1Sam 23:4 - Hdi

⁴ Ka ɗawuglaŋtá Dawuda da Yawe. Ka Yawe zlghanaftá wi mantsa: « Sliʼa sliʼa ksatá tvi! Vala da Kəghila, kabga dzaʼa vla vla yu ta la Filisti ma dzva gha, » kaʼa.

1Sam 23:4 ပူးပေါင်းရင်းမြစ်များ

2Sam 2:1

Tahula tsaya, ka ɗawaŋtá Dawuda da Yawe, kaʼa mantsa: « Ka lafa yu da ya turtuk ma luwaha la Yuda ra? » kaʼa. Ka Yawe nda tsi mantsa: « Ŋla, » kaʼa. Ka Dawuda mantsa: « Da wati vli dzaʼa ŋladafta yu na? » kaʼa. Ka Yawe nda tsi mantsa: « Da Hevruŋ, » kaʼa.

2Sam 5:19

Ka ɗawaŋtá Dawuda da Yawe, kaʼa nda tsi mantsa: « Ka ŋla yu da vulu nda la Filisti ra? Dzaʼa vla vla ka ta həŋ ma dzva ɗa ra? » kaʼa. Ka Yawe nda Dawuda mantsa: « Ŋla, kabga dzaʼa vla vla yu kahwathwata ta la Filisti ma dzva gha, » kaʼa.

2Mgh 3:18

Ama slaghu a tsaya ta wa ira Yawe wa. Dzaʼa vlaghuna vla Yawe ta la Muwav ma dzva ghuni!

1Rus 14:10

Ka ɗawaŋtá Dawuda da Lazglafta, kaʼa mantsa: « Ka lafa yu da liŋta nda vulu ta la Filisti ra? Dzaʼa vla vla ka ta həŋ ma dzva ɗa ra? » kaʼa. Ka Yawe nda tsi mantsa: « Ŋla, dzaʼa vla vla yu ta həŋ ma dzva gha, » kaʼa.

Yəhusuwa 8:7

Mantsa tama, ŋa sliʼagapta kaghuni ma vla pghatá buɗukwa ghuni, ŋa zata ghuni ta tsa luwa ya, kabga dzaʼa zlaghunaŋ zla Yawe, Lazglafta ghuni ma dzva ghuni.

Gwal tsa guma 6:39

Ka Gidghuŋ nda Lazglafta mantsa: « Yaha ŋuɗufa gha da gufafta ta ghəŋa ɗa, ka gwaɗgləgagha gwaɗa yu turtuktuk. Kdəkkdək vliha vla ta tvi ka magəglaŋta yu ta sana dzəghu nda va na huta tuwak na kweŋkweŋ. Ka nza na huta na kweŋkweŋ heleleʼ, ta nzatá inda daɓa blikwi ka wuninik, » kaʼa.

Gwal tsa guma 7:7

Ka Yawe nda Gidghuŋ tama mantsa: « Nda tsa mnduha hkən dərmək si ta tsaslaʼuwa imi ya dzaʼa kataghunafta yu, ŋa vlata ɗa ta la Midyaŋ ma dzva gha. Ka vra inda pɗakwa dər wati ma mndu dzagha ni, » kaʼa.

Gwal tsa guma 7:9

Ta tsa rviɗik ya, ka Yawe nda Gidghuŋ mantsa: « Sliʼaf sliʼa gha, la la da ghuɓa la Midyaŋ, kabga vla vla yu ta həŋ ma dzva gha.

1Sam 10:22

Ka ɗawuglaŋtá lu da Yawe: « Sagha sa tsa mndu ya da hadna ra? » ka lu. Ka Yawe mantsa: « Wya tsi ta ɗifaghuta mataba huzla, » kaʼa.

1Sam 23:2

Ka ɗawaŋtá Dawuda da Yawe, kaʼa mantsa: « Ka laba yu da guyata nda tsa la Filisti ya ra? » kaʼa. Ka Yawe nda Dawuda mantsa: « La, dzaʼa zak za ka ta tsa la Filisti ya, dzaʼa kataf kata ka ta la Kəghila, » kaʼa.

1Sam 23:3

Ama ka mnduha Dawuda nda tsi mantsa: « Hadna, dər ma luwa la Yahuda ná, ta nzakw nda zləŋ mu ta nzaku. Nu kəʼa dzaʼa magaku ka lab la mu da Kəghila, da gəmata nda gwal vula la Filisti na? » ka həŋ.

1Sam 23:5

Ka laghu i Dawuda nda mnduha ni da luwa Kəghila, ka liŋtá həŋ ta la Filisti. Ka pslatá tsi ta həŋ katakata, ka tsagaghutá tsi ta bra rina taŋ. Ka katatá Dawuda ta la Kəghila.

1Sam 28:6

Ka ɗawaŋtá Sawulu da Yawe, ama zlghanaf a Yawe ta wi wu, dər ma suni, dər nda ma Urim, dər nda da la anabiha wa.

1Sam 30:8

Ka ɗawaŋtá Dawuda da Yawe, kaʼa mantsa: « Ka hwayiŋta yu ta na mnduha na ra? Dzaʼa ksaf ksa yu ta həŋ ra? » kaʼa. Ka Yawe nda tsi mantsa: « Hwayiŋ hwaya ta həŋ, dzaʼa ksaf ksa ka ta həŋ, dzaʼa katakata ka ta tsa gwal ka vuʼa ya, » kaʼa.