1Sam 22:17 - Hdi

¹⁷ Ka mgham nda gwal ta nghay ta sladu ta vata ni mantsa: « Kwiɗwa, pslawa psla ta gwal dra skwi ŋa Yawe, kabga ka skwa turtuk həŋ nda Dawuda. Nda sna həŋ kazlay na hwaya ta hway tsi kəʼa, ka kwalaghutá həŋ ta mniɗiŋta, » kaʼa. Ama ka kwalaghutá kwalvaha mgham ta faftá dzvu ta mnda dra skwi ŋa Yawe.

1Sam 22:17 ပူးပေါင်းရင်းမြစ်များ

2Sam 15:1

Tahula tsa, ka mutsaftá Avsalum ta htsiŋa ŋa ni ma mwata plis, nda plisha, nda mnduha hutaf mbsak ta hwaya ta kəma ni.

1Mgh 1:5

Ka ghərɓu Aduniya ta ghərɓaku, zwaŋ ya yana Hagit ta Dawuda, kaʼa mantsa: « Iʼi dzaʼa nzakway ka mgham » kaʼa. Ka hlaghutá tsi ta mwata plisha nda plisha, nda bakwa mnduha hutaf mbsak ta hwaya ta kəma ni.

1Mgh 14:27

Ka magaftá mgham Rəhavgham da vla taŋ ta zalamha ka ghuva tili, ka pghanamta ma dzvu ta maliha ta ghəŋa gwal ngha wi tgha həga ga mgham.

1Mgh 18:4

Ma fitika zaɗay Izabel ta anabiha Yawe ná, ka hlaftá Ghuvadiya ta anabiha dərmək, ka laghwi ɗifanatá həŋ ka bakwa mnduha hutaf mbsak hutaf mbsak ma galighaha, ka vla skwa zay nda imi ŋa taŋ.

2Mgh 10:25

Kɗakwa taŋ ta vlatá skwa pla ghəŋ ŋa dray tsuh tsuh, ka Yehu nda sludziha, nda maliha taŋ mantsa: « Lamwa la ka pslata kuni ta həŋ, yaha yaha ya dər turtuk da ndapta, » kaʼa. Ka pslatá həŋ ta həŋ nda kafay. Ka vazigiŋtá sludziha nda maliha taŋ ta mbliha taŋ dzibil. Tahula tsa, ka zadamtá həŋ da huɗa həga Baghal.

Sabi 1:17

Ama ta zləŋay tsa miʼaha ya ta Lazglafta, ka kwalaghutá həŋ ta magatá skwi ya mnana mghama Masar ta həŋ. Ka zlanatá həŋ ta tsa zwana zgwana ya nda hafu.

Slna gwal ghunay 4:19

Ama ka i Piyer nda Yuhwana mantsa: « Mal sna ŋa ghuni ka zlaŋta ŋa Lazglafta skwi ta raku re, ari mal sna ŋa Lazglafta a na? Tsawa tsa kaghuni ka ghəŋa ghuni ta guma ni.

1Sam 14:45

Ka mnduha nda Sawulu mantsa: « Nu! Yunataŋ ta zanaktá ghwa katakata ta la Israʼila ya dzaʼa dzata lu ra? Kadzeŋkadzeŋ! Ta waɗa waɗa ŋni nda hga Yawe nda hafu mida, haɗ swidi ma ghəŋa ni dər turtuk dzaʼa dɗadata ta haɗik wu, kabga nda kata mnda Lazglafta magata tsi ta tsa slna baɗ tsaya, » ka həŋ. Ka katatá mnduha ta Yunataŋ, dza a lu wa.

1Sam 2:31

Wana sagha fitik dzaʼa ɓlanapta yu ta mbrakwa gha, nda zivira dzidzíha gha. Haɗ mndu dzaʼa ɗyaftá sliʼiŋ ma zivira gha wa.

1Sam 20:33

Ka slradaptá Sawulu ta gupa ŋa dzata. Tsaya tama, ka graftá Yunataŋ kazlay na a va kuray da ɗa ta dzatá Dawuda na kəʼa.

1Sam 22:13

Ka Sawulu nda tsi mantsa: « Kabgawu kəl kuni nda zwaŋa Yisay ka dzraftá wi ta ghəŋa iʼi, ŋa magihatá ghwaɗaka skwi na? Kabgawu kəl kagha ka vlaŋtá buradi nda kafay na? Kabgawu kəl ka ka ndəɓa dzvu da Lazglafta ta ghəŋa ni na? Mantsa ya ná, iʼi liɗis tsi ka pghihatá buɗukwa, manda na nzakwa ni gita na? » kaʼa.

1Sam 22:16

Ama ka mgham mantsa: « Dzaʼa mtaku ka, Ahimelek, kagha nda inda gwal ga da gha! » kaʼa.

1Sam 25:17

Ndanana, ɗina ka nghadapta gha, ka snaŋta ka ta skwi ŋa magay, kabga dzaʼa klanak kla tsa magakwa ni ya ta ɓadzaku kahwathwata ta daŋahəga mu, nda inda gwal ga taŋ tani. Tsatsi tani, sidi ŋa ni ta ŋanata, haɗ mndu ta laviŋtá gwaɗa nda tsi wu, » kaʼa.

1Sam 8:11

Kaʼa mantsa: « Wya skwiha ta raŋtá tsa mgham dzaʼa ga mgham ta ghəŋa kaghuni ya: Dzaʼa hlay mataba zwana ghuni ta sludziha ŋa maga slna nda mwataha plisa ni, nda gwal ŋa ŋla plisha ni, ka ŋa hwaya ta kəma plisa ni a tsi.