1Sam 22:6 - Hdi

⁶ Ka snaŋtá Sawulu kazlay nda sna lu ta vli hada i Dawuda nda mnduha ni kəʼa. Ma tsa fitik ya, ta nzaku Sawulu mista mblam ta kuɗuŋur ma Givgha, nda ŋatá gupa ni ma dzvu, ta sladu inda kwalvaha ni ta vata ni.

1Sam 22:6 ပူးပေါင်းရင်းမြစ်များ

Zlrafta 21:33

Tahula tsa, ka ŋəɓatá Abraham ta fwa mblam ma Bəʼerseva. Hada, ka hgə tsi ma duʼa ta hga Yawe, Lazglafta ŋa kɗekedzeŋ.

Gwal tsa guma 4:5

Mista fwa zlizlama Debura, ma takataka Rama nda Betel ta kwakwar ta ghwá Ifrayim ta gɗata tsi ta nzata. Da hada ta lafa la Israʼila da tsi ŋa tsanata ni ta guma ta həŋ.

1Sam 14:2

Ta nzaku Sawulu ta mukuma Givgha, mista fwa rimuŋ ma Migruŋ, nda sludziha ta maga mkuʼ dərmək (600) kawadaga nda tsi.

1Sam 18:10

Ga mahtsima ni, ka saha ghwaɗaka sulkum suw ghunaga Lazglafta ta ghəŋa Sawulu, ka gi lam tsi da mna wayəm ma həga ga taŋ. Ta dzay dzay Dawuda ta kəzliŋkəzliŋa ni manda ya ma tsa sana fitikha ya kay. Nda ŋatá gupa ni Sawulu ma dzvu.

1Sam 19:9

Ma sana fitik, ta nzaku Sawulu ma həga ni nda ŋatá gupa ni ma dzvu, ka saha ghwaɗaka sulkum ghunaga Yawe suw ta ghəŋa Sawulu. Nda ŋatá kəzliŋkəzliŋ ni Dawuda ta dzay dzay.

1Sam 20:33

Ka slradaptá Sawulu ta gupa ŋa dzata. Tsaya tama, ka graftá Yunataŋ kazlay na a va kuray da ɗa ta dzatá Dawuda na kəʼa.

1Sam 31:13

Ka hlaftá həŋ ta ghudzifha taŋ, ka lamta mista mblam ma Yaves. Tahula tsa, ka magatá həŋ ta fitik ndəfáŋ ta suma.