ta dzaghata gita wu, kabga kagha si ta kla akwata mgham Yawe ta kəma da ɗa Dawuda, ka suʼuwaftá ka kawadaga nda tsi ta inda skwi suʼuwaf tsi, » kaʼa.

Sabi 28:6

Ka magafta həŋ ta ifut nda sləvdzi ka dasu, nda ya ka kubwalkubwal, nda ya ka dva ghuz, nda ya ka dva ghəlez, nda vəvɗatá sləvdza liŋ kulefeɗ, gwal ta vivɗa dzaʼa gagafta.

1Sam 14:18

Ka Sawulu nda Ahiya, mnda dra skwi ŋa Lazglafta mantsa: « Gavaganagha gava ta akwata Lazglafta, » kaʼa. Tsaw ma tsa fitik ya ná, mataba la Israʼila akwata Lazglafta.

1Sam 14:3

Hada Ahiya zwaŋa Ahituv zwaŋama ni ma Ikavut zwaŋa Pinhas, zigha Iliya mnda dra skwi ŋa Yawe ma Silu. Tsatsi ta kla ifut ma tsa fitik ya. Sna a mnduha kazlay na laghu la Yunataŋ kəʼa wa.

1Sam 22:20

Ta ghəŋa zwaŋa Ahimelek zigha Ahituv turtuktuk yeya ta hwayapta. Aviyatar hga ni. Ka hwayaghutá tsi, ka laghwi da slanaghatá Dawuda.

1Sam 23:2

Ka ɗawaŋtá Dawuda da Yawe, kaʼa mantsa: « Ka laba yu da guyata nda tsa la Filisti ya ra? » kaʼa. Ka Yawe nda Dawuda mantsa: « La, dzaʼa zak za ka ta tsa la Filisti ya, dzaʼa kataf kata ka ta la Kəghila, » kaʼa.

1Sam 23:5

Ka laghu i Dawuda nda mnduha ni da luwa Kəghila, ka liŋtá həŋ ta la Filisti. Ka pslatá tsi ta həŋ katakata, ka tsagaghutá tsi ta bra rina taŋ. Ka katatá Dawuda ta la Kəghila.

1Sam 23:7

Ka snanamtá lu ta Sawulu kazlay na, lam la Dawuda da Kəghila kəʼa, ka Sawulu mantsa: « Kweŋ! Vla vla Lazglafta ma dzva ɗa, kabga ham ha vərɗa tsatsi ta ghəŋa ni, ma lama ni da luwa ya nda ŋərzla nda kra wa tgha ni, » kaʼa.

1Sam 23:9

Snaŋta Dawuda kazlay ta dzərka maga ghwaɗaka skwi Sawulu ta ghəŋa ni kəʼa, kaʼa nda Aviyatar, mnda dra skwi ŋa Lazglafta mantsa: « Klak kla ta ifut! » kaʼa.

1Sam 30:7

Ka Dawuda nda Aviyatar, mnda dra skwi ŋa Lazglafta, zwaŋa Ahimelek mantsa: « Wya dzvu klagiɗagha ifut ya, » kaʼa. Ka klanaktá Aviyatar.